Levítico 21:9 - Kuna San Blas

⁹ ” ’Ar dule-irwa-Bab-Dummadse-goled-e-sisgwa gambanuchuga-gudiile, we-bunagwa e-bab-nug oichodiid. Degisoggu, we-bunagwa, ogumakar oburgwilegoed.’ ”

Levítico 21:9 Iomraidhean Croise

Génesis 38:24

Nii-walapaagwad-sorba Judáʼga sognonimalad: —Be-bala-Tamar machergan-baiganba yootee gudiiye. Degisoggu, bonigwar-gudsunye. Judá binnasur sogded: —¡Bemar we-ome onomala, bemar ogumakar oburgwemala!

Éxodo 31:14

Degisoggu, obunnoged-ibagi mer arbamalo, ar ade, a-iba bemargala iba-islidikidid. A-ibagi, dule obunnogergebed. A-ibagi, dule wis arbasale, we-dule e-dulemar-abargi Israel-dulemar-abargi-onolegoed.

Isaías 33:14

Dule-isgumalad Sión-yalagi dobe itobukmalad. Dule-isganamar dobedba wawanmakbukmalad. Weyob sogbukwamalad: ‘¿Doa-anmar, soo-dule-obeloged-nagaba megoe? ¿Doa-anmar, soo-dummad-gege-bergued-duurmaksiid-nagaba megoe?’

Ezequiel 9:6

Anse-goled-neggi be onodmalo. Sergan, sapingan, yagan, burwigan, degi, omegan be oburgwemalo, mer be wargwensaale dula-gudii imakmalo. Ar dulemar na e-bebegi wilub-nanaiddi mer be oburgwemalo.” Degisoggu, we-dulemala Bab-Dummadse-goled-neg-asabin sergan-bukwamalad-inse oburgwismalad.

Levítico 19:29

Melle be-sisgwa gambanuchuga be imako, adi, melle be-sisgangi we-igar-isgana dogega. Ar degiile, be-yala bela-bela isgudoed.’ ”

Levítico 20:14

” ’Ar dule-wargwen ome-nikusadgi, e-ome-e-nan-nikunonibalile, we-dule, nue-dummad isgusad. Degisoggu, we-dule, degi, we-omegan-warbogwadmala, ogumakar oburgwilemaloed, adi, bemar-abargi dulemar melle we-ibmar-isgana-imakdii gumalagar.

Malaquías 2:3

”A-ulale, an be-waganse urwoed. Bemar ibdurgan-ogumakar-ukleged-iba-onolegedgi ibmar-durgan-e-saa, an bemar-wagargi mioed. Geb bela a-ibmar-isganaba-mesa an bemar-metoed.

Deuteronomio 22:21

Ar deyobirdi, ome e-bab-e-neg-yawagakse seledoed. Agi machergan-a-neggweburginmalad, akwagi-makar we-ome-oburgwemaloed. Ar ade, e-bab-neggi-gudigua, negsichidgi-yolesad, Israel-yargi nue-dummad-isgusad. Weyobi, bemar-abargi isgued be osulomaloed.

Tito 1:6

Jesúsʼba-nanaimalad-e-idumalad, dule-nued-daed abeleged: Dule-egi-ichakwa-sunmaked-sated, dule-unnila-ome-wargwenna-nikad, e-mimmigan-Bab-Jesúsʼba-nanaid, degine, dulemar-geg-e-mimmigangi-sunmakmalad, e-mimmigan-uaya-nikaa-damalad.

Josué 7:15

Ar doa-dule ibmar-obelolegoye-soglesad susa-dakledagoe, a-dule na e-gwenadganmala, degi, e-ibmarmarmala ogumaklegoed. Ar ade, Bab-Jehová-Igar-Mesisadgi annasad, degi, Israel-dulemar-obingegsaega imaksad.

Josué 7:25

Josué, Acánʼga sogded: —¿Ibiga boni-dummad, be anmarga onosa? Emi-ibagi, Bab-Jehová boni-dummad bega ukmosun. Geb degine, bela Israel-dulemar akwagi Acán, degi, e-gwenadgan maksamalad, geb sorbali, soogi ogumaksamalad.

1 Samuel 2:17

Ar Elí-masmala ibmar-uklegedi, Bab-Jehováʼgadsulidyob baisur-dakdamalad. Degisoggu, a-ular, Bab-Jehová-asabin bela-bela isgusgudimalad.

1 Samuel 2:34

” ’Be wisguega bela bega ibmar-soglesad napira guoed. Weyob bega ibmar-oyolegoed: Ofni, Finees-ebo iba-galagwengi burgwemaloed.