Levítico 21:5 - Kuna San Blas

⁵ ” ’Dule-irwa-Bab-Dummadse-gormalad nono swire imakmalosulid, e-siga-duku sikmalosulid, deginbali, e-san daas-daas imakosurmarbalid.

Levítico 21:5 Iomraidhean Croise

Isaías 15:2

Dibón-neggweburginmalad, e-bab-dummadse-goled-negse nadmalad, adi, e-bab-dummadga-ibmar-ogumakar-ukleged-ailase bonamalagar. Moab-dulemar Nebo-neggwebur-bergusadga, degi, Medeba-neggwebur-bergusadga, ogormakbukwad. Bela sailagia-swiri-swiri imaksamalad, aku-sigamarse-bakale, bela enismalad.

Isaías 22:12

Isaías sogdebalid: “A-ibagangine, Bab-Dummad-Jehová-Bela-Gangued-Nikadi, boega bemarse gochanad, bukib-binsaega bemarse gochanad. Sailagia-swiri-saega bemarse gochanad, mor-sommed-yoega bemarse gochanad.

Jeremías 16:6

We-yalagine, bela dulemar burgoed: Dule-nuga-nikamaladdibe, dule-binsarmaladdibe, bela burgwemaloed. Gwen dule ega boosulid, gwen dule nuedgi e-mui digosurbalid. Degine, gwen dule e-ular, na e-san-naibisaosulid, degi, gwen e-ular, saila-swiri imakosurbalid, wile-itoged-iba ega gwen dakosulid.

Jeremías 48:37

Bela Moab-dulemar bukib-itogedba sailagia-swiri ialedbimalad, degi, bela sigamar ialedbimalad. Bela arganmar daas-daas galadbimalad, degi, bela bukib-binsaed-mor yoyoidbimalad.”

Ezequiel 44:20

”Sailagia swiri sikosurmalad, deginbali, sailagia suitii imakosurmarbalid, unnila wilubba sikmaloed.

Ezequiel 5:1

Bab-Jehová sogdebalid: “Dule-machi, esbipi-nugar-datarmakaled be ami. A-esbipigi, sailagia swiri be imako, siga be esibalo. A-sorbali, nibir be amio. Geb sailagia be sikoedi, dana-dana be urbo.

Levítico 10:6

Geb degine, Moisés, Aarónʼga, degi, Aarón-masmala-warbogwad Eleazarʼga, degi, Itamarʼga sogded: “Be bukib-itoged-oyomalaga, melle be gwiarsuli-gudii gumalo, degi, melle be-mor be esirmakmarbalo. Degisulile, be burgwemaloed, degine, Bab-Jehová bela-Israel-dulemargi uludbaloed. Ar be-gwenadgan-Israel-dulemardi, Bab-Jehová-soo-odesad-ular, akarsuli bukib-itomaloed.

Levítico 21:4

” ’Dule-yogasaaledyob melle swilidiksuli gumalo, deginbali, mer isgumarbalo.

Amós 8:10

Be-iba-onomalad ise-bukib-binsaleged-ibaga an imakoed. Degi, be-namakmalad, namakmalad-ise-bukib-binsaedga an imakbaloed. Bukib-binsaleged-e-mor-yoega an bemar-imakbaloed. Degi, be-nono swanga-imakega an be-imakbaloed. Machi-wargwennagwad-burgwisar, ega bonanaidaeyob ise-boar bemar bomaloed, degi, ibagan nunmaked-dummad-nai bergudoed.”

Miqueas 1:16

Degisoggu, be-mimmigan-sabed-ulale, be bukib-binsae, aku-siga be esie, mula-nono-swirigwadyobi be-nono swiri be imake, ar ade, be-mimmigan yogasaar-gales dikasuli begi seledmaloed.”

Deuteronomio 14:1

Moisés Israel-dulemarga sogdebalid: “Bemar, be-Bab-Dummad-Jehová-mimmigan gumalad. Mer dule-burgwisad-ular, be-san-uka daas-daas imako, mer nono-swiri be ibalo.