Levítico 3:8 - Kuna San Blas

⁸ dule-ibmar-uknaidi, sibad-wawaad-sapingwagwad-e-nonogi na e-argan mesoed. Geb Bab-Dummad-dulemarbo-ambikued-neg-yawagak-asabin we-sibad-wawaad-e-dukar egwannoed. Geb sorbali, Aarón-masmala ibmar-ogumakar-ukleged-aila-e-dikarmargi sibad-wawaad-e-abe bomi-bomi imakoed.

Levítico 3:8 Iomraidhean Croise

Isaías 53:6

Anmar bela sibad-wawaad-yoggusgudidaedyobi, yoggus gudimalanad. Na wala-walagwen e-itolegedba gudidimalanad. Degi-inigwele, Bab-Jehová bela e-maigi anmar-isgued nasiksad.

Levítico 1:11

We-dule, Bab-Jehová-asabin ibmar-ogumakar-ukleged-aila-dad-nakwed-argan-sapiledsik, sibad-wawaad-machered-e-dukar egwannoed. Geb Aarón-masmala-dule-irwa-Bab-Dummadse-gormalad, sibad-wawaad-e-abe, ibmar-ogumakar-ukleged-aila-e-dikarmargi bomi-bomi imakoed.

Levítico 1:4

Dule, moli-bebe-nikad-sapingwagwad-ogumakar-uklegoed-e-nonogi na e-argan mesoed. Deyobi, dule-e-isgued-elilegegala, Bab-Jehová we-moli-bebe-nikad abingaoed.

Levítico 1:5

Geb degine, dule, Bab-Jehová-asabin we-moli-bebe-nikad-sapingwagwad-e-dukar egwannoed. Geb Aarón-masmala-dule-irwa-Bab-Dummadse-gormalad, Bab-Jehováʼga we-moli-e-abe ukoed. Geb sorbali, moli-abe ibmar-ogumakar-ukleged-aila-e-dikarmargi bomi-bomi imakoed. We-ailade, Bab-Dummad-dulemarbo-ambikued-neg-yawagak-dogedgi siid.

Levítico 3:13

na e-argan sibad-e-nonogi mesoed. Geb Bab-Dummad-dulemarbo-ambikued-neg-asabin sibad-e-dukar egwannoed. Sorbali, Aarón-masmala ibmar-ogumakar-ukleged-aila-e-dikarmargi sibad-e-abe bomi-bomi imakoed.

Levítico 4:15

Israel-girmar-dummagan Bab-Jehová-asabin moli-sapingwagwad-e-nonogi e-arganmar mesmaloed. Geb Bab-Jehová-asabin we-moli-sapingwagwad-dukar egwanmaloed.

Levítico 4:24

We-dule sibad-nono-birgi na e-argan mesoed. Geb bia ibmar-durgan-ogumakar-ukleged-e-dukar egwallege, agi Bab-Jehová-asabin sibad-e-dukar egwannoed. We-sibad dule-isgusad-anar oburgwilenaid.

Levítico 4:4

Dule-irwa-Bab-Dummadse-goled Bab-Dummad-dulemarbo-ambikued-neg-yawagak-dogedse, Bab-Jehováʼse we-moli-sapingwagwad sedoed. Agi, we-moli-e-nonogi na e-argan mesoed. Geb Bab-Jehová-asabin we-moli-dukar egwannoed.

Mateo 3:17

Geb degi nibneg-akar gayaburba gollalid, sogded: “We, An-Machi-sabed-sunnad gued, weba weligwar an itoged.”

2 Corintios 5:19

Bab-Dummad Cristoʼgi dule-we-napneggi-bukmalad-ebo igar nabosad. Dule-e-isguedgi Bab-Dummad bar binsadasulid. Degine, Bab-Dummad dulemarbo-igar-nabogedgi-sunmakega anmarga igar uksad.

2 Corintios 5:21

Bab-Dummad, Cristo-anmar-isgued-seega imaksad. We-Cristo gwen isgussulid. Degite, dule-isgusadyob gunonikid, adi, Bab-Dummad, isgussuliyob Cristoʼgi anmar-dakegar.

Efesios 2:18

Ar Judíoʼmar, degi, Judíoʼsurmalad, bela anmar unnila Cristoʼginbi Bab-Dummad-Burba-Isligwaledba Babse-walikaguega anmar-imaksasunnad.

Efesios 3:12

Emigindi, Cristo-ibmar-imaksadba, degine, Cristoʼgi anmar nue-bensulidba, anmar Bab-Dummadse dobsuli nabir ese dogsunnad.

1 Pedro 2:24

Ar e-sunnad nakrusgi-bioklenai-gusgua, anmar-isgued e-sangi sesagusad, adi, anmar isguedga burgwar gudiguega, igar-innikigwadginbi nanadii guegar. We-Cristo-bemar-anar-naibigusadgi be nugunonimarsunnad.