Levítico 19:13 - Kuna San Blas

¹³ Melle be-dulemar be aporsao, deginbali, melle e-ibe be ibmar atursabalo. Dule-bega-arbaed yog be bennukar imako, melle banedse e-ibe be mani gao.

Levítico 19:13 Iomraidhean Croise

Job 17:5

Ar dule manibina e-ai-urmakdibe, na e-mimmigan-burgwed daknonikoed.

Job 31:39

gwenadgan-ibe, ibmar-gwag-bennussuli an guchale, degine, e-ibmala-yardaknai an gusale,

Job 7:2

Igi maigagudiid gwae-neg-mutikgusana gadinye binsadidae, igi dule-arbadiid e-bennukleged-iba edarbedidae,

Éxodo 20:15

Melle be ibmar-atursao.

Éxodo 22:13

”Ibdula-ega-uklesad ibdula-sapurbalidse ichimaklesale, mer-bennukegala, ibdula-burgwisad-e-goa ibdula-ibedga oyogergebed.

Éxodo 22:15

”Ar e-ibed-wagab ibdula burgwisale, naibigusdibe, adi, bennukosulid. ”Manigi-bennus ebunairdi, bar bennukosulid, ar a-mani bato ega bennuksayob gusad.”

Éxodo 22:21

”Dule-be-yarginsulid melle sabsur be imako, degine, melle be wiobalo, ar ade, bemar Egipto-yargi be-yarsulidgi be gudii gusmogad.

Éxodo 22:7

”Dule, nuedgi dule-baidga na e-mani, ega-sabogega uksadibe, e-ibmar-nued-gargerbad ega-sabogega uksadibe, we-dule-baid-neggi we-ibmar atursalesale, dule-ibmar-atursasad-galesadi, ilabo-wilub bennukoed.

Proverbios 20:10

Bab-Jehová ibmar-sogbogwad nabir daksulid: Nibir-noaled, wilubsaed-noaled.

Proverbios 22:22

Melle dule-wileged-ibe be ibmar-atursae, ar wede, dule-wilegedid. Melle igar-naboleged-neggi dule-ibmar-sate-gudiid be sabsur-imakbalo.

Proverbios 3:28

Melle ega be sogo: “Be nagwerye, banedse an be-bendakoye.” Ar emi sunna be a-dule-bendakele, bendaksabin be imako.

Jeremías 22:13

Dule igar-maisulidba-e-neg-sobdiidi, degi, ibmar-isgana-imakedgi e-gabedneg-nibalid-sobdiidi, ¡we-dule, duledar-wiles! Dule, ega-binsa-dule-arbaega-imakdiidi, degi, ega-arbaed-bennukdisulidi, ¡we-dule, duledar-wiles-ini!

Jeremías 22:3

”Weyob Bab-Jehová soged: ‘Igar-innikigwad be imakmarye, igar-napiragwadba be nanamarye. Dule-mesagwar-gudiid, mesagwar-imaked-dulegi be ollor-imakmarye. Melle Judíoʼsurmalad be sabsur-imakmaloye, degi, melle be babgan-satemalad wiomaloye, degine, melle be siamar-e-sui-burgwismalad wiomarbaloye. Deginbali, melle wegine dulemar-ibmar-oakalossulid-ablis eomarbaloye.

Ezequiel 18:7

Dule-innikidaedi, sabsur-dule-imakdisulile, ibmar-atursadisulile, egi mani-ganikidga gannar ega ormar ukele, dula-gudii guoed. Dule-innikidaedi, ukudmaad-gudiidga mas ukele, uka-swan-gudiidga mor ukele, dula-gudii guoed.

Ezequiel 22:12

Deginbali, be-abargi dulemar-wegiimalad gudidibalid: Dule-gindakega manigi-bennuklemalad. Dule bese mani-egichisadgi e-gaka be bipisur gaed. Sabsur-imakedgi dule-baid-ibe be ibmar-sued. Degidbali ¡be an-ieded! Ani an Bab-Jehová-Bela-Gangued-Nikadi weyob soged.

Ezequiel 22:29

Dulemar-nainu-dummagan-nikad atursamalad, dulemar-ibe sabsulidgi ibmar sumalad, dule-ibmar-abesagudiid sabsur-imakmalad, degi, dule-wileged sabsur-imakmalad, deginbali, dule-yar-baidgined sabsur-imakmarbalid.

Levítico 25:14

” ’Dule-baidga be nainu manigi-uksadibe, dule-baidse be nainu-baksadibe, melle bemar be-gwenadgan mesagwar imako.

Levítico 25:17

” ’Melle be dule-baid mesagwar imako. Bur be-Bab-Dummad be dobee nanadii gumalo, ar ade, ani an bemar-Bab-Dummad-Jehová gued.’ ”

Levítico 6:3

Deginbali, ibmar-yoggusad amisale, degite, amissurye sogdibe, dule-gusgu-isgudaedgi, isgussurye gakansaar ise-sogar-sogdibe,

Malaquías 3:5

Bab-Jehová-Bela-Gangued-Nikad soged: “Degisoggu, an bemarga igar-nabogega an bemarse warmaknonikoed. We-dulemargi-ibmar-sogega an guagwar danikoed: Ina-isgana-imakdimaladgi, abirgunagwarsuli negsichigi galagwensuli-nanadimaladgi, gakansaar ise-sogar ibmar-sogmaladgi, ega-arbamalad-sabsur-imakdimaladgi, siamar-ei-sui-burgwismalad-sabsur-imakdimaladgi, dule-sergan-sated-sabsur-imakdimaladgi, degi, gwen an-dobsuli, dule-yar-baidsikmalad-sabsur-imakdimaladgi, amargi dobsulidba-gwisguega an danikoed.”

Mateo 20:8

”Neg-mutikgudgu, nainu-ibed ega-neg-dakedga sogded: ‘Arbamaladse be gole, ibagwen-arbasad-wilub be bennuk. Napisolaba-modapmalad-inse be bennuko. Geb degi, wakudarad-akar-arbananaid napisolaba be bennuko.’

Marcos 10:19

Ar be Bab-Dummad-Igar-Mesisad bato be wisid: ‘Mer dule-oburgo. Mer sui-dikarba, degi, ome-dikarba yolemalo. Mer atursamalo. Mer gakansaar aimargi sunmakmalo. Mer aimar-yardakmalo. Be-babgi, degi, be-nangi nue-binsaed-nikaa be damalo.’ Éxodo 20:12-16

Lucas 3:13

Juan amarga sogded: —Melle dulemargi wilub-obichaa be mani gamalo, ar unnila bemarga igar-uklesadba be mani gamaloed.

1 Tesalonicenses 4:6

We-igargi, mer be-gwenad-bensudii, degi, yardakdii be nanamalo. Ar bato iduar an bemarga sogsamalad, Bab-Dummad beedse dulemar-degi-gudimalad odurdakoye.

1 Timoteo 5:18

Ar Bab-Dummad-Gardagi bato sognaid: “Moli-bebe-nikad ibmar-gwag-egwirmaknair, melle e-gaya edinno, adi, sunna ibmar-gwag maoed.” Deuteronomio 25:4 Deginbali: “Dule-arbaedga, bennukleged-igar ega nue maid.” Mateo 10:10; Lucas 10:7

Santiago 5:4

Bemar dule-be-nainugi-bega-arbasmalad be bennuksasulid. Be itomala, a-mani ibibayobi bemargi binnasur gornanai. We-dulemar-bega-arbasad-e-binnasur-gordidimalad, Bab-Dummad-Bela-Gangued-Nikadse warmaksad.