Levítico 26:44 - Kuna San Blas

⁴⁴ ”Ar be-isdarmalad-yargi be gudigumalo-inigwele, amba an be-iegosurmalad. Degine, bela be-obelogedse an be-imakosurmalad. Ar an deyob imakdele, degiile, bemar-dadgan-ebo-an-igar-mesisadgi an annao-itole. Ar ade, ani an be-Bab-Dummad-Jehová gued.

Levítico 26:44 Iomraidhean Croise

Génesis 17:7

Degisadegu, an bebo igar-mesoed, degine, yoedse be-wagan-ebo an igar mesbaloed. Ani, an degisadegu be-Bab-Dummadga guoed. Degine, be-sorba be-wagan-e-Bab-Dummadga degisadegu an gubaloed.

2 Reyes 13:23

Degi-inigwele, Bab-Jehová Israel-dulemar wiledakarbargu, bendaksagusad. Ar ade, Abraham-ebo, degi, Isaac-ebo, degine, Jacob-ebo igar-mesis gusad. A-ulale, emi we-garda-narmaklenaidse amba Bab-Jehová Israel-dulemar-obelossurgusad, degi, na egi obachasur gusad.

Nehemías 9:17

Anmar-dadgan yapa be-ito gusmalad. Degine, ibmar-dakledisulid-ega-be-imaksadi, gwen ebinsassurmalad. Ar be-itossurmarsoggu, amar begi-yoledmalad. Geb na e-dummad-amismalad, adi, gannar Egiptoʼse na maiga-wiledii gunamalagar. Degi-inigwele, Bab-Dummad, bedi amargi bangussulid. Ar Bab-Dummad, bedi dule-wiledaked maid. Bedi sabedgi igar-nudaked, dule-wiledakedba sabedgi be ibmar imaked. Be wissur gwae-gwae sae-itodaed. Be-sabgueddi bur dummarba gued. A-ular, be-dulamar, be iessulid.

Nehemías 9:31

Degi-inigwele, ar be-sabgued dummarba-gusoggu, be anmar-dadgan-obelossulid, degine, wargwen be metesurbalid, Bab-Dummad, ar ade bede-sabedgi igar-nudaked, nue-wile be dule-daked.

Salmo 103:13

Ar igi bab na e-mimmigan sabe, debayobi, Bab-Jehová na dulemar-e-nug-odummodidimaladi sabgued.

Salmo 89:33

Degi-inigwele, an David-sabguosuli bipisaale guosulid, an egi innikidaedi oberguosurbalid.

Salmo 94:14

Bab-Jehová e-dulamar obanosulid. Bab-Dummad, e-dulamar-egadga-imaksad wargwen metosulid.

Jeremías 14:21

Be-nug be nue-sabedbali, melle be isdar anmar-dake. Be-ologana-yeerdakleged-e-neg melle be isdar-dake. ¡Be anmarbo-igar-mesisad nue be ebinsae! ¡Melle be anmarbo-igar-mesisad bisge!

Jeremías 24:5

“Israel-dulemar-e-Bab-Dummad-Jehová weyob soged: ‘Judá-dulemar Babiloniaʼse-gales-selesmaladi, an we-higo-nueganyob dakoed.

Jeremías 30:11

Bab-Jehová soged: “An be-bendakega be-yalaba gwichid. Bia an be-oaisakismala, a-yarmala an bela-naitinagase obelogoed. Degi-inigwele, bemardi an be-obelogosulid, unnila igar-innikigwadba an sabsur-bemar-odurdakoed, an bemar-odurdaksuli an guosulid, an bemar-odurdakedsegad.”

Jeremías 31:20

Bab-Jehová soged: “¿Ar Efraín an-Machi-sabed-sunnadsursi? ¿Bur Efraínʼbina an nue-itosursi? Gandikidba an ega ibmar-sokalile, an ebinsaardaed. Efraín bur bela-belad an-gwage-ebudaed, we bur an nue-wiledaked.

Jeremías 33:26

an Jacob-wagan obachanad, degi, an-mai-David-wagan an obachabalinad. Degine, David-wagan, Abraham-waganga, Isaac-waganga, degi, Jacob-waganga, dummadga-negsemaiguega an sussulinad. Emide, an Israel-dulemar gannar e-yarse an sedagoed, an-dulamar an ise-wile dakoed.”

Ezequiel 16:60

Degi-inigwele, andi be-bipigwaun an-bebo-igar-mesisad ebinsaoed, geb igar-degisadeguad an bebo mesoed.

Levítico 26:11

”An bemar-abargi maigu guoed. An isdar bemar-dakosulid.

Romanos 11:2

Degisoggu, Bab-Dummad na e-dulemar metesurdo, ar bato iduar na susad. ¿Ar be wissurmarsi, igi Elíasʼgi Bab-Dummad-Garda soge? Deun, Elías Bab-Dummadse gotegu, Israel-dulemarnik sogdegu:

Romanos 11:26

Geb a-sorbali, Israel-dulemar bela abonolenonikoed, Bab-Dummad-Gardagi narmakar naidyob: “Sión-akale, Dule-Bendaked danikoed. We-dule, Israel-dulemar-bar-ibmar-isgana-imakbisuli imaknonikoed.” Isaías 59:20

Jueces 2:1

Bab-Jehová-e-baliwitur Gilgal-neggwebur-akar nadegusad Boquim-neg-nugadse, adi, Israel-dulemarga gayaburba sogegar: “Ani an Egipto-yargi bemar-onisad, be-dadganga-yar-ukoye an ise-sogar-sogsadse, an bemar-senonikid. Deun, be-dadganga ise-sogar an sogsa gusad, bipisaale, an bemar-ebo-Igar-Mesisad bar an osulogosurye.