Levítico 5:5 - Kuna San Blas

⁵ ” ’Dule-gwensak we-ibmarmar-soggwenadgi isgusale, e-isgusad dukin na barsogergebed.

Levítico 5:5 Iomraidhean Croise

Job 33:27

Deyob geb dule, dulemarga weyob sognai gudoed: ‘Amba an nue isgus-inigwele, an igar-inniki-maidgi yolenoni-inigwele, an sabsur-odurdaklegewilubbinye, degite, an deyob odurdaklessurye.

Salmo 32:5

Geb degi, an-isgued na bega barsognonikid, gwen an begi an-isgued odukussulid. Weyob an sogsad: “Emi, Bab-Jehováʼga an-isgued an barsogoye.” Agine, an-galagwensuli-gudigusad be elinonikid, an-isgudi-gudigusad be anga osulononikid.

Proverbios 28:13

Dule, e-isgued gwageginbi sediile, nued-gudii guosulid. Dule, e-isgued na barsogerdi, egi banguerdi, Bab-Dummad wiledakoed.

Jeremías 3:13

Ani an Bab-Jehová-guedgi bemarga soged: Unnila be-isgusad be magar-itomala, na be angi-nosmalad be magar-itomala. Bela sapi-dummagan-urba bab-dummad-baiganga be ibmar-imaksamalad be magar-itomala, gwen be an-sogedba-nanabigussulid be magar-itomala.’

Daniel 9:4

An-Bab-Dummad-Jehováʼse an goted, weyob anmar-isgued an barsogded: ” ‘Bab-Dummadye, be Dule-Dummadid, be Dule-Gandikidid. Ar bedi dulemar-be-sabgudimaladbo, degi, be-Igar-Mamaidba-ibsadimaladbo igar-mesisale, na sogedba be ibmar-imakdaed. A-ulale, an na magar-itoged:

Levítico 16:21

Aarón sibad-machered-dulad-nono-birgi e-arganmar mesoed. Geb degine, bela Israel-dulemar-ibmar-isgana-imaksamalad, angi-bela-yolesmalad, degi, bela e-isgusmalad barsogoed. Deyobi, we-sibad-macheredgi Israel-dulemar-e-isgusmalad naguoed. Geb dule-ega-igar-uklesadi, we-sibad, nega-dulesulidganba sedoed.

Levítico 26:40

”Ar bemar-isgusadba, degi, be-babgan-isgusadba, be angi bangudigumalad, be angi yoledigumalad.

Levítico 5:13

Weyobi, dule-irwa-Bab-Dummadse-goled ibmar-ukleged Bab-Jehováʼga ukoed. Adi, Bab-Jehová, dulega e-isgusad eliega, egi nossuliyob dakegar. Ibmar-ukleged-gwabgusaddi, dule-irwa-Bab-Dummadse-goledgadga guoed. Ar igi ibmar-gwag-ukleged obichale, a-dulemarga ukledae, deyob uklemogoed.’ ”

Números 5:7

We-dulede e-isgusad na dukin barsogo. Degine, dule-baidgi-nosad-ular, ibmar-oakalosawilub ega ibmar-uko. A-ukine, ibmar-atargi gwensak napi ega ukbalo.

Romanos 10:10

Ar be isgussuliyob-daklegega, gwagegi Jesúsʼgi-bensuli be guergebed. Be abonolegegardi, gayagi be sogergebed, Jesús, Bab-Dummadye.

Josué 7:19

Geb degine, Josué, Acánʼga sogded: —Machi, Israel-dulemar-e-Bab-Dummad-Jehová-nug be odummoge, ar ede nued ibmar imakdiiye. Emigindi, be ibmar-imaksad anga soge. ¡Melle be angi odukue!