Levítico 23:2 - Kuna San Blas

² “Israel-dulemarga be weyob sogo: ‘Bab-Jehová we-itoakwaa-ibamar-onoleged mesisad. Bemar Bab-Jehová-nug-odummogega, a-ibamar islidikid-onmakedye bimaloed. Bab-Jehová we-ibamar omesisad.’ ”

Levítico 23:2 Iomraidhean Croise

2 Reyes 10:20

Agi, Jehú sogded: “Baal-nug-odummogega dulemarse be gormar.” Degisoggu, deyob imaksamalad.

1 Crónicas 23:31

Degi, Bab-Jehováʼga we-ibmar-ukleged-dakedmarbalid: Ibmar-durgan-ogumakar itoged-ibagi-ukleged, nii-gebe-gwisgusadgi-ukleged, degi, iba-dummad-itoakwaa-onolegedgi-ukleged dakedmarbalid. Emar-merguedba bane-bane, degi, muchub-muchub, e-igar-maidba Bab-Dummadga arbabukwadamalad.

2 Crónicas 2:3

Geb degi, Salomón Tiro-neggwebur-e-rey-Hiramʼga gayaburba barmisad: “An-bab-David e-reyneg-sobnaigua, igi ega be urwar-urgomar barmimai-gusa, deyobi, be anga imakmogana gadin.

2 Crónicas 30:5

Degi, bela Israelʼgi gayaburba-wisgumalaga, Beerseba-akale, Dan-neg-nugadse gayaburba barmilesad. Adi, dulemar Israel-e-Bab-Dummadga, Israel-dulemar-Oburgwilegoenad-Iba Jerusalén-neggweburgi onodagegar. Ar ade, dikasurgus igar-maidba we-iba onodisurmalad.

Esdras 3:5

A-ukinbali, gusgu ibmar-ogumakar-ukleged Bab-Jehováʼga ukdamalad, degi, nii-gwapid-yoleged-irba ibmar-ogumakar-ukleged uksamarbalid. Geb degine, Bab-Jehováʼga iba-dummagan-onolegedgi-ibmar-ukleged uksamarbalid. Degi, dule na-e-binsaedba, Bab-Jehováʼga ibmar-ukleged uksamarbalid.

Salmo 81:3

Nii-binid-gwisgunonikidgi, gar-trompeta ogormala. Nii-dalu-naidgi anmar-iba-dummad-guedgi, gar-trompeta ogormala.

Éxodo 32:5

Aarón weyob dulemar-daksagu, moli-bebe-nikad-asabin ibmar-ogumakar-ukleged-aila sobsad. Geb binnasur sogded: “¡Oibosale, Bab-Jehováʼga iba-dummad anmar onomaloed!”

Isaías 33:20

”Sión-yala be dakmar, ar a, anmar-ibamar-onoged-neggweburad. Bemar-sunnagwad Jerusalén-neggwebur be dakmaloed. A-neggwebur, bogi-meged-negad, nuesaale sobar siid. Bipisaale e-abgamalad-suar ungosulid, e-abgamalad-dubmar itirosurbalid.

Lamentaciones 1:4

Sión-neggweburse-naega igarmar-mamaidi, wiles dakleged, ar e-itoakwaa-ibagan-onolegedse dulemar bar nanasurmalad. Bela e-yawagakmar bergus gwigwichid. E-dule-irwa-Bab-Dummadse-gormalad bodimalad. E-yagana, wile itodimalad. Jerusalén-neggweburgi bela nunmakedbi neg-nagusad.

Ezequiel 44:24

”Dule-irwa-anse-goledi, dulemar na abin-abin-imakarmalale, igar-nabomaladga guoed. Geb an-igar-mesisadba igar nabomaloed. Bela an-iba-onomaladgi an-igar-mamaidba, an-igar-mesisadba, ibmar imakmaloed, degi, an-obunnoged-ibagangi obunnomaloed. Ar a-ibagan, iba-islidikidid.

Oseas 2:11

E-wergudiid bela an ei obelogoed: E-ibamar-onoged, e-nii-binigangi ibamar-onoged, degi, e-obunnoged-ibamar, e-itoakwaa-ibamar-onogedgi ibamar-onoged, e-ibe bela an obelogoed.

Joel 1:14

Bela dulemarse gormala, mer-bar-mas-gulleged-iba be nasikmalo. Be-Bab-Dummad-Jehováʼse-goled-neggi, girmar-dummagan be onmakmala, bela dulemar-we-yargi-gudidimalad be onmakmala, agi Bab-Jehováʼse ise-gollar imakmala.

Joel 2:15

Sión-yar-birgi gar-trompeta ogormalo, dulemar-onmakega ese gormalo, masgullesulid-iba nasikmalo.

Levítico 23:1

Bab-Jehová, Moisésʼga sogdebalid:

Levítico 23:21

” ’A-ibagi, bela bemar Bab-Jehová-nug-odummogega islidiki danar ambikunonimaloed. A-ibagi, bemar bipisaale arbaosurmalad. Be-wagan bia maimardibe, we-igar degisadegu ega maigu guoed.

Levítico 23:37

” ’We-ibamala Bab-Jehováʼga iba-itoakwaa-onolemaladid. A-ibagi, Bab-Jehová-e-nug-odummogega bemar islidiki danar ambikunonimaloed, adi, Bab-Jehováʼga we-ibmarmar-ogumakar ukegar: Ibdurgan-ogumakar-ukleged, ibmar-gwagmar-ukleged, ibmarmar-ukleged, degi, vino-ukleged. We-ibmarmar e-ibagan-uklegoed-maidba be ukmaloed.

Levítico 23:4

Bab-Jehová, Moisésʼga sogdebalid: “Israel-dulemarga be weyob sogo: ‘Bab-Jehová we-itoakwaa-ibamar-onoleged mesisad. Bemar Bab-Jehová-nug-odummogega we-itoakwaa-ibamar-onolegedgi islidikidgi onmaknonimaloed. An bemarga iba-mesnaid-sekalaagi, bemar na onmaknonimaloed:

Levítico 23:44

Weyobi, Moisés, Israel-dulemarga Bab-Jehováʼga-ibamar-itoakwaa-onolegedgi sunmaksad.

Nahúm 1:15

¡Be dakmala! Dule-gayaburba-nuegan-berbegedi, dule neg-bogidik-naguoedgi-sunmakedi, bato yalaganba danikid. Judá-dulemar, be-iba-onomaladgi, be wergumala, Bab-Jehováʼga be ibmar-ukoye-sogsad be uke. Ar dule-isganamar bar be-yarse ubogosurmalad, ar bela Bab-Jehováʼse giir gusmalad.

Números 10:10

”Bemar weligwar-itoged-ibagangi, iba-itoakwaa-onolemalad-ibagindibe, igi, nii-gwapid-gwisgued-ibagindibe, gar-trompeta bemar ogormarbaloed. Bemar ibmar-ogumakar-anga-ukarmalar, gwenatigwar-guega ibmar-ukarmalar, agi, bemar gar-trompeta ogormarbaloed, adi, an bemar-insamalagar. Ani an be-Bab-Dummad-Jehová gued.”

Números 29:39

” ’Bela we-ibmarmala, e-ibagan-maidba Bab-Jehováʼga be ukmaloed. De-ukinbali, bemar Bab-Dummadga-ibmar-ukdii-nanaoye-sogsamalad-ibmar sunna ega be ukmaloed. Degine, na be-itogedba-ibmar-ukbimalad sunna be ukmarbaloed: Ibdurgan-ogumakar-uklegeddibe, ibmar-gwagmardibe, vino-ibmargi-eolemaladdibe, degine, igar-nabogega-ibmar-ukmaladdibe, amar sunna be ukmarbaloed.’ ”

Juan 5:1

We-ibmar-degigusad-sorbali, Judíoʼmar-iba nagunonikid. Agi Jesús Jerusalénʼse nonikid.

Colosenses 2:1

Ar bemar nue-wisgubi an abedo. An bemarga, degi, Laodicea-neggweburgi-bukmaladga, deginbali, dulemar-amba yoo-an-wagar-dakmaladga an nue-dummad alamaknaid.

Colosenses 2:16

Degisoggu, be-ibmar-gunnedgi, igi, be-gobedgindibe, be-ibagan-dakedgindibe, nii-binid-ibagi, igi, obunnoged-ibagindibe, dulemar mer begi sunmakmalo.