Levítico 19:11 - Kuna San Blas

¹¹ Melle ibmar be atursao. Melle be gakansao. Melle na be muchub-muchub yardakmalo.

Levítico 19:11 Iomraidhean Croise

2 Samuel 17:20

Absalón-sordamar ome-negse-nonimargua, omese egisdemalad: —¿Bia Ahimaas, Jonatán-ebo nadmala? Ome abin-sogded: —Bato dian obaksamalargebed. Sordamardi amar-ebogwad-aminade gusmalanad, amissurgusmalad. Degisoggu, Jerusalén-neggweburse gannar nonigusmalad.

1 Reyes 13:18

Bab-Dummad-gayaburba-barsoged-selebagwad ega gakansaar sunmakded: —An beyob Bab-Dummad-gayaburba-barsogedmogad. Baliwitur-gwensak Bab-Jehová ega igar-uksadba anga sogsamogad: ‘Be-negse Bab-Dummad-e-dule beba mas-gunnega, beba gobbaliga be sedagoye.’

Salmo 101:7

Dule, dule-yardakmaladgi-arbamaladi, an-negyagi gudii guosulid. Dule gakansaar-sunmakedi an-asabin gudii guosulid.

Salmo 116:11

An sulibinsa-itogedgi an sogsad: Bela dulemar gakansaedbiiye.

Éxodo 20:15

Melle be ibmar-atursao.

Éxodo 20:16

Melle be gakansaar aimargi sunmako.

Éxodo 20:17

Melle be dule-baid-ibmarbina be sogo: Dule-baid-negbina, dule-baid-omebina, dule-baid-mai-macheredbina, dule-baid-mai-omebina, dule-baid-moli-bebe-nikad-alugwasualedbina, dule-baid-moli-uayasuidbina. Bipisaale dule-baid-ibmarbina be sogosulid.”

Éxodo 22:1

“Dule, moli-bebe-nikad-alugwasualed-wargwen atursasale, sibad-wawaad-atursasdibe, geb oburgwisdibe, igi, manigi-uksadibe, moli-atursasad-ular, moli-bebe-nikad, walatar e-ibedga ukoed. Sibad-wawaad-anardi, sibad-wawaad-walabake ukoed.

Éxodo 22:7

”Dule, nuedgi dule-baidga na e-mani, ega-sabogega uksadibe, e-ibmar-nued-gargerbad ega-sabogega uksadibe, we-dule-baid-neggi we-ibmar atursalesale, dule-ibmar-atursasad-galesadi, ilabo-wilub bennukoed.

Éxodo 23:1

“Mer gakansaar be ibmar sogo. Emargi gakansaar yolegega melle dule-isgana-ebo be igar nabogo.

Proverbios 24:28

Melle be ibmar-daksasuli dule-baidgi sunmako, melle be egi gakansabalo.

Jeremías 6:13

”Bipiganase-bakale, degi, serganse-bakale, igar-maisulidba-ibmar-nikuedgi yaisur-itodimalad. An-gayaburba-barsogmaladse-bakale, dule-irwa-anse-gormaladse-bakale, dule-yardakedgi arbadimalad.

Levítico 19:10

” ’Melle be-uva bela ise-wear be imako, deginbali, uva-napagi-argwachamalad, melle bar be subalo. Ar we-uva-argwachamalad dule-wileganaga, degi, Israel-dulesulidmarga be obegoed. Ani an be-Bab-Dummad-Jehová gued.

Romanos 3:4

¡Bab-Dummad na e-sogsadba imakoe! Ar Bab-Dummadi bela napiragwadbi ibmar soged, gakansasulid. Ar bela dulemardi gakansaedbiid. Ar Bab-Dummad-Gardagi sognaid: “Bab-Dummad, be-igar-nabogedgi be-Igar-Mesedi innikigwadid. Bab-Dummad, bega igar-itobimalale, be nakoed.” Salmo 51:4

Efesios 4:25

Degisoggu, be gakansaed mimarsun, unnila be igar-napiragwadgi na ga be sunmakmarsun, ar ade, anmar bela Cristoʼgi unnila san-wargwennaa gumalad.

Efesios 4:28

Ar dule ibmar-atursaerbale, mer bar ibmar-atursao. Emigindi, arbao, adi, e-arbaedgi, dulemar-baigan-ibmar-abedimaladga sunna ibmar-ukmogoed.

Deuteronomio 5:19

Melle be ibmar-atursao.

Colosenses 3:9

Mer na ga be gakansamar, ar bemarde bato epenne-be-damalad osulosmalad.

1 Timoteo 1:10

abirgunagwarsuli-negsichigi-yolemaladga, omegiidmaladga, machergangiidmaladga, dule-emar-atursamaladga, dule-gakansamaladga, gakansaar-ise-sogar ibmar-samaladga, degi, bela dulemar-Bab-Igargi-gwisgudimaladgar. A-ular, Bab-Dummad amarga Moisés-Igar mesisad. Degisoggu, Moisés-Igar-Megisadi, bela dulemar Bab-Igargi-yoledimaladga megisad.

Apocalipsis 21:8

Dule-doberbamaladdi, angi-gadi-bengumaladdi, ibmar-isgana-imakedba isdar-daklemaladdi, dule-gindakmaladdi, na-abirgunagwarsuli-negsichigi-yoledimaladdi, ina-isganagi-dulemar-yardakmaladdi, bab-dummaganga-imaklegedse-gormaladdi, degine, bela dule-gakansilimaladdi, soo-mata-dummad azufreʼba-mesa-gwakwarmaksiidgi melledmaloed. Ar we, burgwed-ilabogwad gued.”