Levítico 2:11 - Kuna San Blas

¹¹ ” ’Be Bab-Jehováʼga ibmar-gwag-gulleged-ukleged-ukedi, bipisaale madu-inaba, degi, achanisba be oburosulid. Ar ade, Bab-Jehováʼga soogi-ibmar-ogumakar-ukleged bipisaar madu-ina-nika, degi, achanis-nika ogumaklegosulid.

Levítico 2:11 Iomraidhean Croise

Éxodo 23:18

”Bemar anga ibdurgan-ogumakar-ukalile, melle e-abe madu-ina-nikad-ebo-mesa be anga ukmalo. Degine, ibmar-gwallu ibagi-be-anga-ukmalad, melle banedga be osabogo.

Éxodo 29:25

”Geb a-sorbali, Aarón e-argangi-madumar-ganikid bega ukoed. Geb ibmar-ogumakar-ukleged-ailagi be ogumakoed, anga-ibmar-ogumakar-uklesad-ebo mesa be ogumakoed, adi, an nued-yapan itogegar. Ar wede, anga soogi-ogumakar-uklegaledid.

Éxodo 34:25

”Melle ibmar-ogumakar-ukleged-e-abe, madu-ina-nikad-ebo-mesa be anga ukmalo. Degine, bemar Oburgwilegoenad-Iba-onogedgi mas-gwabgusad banedga be sabogosurmarbalid.

Proverbios 24:13

Machi, achanis be mae, ar yeer-maleged, achanis ochii maleged.

Proverbios 25:16

Be achanis amisale, melle dogdar-mao. Ar doggus be masale, be agdoed.

Proverbios 25:27

Achanis-gadi-maele, ichakwagwad. Dukin-san-dummarba-imaked-amiedi, ichakwabalid.

Levítico 1:13

Dule-ibmar-uknaid, sibad-wawaad-e-samurmar, degi, e-malimar, diigi enukoed. Geb dule-irwa-Bab-Dummadse-goled ibmar-ogumakar-ukleged-aila-birgi bela ogumakoed. We, ibmar-ogumakar-uklegedid, Bab-Jehováʼga soogi-ogumakar ibmar-ukleged yeer-yapannedid.”

Levítico 6:10

” ’Dule-irwa-Bab-Dummadse-goled e-linoʼmor yooed, degi, lino-morsangi-garson-bipi-makaled yobaloed. Ibdurgan-ogumaklenaid bela gummaksale, dule-irwa-Bab-Dummadse-goled ibmar-ogumakar-ukleged-aila-birgi buru-bukwad weoed. Geb we-aila-dikarba buru urboed.

Mateo 16:6

Jesús e-sapinganga sogdesunnad: —Fariseo-madubur-inagi, Saduceo-madubur-inagi, nue salakarmar.

Marcos 8:15

Jesús na e-sapinganga sogded: —Fariseoʼmar-madubur-inagi, degi, Herodes-madubur-inagi, nue salakarmar.

Lucas 12:1

Degidgine dule-bukidar mili-miliba Jesúsʼse nonimalad, barmesnanai guarmalad, degidgine, Jesús e-sapinganga-inse sokalid: “Fariseoʼmar-madubur-inagi, nue salakarmar, ar amar yogasaar-darba-sunmakdamalad.

Lucas 21:34

”Bemargi na be-dukin salakarmarmo. Mer mas-gunnedginbi be binsadii gumalo. Degine, mumguedginbi, degi, we-napneggi-ibmar-naidginbi mer binsadii be gumalo. Ar degiile, abakalegi, bemar we-ibagan-edarbedisulid ukiarmakale bemargi danikile.

Gusmalad 14:22

We-neggweburmargine, Pablo, Bernabé-ebo Jesúsʼba-nanaimalad-gwage ogannosmalad, degi, Jesúsʼgi-bensulid-igargi nue-unasmarbalid. Amarga sogsamarbalid, “Bab-Dummad-e-negdakmaidse dogegala, anmar-idu beedse igar maid, nue naibi-itoleged-igar maid.”

Gálatas 5:9

“Ar madu-ina ichegwale, degite, bela madu-omued.” Deyobdo, dule-wargwen neg-ichononidibe, belagwapa dulemar-ichoddaed.

1 Pedro 4:2

Adi, na e-burgwedse, we-napneggi mer dulemar-galagwensuli-nanaedba bar gudii guegar. Unnila Bab-Dummad-sogedba nanadii guegar.