Levítico 23:3 - Kuna San Blas

³ Bab-Jehová, Moisésʼga sogdebalid: “Israel-dulemarga be weyob sogo: ‘Bemar ibanergwa (6) arbamaloed. Ar ibagugledgindi (7), bemar obunnomaloed. A-iba, an-nug-odummogega itoakwaa-iba-onoleged-iba gued. A-ibagi, bemar bipisaale arbaosurmalad. A-ibagi, bemar na bia maimalodibe, Bab-Jehová-nug-odummogega bemar obunnogoed.’ ”

Levítico 23:3 Iomraidhean Croise

Éxodo 16:23

Agi, Moisés amarga sogded: “Ar weyob Bab-Jehová igar uksad. Oibosale, obunnoged-ibad. We-iba, Bab-Jehováʼgadid. Emi bemar mas-yobiedi, emi be yomalodo. Emi mas-dulebiedi, emi be mas dumalodo. Bemarga-mas-obinoedi, banedga be sabomaloed.”

Éxodo 16:29

Ani, Bab-Jehová, an bemarga ibagwen-obunnoged-iba uksanad. Agala, ibanergwadgine (6), an bemarga masgunned ibabo-wilub uksad. Degisoggu, ibagugledgine (7), bemar na e-neg-e-neggi megewilubmalanad, bemar na be-neggine noewilubsurmalanad.”

Éxodo 16:30

Geb degine, dulemar ibagugledgine (7) obunnosmalad.

Éxodo 23:12

”Ibanergwa (6) bela be-ibmar-imaked be imako, ibagugledgindina (7), be obunnogoed, adi, be-moli-bebe-nikad-alugwasualed, degi, be-moli-uayasuid, obunnomalagar. Deginbali, be-maigan, degi, dule-be-yarginedsulid, gannar gangumalagar.

Éxodo 34:21

”Ibanergwa (6) be arbaoed, ibagugledgindina (7) be obunnogoed. Amba ibmar-digedgindibe, ibmar-weedgindibe, amba be obunnogoed.

Isaías 56:2

Dule, an-igarmarba nanadiile, degi, sogedba eba gudiile, we-dule, dule-weligwaledid. Dule, obunnoged-ibagi obunnodiile, gwen egi nodisulile, degi, dule ibmar-isgana-imakdisulile, we-dule dule-weligwaledid.”

Isaías 56:6

Dule-ainebarmalad anga-arbaega anba-akasmaladi, an-nug-ogannogega anba-akasmaladi, an-nug-odummogega anba-akasmaladi, an-yalase an nidoed. Bela obunnoged-ibagi-obunnodimalad gwen angi-nodisurmaladi, degi, anbo-igar-mesisad-sogedba-gudimaladi,

Isaías 58:13

Bab-Jehová weyob soged: “Obunnoged-ibagi be obunnodimalale, gwen egi be nodisurmalale, an-iba-islidikidgi be-itolegedba be ibmar-baigan-imaksulile, be ani Jehováʼgine wergued amimaloed. Weyob be obunnoged-iba-bimalale: ‘Weligwaled-ibaye.’ Degi, weyob be iba-islidikid-bimarbalile: ‘Bab-Jehová-nug-odummoged-ibaye.’ Be angine, wergued amimaloed. Obunnoged-ibaga be bagagwar-gumalale, mani-onogedgi-arbasulidgi be an-nug-odummomalale, degine, walagwengi be-itolegedba-yogasaar-sunmaksulidgi be an-nug-odummomalale,

Levítico 19:3

Bemar be-babgi, degi, be-nangi, binsaed-nikaa nanamalo. An-obunnoged-ibagi, be obunnodii nanamalo. Ani an bemar-Bab-Dummad-Jehová gued.

Lucas 13:14

Ar Jesús obunnoged-ibagi ome-nudaksadba Judíoʼmar-onmakedneggi-dummadga-gudiid sae-itoded. A-ular, dulemarga sogded: —Ar iba, ibanergwa (6) arbaega naisursi, a-ibagi be nuguegar dagmardo. Mer obunnoged-ibagi nuguega be dagmala.

Lucas 23:56

Omegan negse-nonimargu, ina-biseb-wawaad, degine, gwallu-wawagwad-nuegan guagwar urbismalad, adi, Jesús-muigi eonamalagar. Geb degine, omegan Moisés-Igar-Maidba obunnoged-ibagi obunnosmarsunnad.

Gusmalad 15:21

”Ar aga epenne neggwebur-irba, Judíoʼmar-onmakedneggi, Moisés-Igar-Mesisad-odurdakmalad nikagusad. Aginbali, itoged-irba obunnoged-ibagi Moisés-Garda absoledabalid.”

Apocalipsis 1:10

Bab-itoged-ibagi Bab-Dummad-Burba-Isligwaled bela-bela angi nonikid, an-yarganba gar-trompeta-goleyob binnasur gayaburba gornonikid,