Levítico 27:3 - Kuna San Blas

³ Machergan birga-durgwen-nikad (20), birga-dulapaa-nikadse (60) onogega, mani-dulabo-gakambe-aidiku (50) be bennukoed, Bab-Dummadse-goled-neggi mani-wilub-saed-siidba bennukoed.

Levítico 27:3 Iomraidhean Croise

2 Reyes 12:4

Ibagwengi Joás, dule-irwa-Bab-Dummadse-gormaladga sogded: “Bab-Jehováʼga-mani-weleged, dulemar-Bab-Jehováʼse-goled-negse-senonidaed, be weemalo. Degi, neggweburga-mani-galeged, degine, igar-maidba Bab-Jehováʼga-mani-ukleged sedamarbalo. Deginbali, dule e-binsaedba-Bab-Jehováʼga-mani-ukleged sedamarbalo.”

Éxodo 30:13

”Bela dulemar-ebislesmalad mani-gramo-atar (5) bennukoed: We-mani anse-goled-neggi-mani-aidikued-wilub-negabar gued. ”We-mani anga ibmar-uklegedga guoed.

Éxodo 38:24

Israel-dulemar Bab-Dummad-neg-sunna-selegedgi-ebulegega, Bab-Dummadga-or-uksamalad, bela ebusmalad. Nibir-milibo gaka dulabakebak-gakambe-gakatar (2,195), ebusmalad. Bab-Dummad-neggi nibirgi-ibmar-wilubsalegedba imaksamalad.

Levítico 27:14

Bab-Jehová, Moisésʼga sogdebalid: “Israel-dulemarga be sogo: ‘Ar dule-wargwen Bab-Jehováʼga na e-neg-uksale, dule-irwa-Bab-Dummadse-goled we-neg nue dakoed. Nue dakogu, geb dulega mani-nug-nasikoed. We-mani-nug-naguoedi, dule-baid bipisaale ogwaosulid.

Levítico 27:25

” ’Bela ibmarga be mani nasikalile, Bab-Dummadse-goled-neggi mani-wilub-saed-siidba ega be nasikoed. We-mani-e-wilubde gramo-ambe (10) aidikued.’ ”

Levítico 27:4

Omegan-onogegardina, mani-dulagwen-gakambe-aidiku (30) be bennukoed.

Levítico 5:15

‘Dule-gwensak na wissulidba Bab-Jehová-ibmar-islidikidgi isgusale, Bab-Jehováʼga e-isgued-ular sibad-wawaad-machered-swilidikid, gwen boni-nikasulid ukoed. We sibad-wawaad-macheredga e-mani-gargegued mani-aidikuedba nasiklegoed. Ar igi Bab-Dummadse-goled-neggi mani-aidikued-wilub-ebislege, deyob ebislegoed. We-ibmar-uklegedi, isgued-ular ibmar-uklegedid.

Levítico 6:6

” ’Na e-isgusad-ular, Bab-Jehováʼga sibad-wawaad-machered-swilidikid, gwen boni-nikasulid sedoed. Dule-isgusadba mani-soglesadba we-sibad-wawaad-macheredga mani-gargegued nasiklegoed. Geb dule, we-sibad-wawaad-machered na e-isgusad-ular, dule-irwa-Bab-Dummadse-goledga ukoed.

Números 18:16

Duledibe, igi, ibdurgandibe, nii-wargwen-nikadgi onolegegala, mani-sibu-gwaatar-anse-goled-neggi-mani-aidikued-ebislegedyob a-anar uklegoed. We-manimala, gera-dulagwen (20) nanaed.

Números 3:47

dule-war-wargwengi mani-sibu-gwaatar be suo. A-mani Bab-Dummadse-goled-neggi-aidikuedba be suo. We-manide, gera-dulagwen (20) aidikued.