Levítico 18:8 - Kuna San Blas

⁸ Melle be-bab-omebo negsichigi galagwensuli be nanadii guo. Ar degiile, be-babgi be dododii itole.

Levítico 18:8 Iomraidhean Croise

Génesis 35:22

Israel bato Migdal-Edarʼgi nue-mai, Rubén e-bab-ome-Bilha-maidse nade gusad. Agi, Rubén Bilhaʼse gochad. Jacob wisgusgu, Rubén Bilhaʼse gochaye, Jacob nue-sae itosgusad.

Génesis 49:4

Ar ade, be diwar-nomaidyob gued, geg be galeged. Ar an-omese be gornonigu, an-gabedgi be dodosad. A-ulale, bur dummadga bar be guosulid.

Ezequiel 22:10

Abala, e-bab-ome-ebo negsichigi galagwensuli nanadimalad, deginbali, ome-e-igar-dakdiidgi ese-goledse imakmarbalid.

Levítico 20:11

” ’Ar dule-gwensak e-bab-omebo negsichigi galagwensuli nanasale, e-babgi nue dodosad. A-dule, e-bab-omebo oburgwilegoed. Wemar, na dukin burgwed amismalad.

Amós 2:7

Dule-wilegana sabsur-ise-wilegar imaksamalad, mesagwale imaksamalad. Wileganaga igar-maidba igar nabossurmalad. Baba, galagwensuli ome-wargwengi nanadidaed, a-omegi, e-machi galagwensuli nanadidamogad. Weyob an-nug-isligwaled oichosmalad.

1 Corintios 5:1

Emi an wisgusdo, bemar-abargi dule-wargwen e-omesulidba negsichigi yolediiye. A-dule, e-bab-ome e-omega imakdiiye. We-dule, igar-nabirid gwen imakdisulid. Bab-wissurrmaladbela weyob gwen itoledisulid.

Deuteronomio 22:30

”Dule bipisaale, e-bab-ome-ebo negsichigi nanaosulid. Ar degiile, e-babgi dummad-dodonai-itole. E-babgi dodogosurguoed.”

Deuteronomio 23:1

Moisés Israel-dulemarga sogdebalid: “Dule e-alugwag-matarkwaa nikale, igi, abgan sikardibe, Bab-Dummad-Jehováʼse-goled-negse gwen dogosulid.

Deuteronomio 27:20

‘Dule-gwensak e-bab-ome-ebo negsichigi-nanaele, e-bab-abirgunagwar-guedi galagwensuli oichonaid, we-dule, sabsur-odurdaklesun.’ Bela dulemar abin-sogoed: ‘Eye, sabsur-odurdaklesun.’