Levítico 26:6 - Kuna San Blas

⁶ ”Ani an bemar-yargi neg-bogidikid nasikoed. Degine, dobsulidba nue-gabbukwa, an bemar-imakoed. Ibdurgan-sapurbarmalad-ursirmar an bemarga osulogoed. Degine, bar be-yalagi bila-onolegega an imakosulid.

Levítico 26:6 Iomraidhean Croise

2 Reyes 2:24

Geb, Eliseo yarganba aibilided amar-nuu dakdegu, Bab-Jehová-nuggi a-sapingan ukabsasad. Geb degine, wiob-walabo sapingangi noalid. Bela sapingana e-dulabo-gakabo (42) ese ibitosmalad.

1 Crónicas 22:9

Degi-inigwele, be machi-wargwen-nikuoedi, dule-bogidikid guoed. An ega e-isdarmalad-e-yar-dikarba-bukwamaladbo neg-bogidik nasikoed. Agala, we-machi Salomónʼye nugguoed. Ar e-negsemaidgi, Israel-dulemargala neg-bogidikid nasikoed, degi, bonisuli gudii gumaloed.

2 Crónicas 20:30

Geb degi, Josafat-negsemaidgi neg bogidik-nagunonikid, ar ade, Israel-Bab-Dummad bela neggwebur-iliba bogidikid neg-nasiksad.

Job 11:19

Dule gwen bar be-ogwayedii guosulid, nued be obunnodii guoed. Deginbali, dulemar bese wilenonimarbaloed.

Job 5:23

Ar akwamar be-nainu oichogosulid, ibnuedga bega guoed. Ibdurgan-ursirmar be-ibmar-digarmalad be-ibe ebugosulid.

Salmo 144:14

Anmar-moli-bebe-nikad-omegan, obargudiguega be imake. Mileged-ibagan-iduar, melle milegega be imako. Melle anmar-neg-imbabali, bar dule, suli-suli-itogedba-gordiguega be imako.

Salmo 147:14

Bab-Dummad be-yargi neg-bogidikid nasiked, orosgi-dakleged-trigo-bur-nuedgi immerba be-imaked.

Salmo 29:11

Bab-Jehová na e-dulemarga gangued ukoed, Bab-Jehová e-dulemarga bela neg-bogidikid nasiked.

Salmo 3:5

Ar Bab-Jehová an-edarbedsoggu, an dobsuli meged, nue an gabed. Neg-oibosale, bogidikidgi an gwisgued.

Salmo 4:8

Bab-Jehová, ar bebi unnila an-edarbedisoggu, dobsulidgi an megidoed, bogidikidgi an gabidoed.

Salmo 85:8

Bab-Dummad-Jehová-ibmar-soged an itogoed, ar e-dulamarga, ega-inniki-nanadimaladga, bogidikidgi sunmakoed, adi, melle bar gannar Bab-Dummadgi bangumalagar.

Éxodo 23:29

We-dulemar, birgagwengi yog-onoar an bemarga imakosulid, adi, melle napa binsa-wilenai guegar, degi, ibdurgan-sapurbarmalad melle yaisur mergumai gubaligar. Ar degiile, bemar-naibisamalo-itole.

Proverbios 3:24

Be megid-sogele, be dobguosulid. Be gabidogu, bogidikidgi be gabidoed.

Proverbios 6:22

We-binsaed-nuegan, be bia nadele, be-idumai guoed. Be gabidele, be-edarboed. We-binsaed-nuegan, be atakar-sogele, bega sunmaknai guoed.

Isaías 35:8

Agine, igar-dummadsaar mai guoed. A-igar, Igar-Islidikidye bilegoed. Dule-isgudimalad egi gwen nanaosulid. Dulemar-uaya-satedamalad egi gwen iirmakosurmogad. Unnila dulemar we-Igarbarbi-nanadimaladbi egi nanamaloed.

Isaías 35:9

Bipisaale, agi achumigur-nono-wawaad gwen nika-guosulid, ibmar-durgan-dulegi-aibined ese gwen nonikosurmogad. Ibmar-degimalad gwen daklegosulid, unnila dulemar-bendaklesmaladbi iirmakmai guoed.

Isaías 45:7

Ani an neg-meegwad nasiksad, ani an negsichid nasikbalid. Ani an dulemar-nued-gudiguega imakbalid, ani an boni-dummagan ukbalid, ani an Bab-Jehová-guedi, bela we-ibmarmar imakmaid.”

Isaías 9:7

E-gangued bela nasguoed, e-neg-bogidik-seoed bela nasguoed, gwen berguosulid. David-ologangi dummadga sigoed. E-yalagi dummadga negseoed. E-negseoedi, igar-napiragwadba yar-seoed, innikigwadba negseoed, emi-ibase, degisadegu negseoed. Bab-Jehová-Bela-Gangued-Nikad we-ibmar-imakoedi, e-sabgued-oyomaidba, deyob imakoed.

Jeremías 30:10

Bab-Jehová soged: “An-dula-Jacob-wagan, melle be gwayemar. An-dula-Israel-wagan, melle be dobee itomar. Jacob-wagan, ar an we-yargi be-onogoed, ar be-wagan-Babiloniaʼse-gales-selesmalad an onogoed. Gannar be bogidik-gudii guoed. Dobedsuli be garmakdii guoed, dulemar bar be-ogwayosurmalad.”

Jeremías 31:26

Ani Jeremías, nue-gabmai, an ataas naded. Ibiyobi, negburgan-daksadi an nued-daksa.

Ezequiel 14:15

”Ar bela a-yargi dulemar-ogilogega, an ibmar-durgan-ursilimar barmialiled. A-yar nega-dulesulidganga gusaled. Degisoggu, dule-wargwensaar, ibmar-durgan-ursilimar-dobed-ulale, a-yarse nonisurmalaled.

Ezequiel 14:17

”Ar a-yargi an bila-onoged barmialile, geb bela e-dulemar, degi, e-ibmar-durgan es-suidgi ogiloye an sogele,

Ezequiel 14:21

”A-ulale, ani an Bab-Jehová-Bela-Gangued-Nikadi weyob soged: ‘An wemar-sabsur-odurdaked-bulegan-sogabakegwad barmialile, Jerusalén-neggweburgi bur bule neg-guoed. Bila-onolegedgi, ukud-dummad-naguedgi, ibmar-durgan-ursilimargi, degi, bonigan-bulegangi, an e-dulemar, degi, e-ibmar-durgan ogilogoed.

Ezequiel 34:25

” ’An wemarbo igar-bogidikid mesoed: An we-yargine ibmar-durgan-ursirmar obelogoed, adi, an-sibad-wawaadmar nega-dulesulidganba sunna dobsuli megmalaga, degi, sapurba bogidikidgi gabmaloed.

Ezequiel 34:27

Sapimar na sanmakdoed, napaneg ibmar-gwag osanmakoed. Israel-dulemar na e-yargi dobsuli gudimaloed. Dulemar-maiga-imaksamaladgi an-dulamar an onosale, geb wisgumaloed, ani an Bab-Jehová gue.

Ezequiel 5:17

Ar an bemargi ukud-dummadi, degi, ibdurgan-ursilimaladi barmidagoed. Wemala, bei mimmigan-obelogoed. Bemala boni-buleganbali, ablis-aryomaidbali na be bukib-binsadii gudmaloed. Ar ade, be-dulemar es-suidgi-burgwega an imakoed. Ani an Bab-Jehová-guedi weyob soged.”

Oseas 2:18

A-ibagine, we-ibmar-durgan mer bese achamalaga an imakoed: Ibmar-durgan-sapurbarmalad, mulamar, ibmar-durgan-unimalad. Deginbali, we-yargine, warsigi-urweleged an obelobaloed, es-suidmargi-urweleged, bila-onolemaladi an obelobaloed, adi, bela na dobedsuli gabdii gumalagar.

Oseas 2:20

An be-nikuoed, an be-dikarba noosulid. Degidbali, magar be an-daknonikoed, ani an Bab-Jehová gue.”

Levítico 25:18

Bab-Jehová, Moisésʼga sogdebalid: “Israel-dulemarga be sogo: ‘Bab-Jehová-e-igar-bemarga-uksadba be nanamarsun, Bab-Jehová-Igar-Mamaidba be damarsun. A-sogedba bemar gudii gumarsun. Geb degine, bemar bogidik gudii gumaloed.

Levítico 25:19

Nainu bemarga ibmar-osanmakoed. A-ibmarmar nue-immedik bemar gunmaloed, degine, a-yalagi, nue-bogidik bemar bukwa gumaloed.

Levítico 26:22

Degine, bemargi ibdurgan-sapurbarmalad-ursilimalad an barmidabaloed, adi, be-mimmigan ese bergumalaga, degi, be-moli-bebe-nikamalad bei oburgwemalagar. Degisoggu, bemar ichee-gudmalosoggu, dule-be-igarba-nanamalad sate gudmaloed.

Levítico 26:25

An bemar-ebo-igar-mesisadba bemar dasurmalale, bemar urwenanaidgi, es-suidgi-burgwega an bemar-imakoed. Ar bemar bemar-neggweburgi be dukunadmalale, uelleged-dummad begi an barmidoed, degine, bemar, be-isdarmaladse be galakumaloed.

Levítico 26:7

Bemar be-isdarmalad-bareginmaloed, amar es-suidgi bemarse burgwemaloed.

Miqueas 4:4

Bela dulemar bogidik e-uva-dubmar-urba-bukwa gumaloed, degi, bogidik e-higuera-sapi-urba-bukwa gumaloed, dule-bamaladi, gwen amar-ogwayosulid, ar ade, deyobi, Bab-Jehová-Bela-Gangued-Nikad sogsad.

Sofonías 3:13

Israel-dulemar-napi-bemaloedi, ibmar-isgana imakosurmalad, bar gakansaosurmalad, bar emar-yardakosurmarbalid. Unnila nuedgi mas-gundii, dobsulidgi obunnodii gumaloed.”

Hageo 2:9

Bab-Jehová-Bela-Gangued-Nikad weyob soged: “Anse-goled-neg-binid, bur idualedba, yeerdakle guoed. We-neggi neg-bogidik an nasikoed.” Bab-Jehová-Bela-Gangued-Nikad deyob soged.

Zacarías 9:10

We-rey, Efraín-e-moli-urmar-bila-onoged obelogoed, Jerusalén-e-molimar obelogoed. Warsib-bila-onoged bibisgoed, bela dulemar-yar-baid-baidgi-bukmaladga, neg-bogidikidgi sunmaknonikoed. We-rey, bela demar-nanaid-ugakaase neg-ganonikoed. Éufrates-diwar-maid-akar, bela we-napneg-bergunaidse, neg-ganonikoed.

Juan 14:27

”Ulubgi-bogidik-itogega an bemar-imaked. An na ulubgi-bogidik-itogedyob an bemar-imakmogad. Ulubgi-bogidik-itogega-an-bemar-imakedi, dule-we-napnegginmalad-gwage-bogidik-ukedyob an bemarga uksulid. Mer be surbinsa be-gwagegi be itomar, mer be dobgumar.

Gusmalad 12:6

Herodes, Pedroʼga igar-itogoye sogsad-ibagi, mutik, deun, oibodanigu, Pedro suar-ibmala-warbogwad-abargi, nue esgoro-dub-goabogwadgi ise-atinnar gabmai gusad. Deginbali, suar-ibmala-baigan, yawagak-naba esgarya-edarbegwichi gusmarbalid.

Romanos 5:1

Degisoggu, anmar Jesucristoʼgi-bensulidba isgussuliyob daklenonidasoggu, anmar-Dummad-Jesucristoʼba, anmar Bab-Dummad-ebo igar nudaknonisunnad.