Levítico 3:9 - Kuna San Blas

⁹ ” ’Dule-gwenatigwar-guega Bab-Jehováʼga we-sibad-wawaad-ibmarmar ogumakar ukoed: E-gwallu, e-bunnusaila-nagase-sikaled, samur-birgi-gwallumar-nanaid, degi, bela samur-bukwad-e-dikarmargi-gwallumar-nanaid,

Levítico 3:9 Iomraidhean Croise

2 Samuel 6:17

Bab-Jehová-Dulemarbo-Igar-Mesisad-Uludi, David-ega-dordoneg-sobsa-gusadse odononimalad, negabargi sinonimalad. Degine, David, Bab-Jehováʼga ibmar-durgan-ogumakar uknai gualid. Gwenatigwar-guedga-ibmar-ukleged Bab-Dummadga uknai guarbalid.

1 Reyes 3:15

Salomón gabmai-ataksagu, gabdakmai itoalid. Geb Jerusalén-neggweburse nadegusad, Bab-Jehová-Dadganbo-Igar-Mesisad-Ulugwa-asabin gwisgunonikid. Bab-Jehováʼga ibmar-ogumakar uknai gusbalid, gwenatigwar-guedga-ibmar-ukleged Bab-Jehováʼga uknai gusad. Aginbali, Salomón bela dummagan-ega-arbadimaladga iba-dummad ononai gusbalid.

1 Reyes 8:63

Salomón Bab-Jehováʼga dogdar-nuedye-sogleged-ibmar-ukleged uknai gualid. We-ibmarmar uksad: Moli-bebe-nikad, mili-dulagwen-gakabo (22,000) uksad. Sibad-wawaad, degi, sibadmar, mili-dulanergwa (120,000) uksabalid. Deyob, Salomón bela Israel-dulemarmala, Bab-Jehováʼga neg-soblesad nug-imaknai gusad.

1 Reyes 8:64

A-ibagine, Rey-Salomón, Bab-Jehováʼse-goled-neg-imba-naid, Bab-Jehováʼga nug-imaknai gusad. We-neg-imba, Bab-Jehová-e-neg-asabin naid. A-neg-imba-naidgi, ibdurgan ogumakar uknai gusad, ibmar-gwag-gulleged uknai gusbalid, degi, gwenatigwar-guega ibdurgan-e-gwallu ogumakar uknai gusbalid. Ar ibmar-ogumakar-ukleged-aila-esgoro-gordikidgi-sobaled, Bab-Jehová-e-neg-asabin-siid senisoggu, unnisulid. Ar ade, ibmar-ogumakar-ukleged ichesulid. Deginbali, dogdar-nuedye-sogleged-ibmar-ukleged ichesurbalid.

1 Crónicas 16:1

Deyob, Bab-Dummad-Dadganbo-Igar-Mesisad-Ulu selear gusad. Geb David-dordoneg-ega-sobsadgi sinonimalad. Agine, Bab-Dummadga ibmar-durgan ogumakar uksamalad, degi, gwenatigwar-guega Bab-Dummadga ibmar uksamarbalid.

Éxodo 29:22

”Geb degine, we-sibad-wawaad-machered-e-gwallu be suoed: E-samurgi-gwallu-nanaid, e-bina-dukugi-gwallu-nanaid, e-mirwa-gwabogwadgi-gwallu-nanaid, degi, e-mirwa-gwabogwad be suoed, degine, e-dua-argan-nuedsikid be subaloed. Ar ade, we-sibad-wawaad dule-irwa-Bab-Dummadse-goled-onugsalegega uklegaledid.

Proverbios 23:26

Machi, an-bega-binsaed-dakdiidgi be binsae, an-nanadiid be dake.

Isaías 53:10

Ar Bab-Jehová, mesagwar-guega imaksad, sabsur-wilegega imaksad. E na dulemar-isgued-anar san-uksasoggu, a-ulale, na suitiba gudii guoed, bela e-waganmar-dakoed, Bab-Jehová-sogedba bela ibmar imakoed.

Levítico 17:5

We-igar weyob-maid, adi, Israel-dulemar neg-swiregedgi-ibdurgan-oburgwedamaladi Bab-Jehováʼga sedmalagar. Dule-irwa-Bab-Dummadse-goledse Bab-Jehová-dulemarbo-ambikued-neg-yawagakse sedmaloed. Geb agi dule-irwa-Bab-Dummadse-goled Israel-dulemar gwenatigwar-guega we-ibdurgan Bab-Jehováʼga ukoed.

Levítico 7:3

Geb sorbali, bela ibmar-uklenaid-e-gwallu Bab-Jehováʼga uklegoed: E-bunnugi-gwallumar-nanaid, e-samur-birgi-gwallumar-nanaid,

Levítico 8:25

Geb Moisés sibad-wawaad-machered-e-gwallu, e-bunnu, e-samurgi gwallumar-nanaid, e-bina-dutugwadgi-gwallumar-nanaid susad. Deginbali, mirwa-gwabogwad, e-gwallumarse-bakale, degi, sibad-wawaad-machered-e-dua-nuedsikid susbalid.

Levítico 9:19

Deginbali, Aarón-masmala e-bab-Aarónʼga moli-machered-e-gwallu, degi, sibad-wawaad-machered-e-gwallu, e-bunnumar, e-samurgi-gwallumar-nanaid, e-mirwamar, degi, e-binamargi gwallumar-nanaid uksabalid.

Números 7:88

Gwenatigwar-guega, ibdurgan-senonimalad, weyob mergued: Molimar-bebe-nikad-alugwasuarmalad, waladulagwen-gakabake (24), sibad-wawaad-machered, waladulapaa (60), sibad-machered, waladulapaa (60), degine, sibad-wawaad-sapingwagwad-birgagwen-nikad, waladulapaa (60) mergued. We-ibmarmala ibmar-ogumakar-ukleged-aila-nug-imaklenaigusgu Bab-Jehováʼga uklesad.

1 Samuel 10:8

”Degine, Gilgal-neggweburse be an-idu nao. Ibagugle (7) be an-edarbo. Agi an be-dakoed. An a-neggweburse modapile, Bab-Dummadga an ibmar-durgan-ogumakdapoed, degi, igar-nabogega-ibmar-ukleged an ega ukdapbaloed. Geb a-sorba an bega sogoed, ibu be imakoe.”