Levítico 26:4 - Kuna San Blas

⁴ ani an bemarga e-ibagan-sekalaa dii-owioed. Nainumargi-ibmar-digaled na e-ibagan-sekalaa sanmake an imakoed, degine, sapimar deyob an imakbaloed.

Levítico 26:4 Iomraidhean Croise

1 Reyes 17:1

Elías, Tisbe-neggweburginedid. Tisbe-neggwebur, Galaad-yargi siid. Elías Rey-Acabʼga weyob sognaded: “Israel-e-Bab-Dummad-Jehová dula-maid. Andi e-maiga gudiidgine, innikigwadgi an bega soged: Birgamar-danikidgi bar dii wiosulid, degine, bar boo batosurbalid. An-sogoedse, geb dii widapoed.”

Job 5:10

Ar Bab-Dummadi dii owimaid, sapurgi dii-wiega imakmaid.

Salmo 104:13

Be-nega-akale, yalamar be ogmaid. Be-ibmar-saedbali, napaneg yeer itoged.

Salmo 67:6

Napneggi bela ibmar-durba sanmakoed, Bab-Dummad, anmar-Bab-Dummad, anmargi nued-binsaoed.

Salmo 67:7

Bab-Dummad, be anmargi nued-binsaoed, bela we-napneggi-yarmar-nanaid-ugakaase Bab-Dummad-dobgumaloed.

Salmo 68:9

Bab-Dummad, bedi bela-belad dii-owisagusad, be-dulamar geggus-danimargua, be e-niga-ogannosad.

Salmo 85:12

Bab-Jehová-sunnad anmargi nued-binsaoed. Anmar-napaneg, nue-ibmar-sanmake guoed.

Salmo 85:13

Igar-innikigwad-imaked, e-gayaburba-barsogedga guoed, Bab-Dummad-idu igar-mayoed.

Isaías 30:23

Degisoggu, be ibmar-gwag digele, Bab-Jehová bemarga dii barmidagoed. Ibmar sanmakdagogu, nue-sanmakoed, degi, yeer-gullemaladbi guoed. A-ibagangine, be moli-bebe-nikamalad nainu-dummagangine, gagan-madii gudoed.

Isaías 5:6

Bela swanga-nai an imakoed, bar uva-dub diglegosulid, bar nuekwaa emilegosulid. Ikomarbi, degi, gagan-ikobimaladbi ainidagoed, bar mogirmar egi dii-owiega an imakosulid.”

Jeremías 14:22

Bab-Dummad, ¿ar bab-dummagan-imbagi, gwensak dii-nabir-owied gudisi? Suli. Bab-Dummad-Jehová, ¿ar bee be, dii-owisursi? ¿Ar nibnega e-itolegedba dii-owiardasi? Suli. Ar bela be we-ibmarmar imaksad. A-ulale, anmar begi bensurmalad.”

Ezequiel 36:30

Sapi-sanmar, degi, ibmar-gwag-welemalad an omerguoed, adi, ukudmaad-itoged-ular, dulemar-yar-baid-baidgi-bukwamaladse mer bar be bingegumalagar.

Joel 2:22

Ibdula-sapurbarmalad, mer dobgumala, ar gaganmar aramakdagoed. Sapimar bela sanmakdagoed, sapi-higueraʼye-nugadi, degi, uva-dubmar yeer sanmakdagoed.

Levítico 25:19

Nainu bemarga ibmar-osanmakoed. A-ibmarmar nue-immedik bemar gunmaloed, degine, a-yalagi, nue-bogidik bemar bukwa gumaloed.

Levítico 25:21

” ’Birganergwadgine (6) Bab-Jehová bemargi ise-nued binsamaloed. Bab-Jehová birgapaa-wilub nainugi ibmar-osanmakoed.

Zacarías 8:12

”Neg-bogidikidgi be ibmar digmaloed, uva-dubmar sanmakega guoed, napamar ibmar-sanmaknai guoed, nibnega e-boomar obadnai guoed. We-neggweburgi-napibesmaladga, bela we-ibmar egadga-guega an ukoed.

Mateo 5:45

Adi, bemar, be-Bab-nibneggi-maid-e-mimmiganga gumalagar, ar Bab-Dummaddi bela dulemar-nuegan, degi, dulemar-isganaga, dad-ibeler ogamaid. Degine, Bab-Dummad bela dulemar igar-innikii-imakmaladga, degi, igar-innikii-imaksurmaladga, dii owimaibalid.

Gusmalad 14:17

Degi-inigwele, Bab-Dummad wargwen anmar-obessulid, anmarga ibmar-nuegan-imakedba e-gangued, degi, e-sabgued oyomai gusad. Anmarga dii-owimai, yor-nued-ibmar-osanmaked nasikmai, mas unniguale ukmai, degi, weligwar-itoleged anmarga ukmai gusad.”

Deuteronomio 11:13

”Ar emi an-bemarga Bab-Dummad-Igarmar-Mamaid-uknaidba be ibsamalale, be-Bab-Dummad-Jehová ise-nue be sabgumalale, bela-bela be-gwagegi ega be arbamalale, degine, be-san-burbagi ega be arbamalale, Bab-Jehová soged:

Deuteronomio 11:14

‘Ani an bemar-yargi dii owioed. E-ibagangi an gebe-dii-wied-owiega imakoed, degine, an napi-dii-wied-owiega imakbaloed. Adi, be ibmar-digsamalad nabir weegar, ibmar-gwag-gullemalad, vino, degi, olivo-gwallu nikumalagar.

Deuteronomio 28:12

”Bab-Jehová, nibneg-akale, bega dii-owiega imakoed. Be-yargi, e-iba-sekalaa dii-owioega imakoed. Bab-Jehová bela be-ibmar-imakedgi, begi-ise-nued-binsaed bega oyononikoed. Dulamar-baigan bese mani-egisdii guoed. Bedi, dulamar-baiganse mani egisosurmalad. Ar ade, bemar mani-unniguar-nika guoed.

Santiago 5:7

Degisoggu, gwenadgan, Bab-Jesús-danikoed-ibase na be san-bargaagwar-gudii gumarsun. Be dakmala, igi-dule-nainugi-arbaed, na e-ibmar-gwag-digsad-sanmaked abitodidae, degi, ibagan-dii-wied gwen-gwae-gwaesuli abitodidabalid.

Apocalipsis 11:6

Wemar-warbogwad nibneg-ediega gangued-nikmalad, adi, emar-sunmakdiid-ibagangi mer dii-wiegar. Deginbali, dii abega-obinyega gangued nikamarbalid. Degine, amar we-napneggi boni-bulegan-galagwensulid, ilabigwa e-itolegedba onibaliga, gangued nikamarbalid.