Levítico 24:2 - Kuna San Blas

² “Israel-dulemarga be soge: ‘Olivo-gwallu-bur-swilidikid ibmarba-oburarsulid, be sedamalo. Adi, Bab-Dummadse-goled-neggi gwallu ogaegar. Deyobi, a-gwallumar degisadegu gasii guoed.

Levítico 24:2 Iomraidhean Croise

2 Crónicas 13:11

Amardi bane-bane, wakdaradba, degi, sedogidba Bab-Jehováʼga ibmar ogumakar ukdamalad. Degine, ina-wawadikid obupurmak damarbalid. Deginbali, bane-bane madu-Babga-nugsaleged mese-orbiidgi urbedamalad, degi, sedogidba gwallu-sied-orbiidgi gwallu-bukwad ogadamalad. Ar ade, anmardi Bab-Dummad-Jehová-Igar-Maidba nanadimalad. Ar bemardi, Bab-Jehováʼgi be bangudmalad.

Salmo 119:105

Be-Gayaburba gwallu-meegwadyobi an-iduedga gued. Neg-ibegwalebayobi anga igar oyoged.

Salmo 119:130

Be-Gayaburbagi sunmakledele, magar ibmar-itogega anmar-imaked. Dule-ibmar-wissulid magar-ibmar-itogega imakbalid.

Éxodo 39:37

Gwallu-sied-olobiid-imakaled, e-gwallumar, gwallumar-bela-ilekwaa-silegoed, bela-ibmarmar-gwalluba-ebulemalad, degi, e-gwallu-diimar.

Éxodo 40:24

Moisés, Bab-Dummad-dulemarbo-ambikued-neggi, dad-nakwed-argan-nuedsik mese-asabin, gwallu-sied sisad.

Proverbios 6:23

Igarmar-Mamaidi, gwalluyobi gued, ibmar-odurdakleged neg-meegwadyobi gued. Igar-nuegan-mamaidba-nanalegedi, be-odurdakoed igi be nanaergebe.

Isaías 11:2

A-dulegi Bab-Jehová-E-Burba megoed: Nue-binsaed-nikagued ega ukoed, nue-ibmar-magar-itoged ega ukoed, binsaed-nued-uke imakoed, degi, gangued-nika imakoed, gurgin-nikarba imakoed, degi, Bab-Jehová-dobee-nanadii imakoed.

Isaías 8:20

An bemarga sogdo: “Bab-Dummad-Igar-Mesisadgi bur be nanamalo, e-ibmar-sogsadgi bur be binsamalo.” Ar dule, we-igarmargi-nanasulile, igar-napiragwad amiosulid.

Levítico 24:1

Bab-Jehová, Moisésʼga sogdebalid:

Levítico 24:3

Aarón Bab-Dummad-dulemarbo-ambikued-neggi gwallumar ogaoed, bia Bab-Dummad-Israel-dulemarbo-Igar-Mesisad-Ulu-siid-iduar, mor-dummad-naid magaba ogaoed. Adi, we-gwallumar Bab-Jehová-asabin gasii oibodagegar. We-igar, be-waganga degisadegu maigu guoed.

Mateo 4:16

Dulemar-negsichidgi-gudigusmaladi, neg-meegwad daksamalad. Negsichidgi-bukwagusmaladga, neg mee gunonikid.” Isaías 9:1-2

Mateo 5:16

Debayobi, gwallu gaeyobi, bemar dulemar-asabin damarmogo, adi, dule-baigan be-ibmar-nuegan-imakdiid dakmalagar, degine, be-Bab-Dummad-nibneggi-maid-e-nug ogannomalagar.”

Lucas 1:79

Adi, negsichidgi-bukmalayobid, Bab-Dummad-akudakmalad, gwallu-mee-imaklegeyobi, Bab-Dummad-magar dakegar. Degi, dule burgwileged-dobmalad ega osulogegar. Degine, igar-bogidikidba anmar-niegar.”

Lucas 12:35

Jesús sogdebar: “Bemar guagwar gudii samar, igi-dule-arbamalad guagwar molidub-nai e-sasirba gudidamala, degine, be gwallu guagwar ogaar simar, we-a sogledo, be guakwaa gudigumarye.

Juan 1:4

We-Gayaburbagi san-burba-dulad maid. We-san-burba-dulad, dulemarga gwallu-meegwadga gued.

Juan 1:9

We-gwallu-meegwad we-napnegse-danikidi, napiragwadid. We-gwallu-meegwad bela dulemarga neg-mee imaked.

Juan 5:35

Ar igi acha-gwallu gummake, degine, mee-gae, deyobi, Juan gudigusad. Ar bemar unnila a-gwallugine wis-ichesaar yeer-itodii abesmalad.

Juan 8:12

Gannar Jesús dulemarga sunmakdebargu, sogded: —Ani an we-napneg-naid-e-gwallu-meegwadid. Ar dule anba dagele, negsichidgi nanaosulid, gwallu-meegwad nikuoed.

Gusmalad 26:18

Adi, amarga be ibya egaegar, mer negsichidgi bar garmakdii gumalagar, nabir bur gwallu-meegwadgi gudigumalagar, mer nia-saila-Satanás-ganguedba bar-nanamalagar, nabir Bab-Dummad-igarba nanamalagar. Amarse an be-barmid, angi mer bar bengumalagar. Geb degiir, e-isgudiid Bab-Dummad ega elioed, degi, nabir nibneggi angi-akasmaladba ibmar-nued nikumarmogoed.’ ”

2 Corintios 4:6

Ar Bab-Dummad sogsad: “Negsichidgi gwallu-mee gasun.” Génesis 1:3 A-Bab-Dummad anmar-gwagegi ibmar-magar-itoge anmar-imaknonikid, adi, Bab-Dummad-e-yeerdakleged Jesucristoʼbali anmar wisgumalagar.