Levítico 2:1 - Kuna San Blas

¹ Bab-Jehová Moisésʼga sogdebalid: “Israel-dulemarga be soge: ‘Dule-gwensak anga ibmar-gwag-gulleged ukele, e-madubur-bur-nued sedagoed. A-madubur-birgine, olivo-gwallu, degi, ina-wawadikid eogoed.

Levítico 2:1 Iomraidhean Croise

Éxodo 29:2

”Deginbali, trigo-madubur-bur-nuedgi be we-madumar imakoed: Madu-inasulid, madu-olo-olivo-gwallugi-omukualed-inasulid, madu-matargwa olivo-gwallugi-magaled-inasulid.

Isaías 43:23

Anga bemar sibad-wawaad-sapingana-ogumakar uksasurmalad, ibmar-durgan-anga-ukedgi gwen be an-nug ogannosurmalad. An bese-ibmar-gwag-ukleged-egichedgi-wieguega, an bemar-imaksasulid. Ina-wawagan-oburmakedgi-budar-itogega, an bemar-imaksasulid.

Isaías 66:20

Dulemar be-gwenadgan-yar-baid-baidgi-gudidimalad, an-yala-islidikid-Jerusalénʼse, anga ibmar-uklegedyobi seledagega imakmaloed: Abala, molimargi be-gwenadgan-sedamaloed. Bamaladdi, moli-ur-napagined-bila-onomaladgi, e-gabmaladgi, moli-uaya-senigwadmargi, degi, moli-yargan-muremaladgi sedamaloed. ”Ar igi-Israel-dulemar anse-goled-negse bormo-swilidikidgi anga ibmar-gwag-ukleged sedanidamala, deyobi, be-gwenadgan-sedamaloed. Ani Bab-Jehová deyob soged.

Ezequiel 46:20

Geb anga sogded: “Wegine, dule-irwa-Babse-gormalad, isgued-ular-ibdurgan-oburgwilesad-e-san dumaloed. Deginbali, wegi ibmar-gwagmar-orosgi-dakleged-ukleged dumarbaloed. Deyobi, neg-imba-dummad-naidse mas onolegosulid, adi, dulemar we-ibmar-islidikidgi mer warmakmalagar.”

Joel 1:9

Bab-Jehováʼse-goled-neggi ibmar-gwag-orosgi-dakleged-ukleged bar uklesulid, degi, vinoʼmar bar uklesurbalid. Dule-irwa-Bab-Dummadse-gormalad Bab-Jehováʼga-arbamaladi, bomarmogad.

Joel 2:14

Abakale, Bab-Dummad binsaed gwakalile, igi-barsaye sokalile, deyobi, anmargi ise-nued binsaoed. Ibmar-gwag-ukleged, degi, vinoʼmar, Bab-Dummad-Jehováʼgadga guoed.

Levítico 14:10

”Geb dule-nugusad ibabaabakgine (8) we-ibmarmar-ukleged senonikoed: Sibad-wawaad-ome-senigwad-swilidikid boni-nikasulid, warbo, sibad-wawaad-ome-birgagwen-nikad-swilidikid boni-nikasulid, wargwen, degi, ibmar-gwag-uklegedga madubur-nued nibirambe-gakatar (15) olivo-gwalluba-omukuar sedabaloed, deginbali, olivo-gwallu bute-abala ukbaloed.

Levítico 24:7

Deginbali, ina-wawadikid-ibmar-baidba-oburarsulid madu-ilegwen-ilegwen-bukwad-dikarba be urbebaloed. We-ina-wawadikid madu-anar ebinsalegega-ibmar-uklegedyob gued. We-ina-wawadikid Bab-Jehováʼga ogumakar uklegoed.

Levítico 5:11

” ’Ar dule-isgusad sapur-nuu-gwabo-bakega, wagnuu-mimmi-gwabo-bakegardibe, mani galakubalile, madubur-bur-nued nibiratar na e-isgusad-ular Bab-Jehováʼga ukoed. We-maduburgi, olivo-gwallu, degi, ina-wawadikid eogosulid. Ar we-madubur isgued-ular ibmar-uklegedid.

Levítico 6:7

Geb degine, dule-irwa-Bab-Dummadse-goled we-dule-e-isgued-ular, Bab-Jehováʼga sibad-wawaad ukoed. Geb Bab-Jehová bela we-dule-e-isgusad osulogoed.’ ”

Levítico 9:17

Degi, ibmar-gwag-gullemalad uksabalid. Geb Aarón, a-ibmar-gwag argan-nukgwen susad, geb wakdar-ibmar-ogumakar-uklegedba-mesa ibmar-ogumakar-ukleged-ailagi ogumaksad.

Levítico 9:4

Deyobbali, dule-gwenatigwar-guega moli-bebe-nikad-machered, degi, sibad-wawaad-machered be sedamarbaloed. We-ibdurgan Bab-Jehová-asabin ogumakar be ukmaloed. Deginbali, ibmar-gwag-gullemalad olivo-gwalluba-oburar be sedamarbaloed. Ar emi-ibagi, Bab-Jehová bemarse e-gangued oyogoed.’ ”

Malaquías 1:11

Bab-Jehová-Bela-Gangued-Nikadi weyob sogbalid: “Dad-nakwiardaed-akale, dad-argwanedsega, bela dulemar-yar-baid-baidgi-bukwamalad-abargi, an-nug dummarbaa gued. Bela yar-baid-baidgine an-nugga ina-wawadikid ukmalad, degi, an-nugga ibmar-ukleged-swilidikid ukmarbalid. Ar bela dulemar-yar-baid-baidgi-bukwamalad-abargi, an-nug dummarbaa gued.”

Números 18:9

Ibmar-anga-uklegaled-ogumaklessurmalad, begadga gumaloed. Israel-dulemar ibmar-bela-anga-ukmalad, ibmar-gwagmar, isgued-ular ibmar-ukmalad, degi, e-nosad-ular ibmar-ukmalad, bela we-ibmarmala bega, degi, be-masmalaga ibmar-islidikidga guoed.

Números 28:5

Madubur-bur-nued nibiratar, olivo-gwalluba-mesa-omukuar be anga ukoed. We-olivo-gwallu bute-wargwen be ebugoed.

Números 29:18

Moli-bebe-nikamalad-sapinganaba, sibad-wawaad-macherganba, sibad-wawaad-birgagwen-nikamaladba, gusgu eba-ibmar-gwag-uklemalad, gusgu vino-egi-eoleged-ukleged be ukoed. Gusgu-igar-uklesadba be imakoed.

Números 7:13

Naasón Bab-Jehováʼga-ibmar-uksadi, wemalad: Mani-bate-gwagwen, dulanergwa-gakambe-aidikued (130) senonikid. E-aidikuedi, Bab-Dummadse-goled-neggi mani-aidikued-ebislegedyobid. Degine, mani-nog-dummad, dulapaa-gakambe-aidikued (70) senonibalid. E-aidikuedi, Bab-Dummadse-goled-neggi mani-aidikued-ebislegedyobid. A-ibmargi, madubur-olivo-gwalluba-omukuar Bab-Dummadga-uklegedi, Bab-Dummadga-ukega senonikid.

Números 7:19

Natanael Bab-Jehováʼga-ibmar-uksadi, wemalad: Mani-bate-gwagwen, dulanergwa-gakambe-aidikued (130) senonikid. E-aidikuedi, Bab-Dummadse-goled-neggi mani-aidikued-ebislegedyobid. Degine, mani-nog-dummad, dulapaa-gakambe-aidikued (70) senonibalid. E-aidikuedi, Bab-Dummadse-goled-neggi mani-aidikued-ebislegedyobid. A-ibmargi, madubur-olivo-gwalluba-omukuar Bab-Dummadga-uklegedi, Bab-Dummadga-ukega senonikid.

Números 8:8

Geb a-sorbali, moli-bebe-nikad-machered-sapingwagwad sumaloed, degine, ibmar-gwag-uklegedi madubur-nued olivo-gwalluba-bato-omukualed, sumarbaloed. Deginbali, bedina, dule-isgued-eliega moli-bebe-nikad-sapingwagwad-baid anga ukega be suoed.

Juan 6:35

Jesús, abin-sogded: —Ani an madu-burba-duladid. Ar dule anse danikile, bar gwen ukumesosulid. Ar dule an-bengusulile, bar gwen uku-uku itogosulid.

1 Juan 2:20

Ar Cristo bemargardi, Bab-Dummad-Burba-Isligwaled uksamalad, degisoggu, bemar bela ibmar wisgunonimarsunnad.

1 Juan 2:27

Ar Cristo bemarga Bab-Burba-Isligwaled-uksad amba bemarba gudiid. Degisoggu, dule-baid bemar-odurdaked be abesurmarsunnad. Ar Bab-Burba-Isligwaledi bela ibmarmargi bemar-odurdaked. Ar Bab-Burba-Isligwaledi napiragwadid, gakansulid. Ar igi Bab-Burba-Isligwaled bemar-odurdaksamala, deyobi, Cristoʼgi-akanai bemar gumarsun.

Judas 1:20

Gwenadgan-sabesailamalad, bemardi gatik Bab-Jesús-Igar-napiragwadgi gangumai gumarsun, Bab-Burba-Isligwaledgi Babse gordii gumarsun.

Apocalipsis 8:3

Agi, baliwitur-baid aila-gwichid-asabin gwisgunonikid. Olo-sianar sedanikid. We-baliwiturga ina-wawadikid ichesur ega uklesad, adi, bela Jesucristoʼgi-akananaimalad-e-Babse-gormaladba-mesa, ologana-asabin olo-aila-gwichid-birgi, Bab-Dummadga ogumakar ukegar.