Levítico 3:6 - Kuna San Blas

⁶ ” ’Ar dule-gwenatigwar-guega Bab-Jehováʼga sibad-wawaad-ukele, we-sibad-wawaad machereddibe, omedibe, swilidik, gwen boni-nikasulid ukoed.

Levítico 3:6 Iomraidhean Croise

Isaías 60:7

Bega, Cedar-neggwebur-e-sibad-wawaadmar ambikunonikoed. Degi, Nebaiot-neggwebur-e-sibad-wawaad-machergan bega ibnuedga guoed. Adi, an-ailagi anga ibmar-nued-uklegedga guegar. Degi, ani an, an-nug-odummoleged-neg yeerdaklege an imakoed.

Levítico 1:10

Bab-Jehová Moisésʼga sogdebalid: “Ar dule-gwensak anga sibad-wawaad, igi, sibaddibe ogumakar ukele, we-ibdurgan-machered swilidik, gwen boni-nikasuli guergebed.

Levítico 1:2

“Israel-dulemarga be sunmake, ega be soge: ‘Bemar Bab-Jehováʼga ibmar-ukleged ukega sedanimalale, sunna moli-bebe-nikad-sedamalad, igi, sibad-wawaaddibe.

Levítico 19:5

” ’Gwenatigwar-guega be Bab-Jehováʼga ibmar uksokalile, nuedgi ega be ukoed, adi, Bab-Jehová we-ibmar-uklenaid nuedgi abingaegar.

Levítico 22:20

” ’Ibdurgan-wis-boni-nikad bipisaale Bab-Jehováʼga be ukosulid, ar ade, Bab-Jehová we-ibmar bei abingaosulid.

Levítico 23:19

” ’A-ukinbali, isgued-ular sibad-machered-wargwen be ukbaloed, degi, gwenatigwar-guega sibad-wawaad-sapingwagwad-birgagwen-nikad, warbo be ukbaloed.

Números 15:5

Sibad-wawaad-wargwen ogumakar-ukleged-iliba, igi ibmar-negabar-ogumaklegodibe, igi bela ogumaklegodibe, a-iliba, vino-bute-warbo egi be eogoed.

Números 6:14

Agi, Bab-Jehováʼga ibmar-ukleged sedagoed: Sibad-wawaad-sapingwagwad-birgagwen-nikad uknonikoed. We-sibad-wawaad swilidik, gwen boni-nikasuli ogumakar-uklegega senonikoed. Degine, sibad-wawaad-ome-birgagwen-nikad-swilidikid, gwen boni-nikasulid, e-isgued-anar ukega senonibaloed. Deginbali, dule gwenatigwar-guega, sibad-wawaad-machered-swilidikid gwen boni-nikasulid ukbaloed.

Gusmalad 4:27

”Ar ade, nue-napiragwad, Herodes, Poncio-Pilato, degine, Judíoʼsurmalad, degi, Israel-dulemarmala, we-neggweburgi igar-itogega ambikusmalad. Be-Machi-gwage-isligwaled-Jesús-oburgwega igar-amibukwa gusmalad. A-Jesús, Cristoʼga-guega be susagusad.

Gálatas 3:28

Ar emigindi, a-ular, dulemar bar akar-akardeeye soglesulid: Judíoʼmar, Griegoʼmar-ebo bar akarsulid. Maigan, e-itoleged-gudidimalad-ebo bar akarsurmogad. Machergan, omegan-ebo bar akarsurmarmogad. Ar ade, bemar belagwapa soggwennaa Cristo-Jesúsʼgi gunonimalad.

Gálatas 4:4

Ar Bab-Dummad na E-Machi-barmidagoed-e-ibagan-nasiksad oarmaknonigu, na E-Machi ome-wargwengi barmialid, degi, Moisés-Igar-Mesisad-urbaligwa-nanaega aidenonibalid.

Efesios 1:10

Adi, Bab-Dummad na-ibmar-imakoed-ibagan-nonikile, bela ibmar nibneggi-bukmalad, degi, ibmar-napneggi-bukmalad, Cristoʼgi atononikoed.