Levítico 26:16 - Kuna San Blas

¹⁶ an weyob bemar-sabsur-imakoed: Ukiar dobed-dummad bemargi nagunonikoed, bonigan-dummagan, degi, uellemalad-dummagan begi an barmidagoed. Wemala, be-ibyamar oichogoed, degi, be-sanmar nolloo imakoed. Be-ibmar-gwag bemar binsa digmaloed, ar ade, dule-baigan bemar ibmar-gwag-digmaloedi gunmaloed.

Levítico 26:16 Iomraidhean Croise

1 Reyes 8:37

”Israel-dulemar-yar-naidgine, ukud-dummad nagunonidibe, bonimar noardibe, uka-aimaked noardibe, sesemar ainiardibe, sese-burwigan ainiarbardibe, aginbali, e-neggwebur-bukwadgine, e-isdarmalad ebiris ambikunonidibe, bela bonigan egi noardibe, uelleged egi nononibardibe, agine, Israel-dulemar magar e-nosad itononikile, bese ise gollar-imakdemalale, nibneggi-mai be itogoed.

Job 18:11

Dule-isganaga neg-gwayed nagunonikid, gwayed eba sorba gudiguad.

Job 20:25

Sigu-esgoro-gordikidbiid egi yolenonikoedi, ungebigudagoenad, sigu-duku binagi buudu-noedi ungebigudagoenad. Dobedbali, surbinsa itodoed.

Job 31:8

an-ibmar-digsadi bela ani gunmarsundo. An-nainugi-ibmar-naidi bela ani sumarsundo.

Salmo 109:6

Bab-Dummad, we-dulemarga-igar-nabogega, dule-isgana ega be ogwiche, dule-e-bendaknaid egi aibined be imake.

Salmo 73:19

¡Wemar ukiagwar bergudmaloed! Wemar dobedba bergudmaloed.

Salmo 78:33

A-ulale, Bab-Dummad, Israel-dulemar-e-ibagan sikwas-bunnogedyobi, berguega imaksad, e-birgamar dobed-dummad-abalagi, berguega imaksad.

Éxodo 15:26

Bab-Jehová Israel-dulemarga weyob sogded: “Ani an bemar-Bab-Dummad-Jehová gued. Ar bemar, an bemarga-ibmar-soged be nue itomalale, an-ibmar-abegedba be imakele, degi, an igar-bemarga-uksad be imakmalale, degine, an-igar-mamaidba be damalale, Egipto-dulemargi bonigan-dummagan-an-barmialidi, bemargi a-bonigan an barmidagosulid. Ar ade, ani an Bab-Jehová gued. Ar ani an bemar-nudakedid.”

Proverbios 3:33

Bab-Jehová, dule-nued-daed-e-neguyagi nued binsadaed, dule-isgana-e-neguyadi, ukabsadaed.

Isaías 10:4

Ar be bar oakalogosurmalad. Ar bemar gales seledmaloed. Emar-gales-bukwad-abargi be mesagwar gumarmogoed. Sulile, burgwarmalad-imbagi be oburgwilemarmogoed. Weyob bemar imaklego-inigwele, Bab-Dummad-urwedi, amba bogigumaiosulid, Bab-Dummad amba amargi urwemaioed.

Isaías 62:8

Bab-Jehová na e-argan-gangued-nikadba, weyob ise-sogar imaksad: “Bipisaale be-ibmar-gwag be-isdarmalad-e-masga-guega bar an ukosulid, degi, vinoʼgi be nue-arbasgusadi, dule-ainebarmaladi be-ibe gobosurmalad.

Isaías 7:2

Weyob Rey-David-negga-gusadse gayaburba nonikid: Siria-dulemar Efraín-dulemarbo atosmarye. Degi, Rey-Acaz nue-dobe itonaded. E-neggweburginmalad bela dobedba wawanmakdemalad. Igi-sapimar burwaba banamakgwisdae, ayobi wawanmakdemalad.

Jeremías 12:13

Bemar orosgi-dakleged-digsamalan-inigwele, ikomarbi bega ainisad. Be arbasmaladi, binsa be arbasmalad. Bab-Jehová-e-urwed-ulale, bemar-ibmar-wessulidbali be bingegumaloed.”

Jeremías 15:3

Bab-Jehová soged: “We-dulemargine, we-boni-dummagan-sogabake an barmidoed: Bila-onoleged, adi, agi-burgwemalagar. Achumar, adi, e-muimar-ebipiegar. Mulamar, adi, e-san-gunmalagar. Geb ibdurgan-sapurbarmalad, adi, bela e-san-obelomalagar.

Jeremías 15:8

Omegan-ei-sui-burgwismaladi, demargakaba-ukub-naiyob an omelogoed. Yorukudbali, sapingana-e-nangangine, burgwed-igar an egi barmidoed. Ukiagwale, an egi suli-suli-itoged nasikoed, an egi dobed-dummad nasikoed.”

Jeremías 20:4

”Ar Bab-Jehová weyob soged: ‘Na be dukin gwayed-dummadga guoed, degi, be-aimar-ogwayedga be gubaloed. Be-aimar e-isdarmaladse es-suidgi oburgwilegoed, be-sunnagwad be dakoed. Bela Judá-dulemar, Babilonia-e-reyga an urmakoed, geb a-rey, Babilonia-yarse bemar-sedoed, sulile, es-suidgi be-oburgwemaloed.

Jeremías 5:17

Be-ibmar-wesmalad bei obelomaloed, be-masgullemalad bei obelomarbaloed. Be-masmala, be-bunamala, bei oburgwemarbaloed. Degine, be-sibadmar, be-moli-bebe-nikamalad, bei ogilomarbaloed. Deginbali, be-uvaʼmar, be-higuera-sapimar, bei obelomarbaloed. Be-neggwebur-gandikmaladgi, dule-oakalogosurye-egi-be-binsaedi, bela es-suidgi bei obelolebaloed.”

Ezequiel 24:23

Mor-gurgin-bipirmakaled nonogi be simaloed, sapat be yomaloed, be boosurmalad, be naibi itogosumarbalid. Ar be-isgued-ular, be bergumaloed. Na be muchub-muchub wiles-gornanai gumaloed.

Ezequiel 33:10

“Dule-machi, Israel-dulemarga be soge: ‘Bemar soged: Anmar-uayasulidaedye, degi, anmar-isgued anmargi naiye. A-ulale, anmar girgumaiye. Degite, ¿igi anmar dula-gudii guosunye?’

Amós 5:11

Ar bemar, dule-wilegana ibigwensuli imakmarsoggu, degi, orosgi-dakleged-trigoʼgi, mani-galeged-bennuked ega be igar-mesismarsoggu, a-ulale, be-akwa-neg-sobsamaladgi, be megosurmalad. Degine, nainugi be-uva-naid-e-vino gwen be gobosurmalad.

Miqueas 6:15

Be ibmar-digmaloedi, gwen be weosurmalad, degi, be olivo-gwallu-egurmaloedi, gwen be ebugosurmalad. Vino-onogega uva-nis-egurusadi, be gobosurmarbalid.

Hageo 1:6

”Bemar ibmar-durba bukidar makenad, degi-inigwele, ichee wis be wemalad. Be mas gunmalanad, degi-inigwele, amba be ukudmaada itodamalad. Be gobmalanad, degi-inigwele, amba be uku-uku itodamalad. Be mor yodamalanad, degi-inigwele, amba be dambe itodamalad. Arbasadgi be-mani-bennuklegedi, ibmar-bakega amba bega unnisurdaed.”

Zacarías 14:12

”Ar Bab-Jehováʼdi, bela dulemar-yar-baidsikid-nonimalad Jerusalén-dulemargi-bila-onosmaladi, we-bonigangi naibigumaloed: We-dulemargala e-san nungudoed, e-ibyagwag nungudoed, e-gwabin ega nungudbaloed.

Malaquías 2:3

”A-ulale, an be-waganse urwoed. Bemar ibdurgan-ogumakar-ukleged-iba-onolegedgi ibmar-durgan-e-saa, an bemar-wagargi mioed. Geb bela a-ibmar-isganaba-mesa an bemar-metoed.

Deuteronomio 28:51

We-dulemar, bemar-obelogedse be-ibdurgan-e-mimmigan gunmaloed, be-nainugi ibmar-sanmakmalad gunmaloed. We-dulemala, ibmar-gwag, vino, olivo-gwallu, degi, moli-bebe-nikad-e-mimmigan, degi, sibad-wawaadmar-e-mimmigan bemarga obegosurmalad. We-ibdurgan-bela-be-ibe-obelogedse imakmaloed.

Deuteronomio 32:25

E-mimmigan magaba-nodogu, es-suidgi burgwemaloed. Negyabardi, bela-bela dobe-itomaloed. Sapingana, bunamala, goemar, degi, dadormar, bela-burgwemaloed.

Hebreos 10:31

Dule Bab-Dummad-Dula-Maid-e-sabsur-odurdaked itogele, we, beedse nunmaked-dummaddo.

Jueces 6:11

Degidgi, Bab-Jehová-e-baliwitur Ofra-neggweburgi sapi-urba signonikid. We-sapide Joásʼgadid. Joásʼde Abiezer-wagwad. Deun, Joás-e-machi-Gedeón uva-egureleged-neggi, orosgi-dakleged-trigo egwanaid, adi, Madián-dulemar-idu odukuegar.

1 Samuel 2:33

Ar be-gwenad-gwensak an-ibmar-ogumakar-ukleged-ailagi ibmar-imakega an obesale, be-obodiguega gudoed, degi, gwage-nunmak be-imakdii gudbaloed. Degine, bela be-wagan sapingwagwadgi burgwemaloed.