Levítico 19:3 - Kuna San Blas

³ Bemar be-babgi, degi, be-nangi, binsaed-nikaa nanamalo. An-obunnoged-ibagi, be obunnodii nanamalo. Ani an bemar-Bab-Dummad-Jehová gued.

Levítico 19:3 Iomraidhean Croise

Génesis 48:12

José e-masmala e-bab-Israel-yokor-imbaba-gwichidi onosad. Geb degine, José e-bab-asabin e-bebe napase-warmakedse imaksad.

Nehemías 9:14

Israel-dulemarga be sogsagusad, obunnoged-iba-islidikidgi be obunnomaloye. Beba-nanadiid-Moisésʼba, be igarmar-sogsadi, igarmar-be-mesisadi, degine, Igar-Maidi be uksad.

Éxodo 16:29

Ani, Bab-Jehová, an bemarga ibagwen-obunnoged-iba uksanad. Agala, ibanergwadgine (6), an bemarga masgunned ibabo-wilub uksad. Degisoggu, ibagugledgine (7), bemar na e-neg-e-neggi megewilubmalanad, bemar na be-neggine noewilubsurmalanad.”

Éxodo 20:12

Be-daedbali, be-bab-nug-odummodii, degi, be-nan-nug-odummodii be nanamalo. Adi, be-Bab-Dummad-Jehová we-napneg-bega-uknaidgi sereddii be megegar, degi, bela bega ibmar-nueganbi gubaligar.

Éxodo 20:8

Obunnoged-ibagi be obunnogo, adi, a-ibagi, be Bab-Dummad-e-nug odummogegar. Igi be-Bab-Dummad-Jehová bega Igar-uksa, aba be imako.

Éxodo 21:15

”Dule e-bab-naibisasale, e-nan-naibisasdibe, we-dule, oburgwilegoed.

Éxodo 21:17

”Dule e-bab-ukabsasale, e-nan-ukabsasale, we-dule, oburgwilegoed.

Proverbios 1:8

Machi, be-bab-be-unaed nue be itogo. Be-nan-be-odurdakedba be dao.

Proverbios 23:22

Be-bab-we-napnegse-be-odenonikid be itoge, be-nan seredgusale, mer be isdar-dako.

Proverbios 30:11

”Ar gwen-gwena dulemar gadi-e-bab-ukabsadaed, degi, e-nangi ise-nued binsasurdabalid.

Proverbios 30:17

”Dule, urwakwaa e-bab-dakele, degi, e-nan-sogedba dasulile, sikwisichid e-ibe ibya-onosun, mula-non-ginnid, dula-gunsun.

Isaías 58:13

Bab-Jehová weyob soged: “Obunnoged-ibagi be obunnodimalale, gwen egi be nodisurmalale, an-iba-islidikidgi be-itolegedba be ibmar-baigan-imaksulile, be ani Jehováʼgine wergued amimaloed. Weyob be obunnoged-iba-bimalale: ‘Weligwaled-ibaye.’ Degi, weyob be iba-islidikid-bimarbalile: ‘Bab-Jehová-nug-odummoged-ibaye.’ Be angine, wergued amimaloed. Obunnoged-ibaga be bagagwar-gumalale, mani-onogedgi-arbasulidgi be an-nug-odummomalale, degine, walagwengi be-itolegedba-yogasaar-sunmaksulidgi be an-nug-odummomalale,

Ezequiel 20:12

Deginbali, an-ebinsamalaga an ega an-obunnoged-iba uksabalid. Adi, wisgumalaga, ani an Bab-Jehová we-obunnoged-iba, iba-islidikidga imaksa. A-ibagi, an-nug odummomalargebed.

Levítico 11:44

”Ani, an-bemar-Bab-Dummad-Jehová gued. Ar an dule-isligwaledsoggu, bemar gwage-swilidik imakmalo, deyobi, bemar gwage-swilidik gudimalo. Ibdurgan-unimakar-nanamalad-gunnedba, degi, ebugedba, mer be swilidiksuli gumalo.

Levítico 19:25

Geb birgataledgine, sunna bemar we-sapi-e-san gunmaloed. Deyobi, we-sapi bela-bela bemarga sanmakdoed. Ani an bemar-Bab-Dummad-Jehová gued.

Levítico 19:30

Bab-Jehová Moisésʼga sogdebalid: “Israel-dulemarga be sogo: ‘An-obunnoged-ibagi be obunnomalo, degi, anse-goled-neg melle neg-isganayob be dakmalo, egi be binsaed-nikaa damalo. Ani an Bab-Jehová gued.

Levítico 19:31

” ’Melle dule-burwarmaladbo-sunmakmarye-sogmaladse be idakmalo. Deginbali, melle burba-isganase-gormaladse be idakmarbalo. Ar deyob be imakmalale, eba be isgumarmogoed. Ani an be-Bab-Dummad-Jehová gued.

Levítico 19:34

We-dule-bemar-abargi-maidi, be-negginedyob be dakmalo. Ar bemaryobgusoggu, be nue sabgumalo. Be insamalo, Egipto-yargi, be-yarsulidgi, be deyob gudii gusmarmogad. Ani an bemar Bab-Dummad-Jehová gued.

Levítico 23:3

Bab-Jehová, Moisésʼga sogdebalid: “Israel-dulemarga be weyob sogo: ‘Bemar ibanergwa (6) arbamaloed. Ar ibagugledgindi (7), bemar obunnomaloed. A-iba, an-nug-odummogega itoakwaa-iba-onoleged-iba gued. A-ibagi, bemar bipisaale arbaosurmalad. A-ibagi, bemar na bia maimalodibe, Bab-Jehová-nug-odummogega bemar obunnogoed.’ ”

Levítico 26:2

”An-obunnoged-ibagi, bemar obunnomarmogoed. Degine, anse-goled-neggi nue-binsaed-nikaa be damaloed. Ani an Bab-Jehová gued.

Malaquías 1:6

Bab-Jehová-Bela-Gangued-Nikad dule-irwa-ese-gormaladga soged: “Mimmigan, e-bab-nug odummoged, degi, maimar e-dummadgi binsaed-nikaa damalad. Emide, an bemar-bab-guele, degite, ¿ibiga geg be an-nug odummomarsunna? An bemar-dummad-gubalile, degite, ¿ibiga geg be angi-binsaed-nikaa damarbarsunna? Bemar an-nug oichodimalad. ”A-ukinbali, be sogmarbalid: ‘¿Ibigi an be-nug oichodimala?’

Deuteronomio 27:16

‘Dule-gwensak e-bab-nugdibe, e-nan-nugdibe, oichosale, we-dule, sabsur-odurdaklesun.’ Bela dulemar abin-sogoed: ‘Eye, sabsur-odurdaklesun.’

Deuteronomio 5:16

Be-daedbali be-bab-nug-odummodii, degi, be-nan-nug-odummodii be nanamalo. Adi, be-Bab-Dummad-Jehová we-napneg-bega-uknaidgi sereddii be megegar, degi, bela bega ibmar-nueganbi gubaligar.

Hebreos 12:9

Degi, anmar-babgan-we-napnegginmalad nuedgi-anmar-sabsur-odurdakedba, anmar egi nue-binsaed-nikaa gusmalad. Degisoggu, bur bule Bab-Dummad-Burbaledba anmar uaya-nikaa daewilubmardo, adi, anmar dula-gudii guegar.