Levítico 26:13 - Kuna San Blas

¹³ Ani an bemar-Bab-Dummad-Jehová gued. Ani an Egipto-yargi bemar-onosad, adi, bemar Egipto-dulemar-e-maiga mer bar-guegar. Bemar mer bingegudii gumalaga, maiga-gudiidgi an bemar-onosad.”

Levítico 26:13 Iomraidhean Croise

Salmo 116:16

Bab-Jehová, ani an be-maiga gued. An be-machi-innikigwadid, an be-maiga gudiid. Galessiidgi be an-ollor-imaksad.

Éxodo 14:8

Bab-Jehováʼdi aka bur bule Egipto-rey-Faraón-burguega imaksad. A-ular, Faraón Israel-dulemar-baregite gusad. Israel-dulemardi dobsulidba nadap gusmalad.

Éxodo 20:2

“Ani an be-Bab-Dummad-Jehová gued. Bemar Egipto-yargi maiga-wilebukmargu, ani an bemar-onosadid.

Éxodo 6:7

Ani an be-sumaloed, an-dulamarga an be-imakmaloed. Ani an be-Bab-Dummadga guoed. ” ’Deyobi, bemar wisgumaloed, ani an be-Bab-Dummad-Jehová gued. Deginbali, bemar wisgumarbaloed, ani an Egipto-dulemar sabsur-bemar-oarbananaimargu an bemar-onosad.

Isaías 51:23

Dulemar-sabsur-be-odurdakdimalad an odurdakoed. Ar we-dulemar bega weyob sogsa gusmalad: ‘Napagi balimellemai be imakmarye, adi, anmar begi annamalagarye.’ Ar deyob be imaksa gusmalad, ega napagi mellemai be gusmalad, bela dulemar be-birgi annas gusmalad.”

Isaías 9:3

Bab-Jehová, bee be, dulemar-omelosad, bee be, bela-bela-weligwar-itogega imaksad. Igi dule ibmar-gwag-weenaile, weligwar itodae, deyobi, be-asabinni weligwale na itomaloed. Igi dule ibmar-nuegan-miminaile, weligwar itodae, deyobi, be-asabinni weligwale na itomaloed.

Jeremías 2:20

”Bato dikasurgus bemar angi gwisgusmalad, dikasurgus be angi bangusmalad. Ar bemarde weyob sogsamalad: ‘¡Anmar beba daosuli!’ Bela yar-mullugangi, bela sapi-dummagan-urba, gambanuchu-imakdii be gusmalad.

Jeremías 28:2

—Weyobi Israel-dulemar-e-Bab-Dummad-Jehová sogye: ‘Babilonia-rey maiga-bemar-imakdidii an obelogoye.

Jeremías 28:4

Hananías anga sogdebalid: —Bab-Dummad-sogye, ‘Ani an Bab-Jehová-guedgi sogye: Joacim-machi-Judá-e-rey-Jeconías gannar wese-dagega an imakoye, degi, bela dule Judá-yalagi, Babiloniaʼse gales-selesgusmalad an gannar wese sedagoye.’

Ezequiel 30:18

Egipto-yar-e-gangued an obelosale, Tafnesʼgi negsichid naguoed. Deyobi, na e-gargangued san-dummarba-imaked bergunonikoed. Egipto-yar negsichidbi naguoed, e-bunamala gales ebipiledmaloed.

Ezequiel 34:27

Sapimar na sanmakdoed, napaneg ibmar-gwag osanmakoed. Israel-dulemar na e-yargi dobsuli gudimaloed. Dulemar-maiga-imaksamaladgi an-dulamar an onosale, geb wisgumaloed, ani an Bab-Jehová gue.

Oseas 11:4

Sabedgi an be-nisad, wiledakedgi an be-sesad. Mailediidgi an be-onosad, wiledakedgi masgi an be-oguchad.

Levítico 25:38

Ani an be-Bab-Dummad-Jehová gued. Ani an Canaán-yala bemarga ukega, Egipto-yargi bemar-onosad, adi, an be-Bab-Dummadga guegar.

Levítico 25:42

Deyob guoed, ar ade, Israel-dulemar anga-arbamalad-gumalad, ani an wemar Egipto-yargi onosad. A-ular, Israel-dulemala maiga-guega manigi uklegosurmalad.

Levítico 25:55

” ’Israel-dulemar anga-arbamalad gumalad. We-Israel-dulemar, ani an Egipto-yargi onosad. Ani an be-Bab-Dummad-Jehová gued.’ ”

Nahúm 1:13

Dulemar-sabsur-be-imakdimaladgi an be-ollor-imakoed, bar be maiga-gudii guosurmalad.”