Levítico 15:5 - Kuna San Blas

⁵ Ar doa-dule, dule-boni-nikad-e-meged-ebusale, e-mor enukoed, degi, obbaloed. Dule-ibmar-ebusad neg-mutikguedse swilidiksuli gudii guoed.

Levítico 15:5 Iomraidhean Croise

Salmo 26:6

An ibmar-isganase-achadisulidba, an-argan swilidik gued. Agala, an sunna nabir be-ibmar-ogumakleged-aila-ebirdii gued.

Salmo 51:2

Bela an-ibmar-isgana-imaksad be anga obeloge. Bela an-isgued be anga osuloge.

Salmo 51:7

An swilidik-guega, hisopo-gagangi be an-nudake. An boo-sibudikidba bur bule sipuu guega, swilidik be an-imake.

Éxodo 19:10

Bab-Jehová Moisésʼga sogded: “Emi, be Israel-dulemarse nao. Emi, degi, banedgi, Israel-dulemar an-nug-odummomalaga guakwaa isligwar-bukwa be imako. Deginbali, swilidik-guega mor na enukmarbalo,

Isaías 1:16

”¡Isguedgi be bangumar, swilidik be gumar! ¡An-asabin ibmar-isgana-imakedgi be bangumar! ¡Melle bar ibmar-isgana be imakmar!

Isaías 22:14

A-ulale, Bab-Jehová-Bela-Gangued-Nikad an-uayagwar anga weyob sogsad: “We-isguedi an bemarga osulogosulid. Ani, Bab-Dummad-Jehová-Bela-Gangued-Nika-Maid, an soged.”

Ezequiel 36:25

Dii-diregwadgi an be-ogoed, geb bemar swilidik gumaloed. Bela be-isgusadgi, degi, be-bab-dummadyob-ibmar-imakleged-e-nug-odummosadgi, an swilidik be-imakmaloed.

Ezequiel 36:29

Isguega bar an be-imakosulid. Orosgwagyob-dakleged-trigo-bukidar nikuega an be-imakoed, degi, ukudmaad-itogega an be-imakosulid.

Levítico 11:24

Bab-Jehová, Moisésʼga, degi Aarónʼga sogdebalid: “We-ibmarmar-ulale, bemar swilidiksuli gunonikoed. Ar doa-dule we-ibdurgan-burgwarmalad ebusdibe, neg-mutikidse swilidiksuli gudii guoed.

Levítico 11:25

Ar doa-dule we-ibdurgan-burgwaled ebusale, na e-mor enukoed. We-dule mutikidse swilidiksuli gudii guoed.

Levítico 11:28

Dule we-ibmarmar-burgwaled ebusale, e-mor enukoed. We-dule mutikidse swilidiksuli gudii guoed. We-ibmarmar ibmar-swilidiksuli be dakoed.

Levítico 11:32

Bab-Jehová, Moisésʼga, degi, Aarónʼga sogdebalid: “We-ibdurganmar-burgwaled we-ibmarmargi argwachale: Ibmar-urgogi-sobaledgi, ibmar-ibdurgan-ukagi-sobaledgi, morgi, sagugi, degi, ibmar-arbaedgi-ebulegedgi, argwachale, we-ibmarmar mutikidse swilidiksuli guoed. Ar gannar we-ibmarmar swilidik-guega, diigi enuklegergebed. Geb deyobi gannar swilidik gunonikoed.

Levítico 13:34

Ibagugledgine (7), dule-irwa-anse-goled gannar nue-argabaloed. We boni-nikad e-ukagi nasgussulile, degine, yaa asginegwale, dule-irwa-anse-goled sogoed: ‘We-dule, swilidikye, boni nikasurye.’ We-dulede na e-mor enukoed, degi, soglegoed, we swilidikye.

Levítico 13:6

Geb ibagugle-nasad-sorbali (7), dule-irwa-anse-goled, we-dule-e-uka gannar dakbaloed. Ar yaa bar nasgussulile, degi, aka bur bergumai daklegele, dule-irwa-anse-goled sogoed: ‘We-dule, swilidik guye.’ Ar ade, unnila binsa uka ainisad. Geb degine, dule na e-mor enukoed, geb dule swilidik gunonikoed.

Levítico 14:27

”Geb e-argan-nuedsikid-e-goo-dummad-nagabalid we-olivo-gwallu-ganikidgi owardikuoed. Geb an-asabin olivo-gwallu ilagugle (7) bomi-bomi imakoed.

Levítico 15:18

Dule-gwensak omebo-gabisadgi, e-san-burba misale, ebobela nue obmaloed. Geb neg-mutikguedse swilidiksuli gudii gumaloed.’ ”

Levítico 15:4

We-dule-boni-nikad bia megoe, a-ibmar swilidiksuli gunonikoed. Amba deyobbalid, we-dule ibugi sigoe, bela a-ibmar swilidiksuli gunonibaloed.

Levítico 15:6

Ar doa-dule, bia dule-boni-nikad-sigisadgi sigisale, e-mor enukoed, degi, obbaloed. Dule-sigisad neg-mutikguedse swilidiksuli gudii guoed.

Levítico 16:26

”Dule, nega-dulesulidganba Azazelʼse sibad-machered berbeapid, e-mor enukoed, degi, obbaloed. Geb weyob-imaksad-sorbali, nabir Israel-dulemar-danar-danar-bukwadse gannar nonikoed.

Levítico 16:28

”Dule-we-ibmarmar-ogumakoedi, e-mor enukoed, degi, obbaloed. Geb weyob-imaksad-sorbali, nabir Israel-dulemar-danar-danar-bukwadse gannar nonikoed.”

Levítico 17:15

” ’Bela Israel-dulemardibe, Israel-dulesuliddibe, ibdurgan-achu-sapurse-burgwisad guchale, igi ibdurgan-san-ichimaklesad guchale, e-mor enukoed, degi, nue obbaloed. Geb we-dule neg-mutikguedse swilidiksuli gudii guoed. Geb a-sorbali, swilidik gunonikoed.

Números 19:10

Dule-moli-buru-wesad na e-mor enukmogoed. We-dule neg-mutikguedse swilidiksurye soglegoed. Israel-dulemar, degi, Israel-dulesurmaladga weyob ega igar maigu guoed. A-igar degisadegu maigu guoed.’ ” Bab-Jehová Moisésʼga, degi, Aarónʼga sogdebalid: “Israel-dulemarga be soge:

Números 19:22

Dule-isgusad, ar ibi ebugoe, bela a-ibmar swilidiksurye soglemogoed. Degine, dule-gwensak we-dule-swilidiksulid-ebusale, swilidiksurye egi soglemogoed. Geb neg-mutikguedse we-dule burbar-swilidik gunonikoed.’ ”

Hebreos 10:22

A-ulale, gwagegi-innikigwadgi Bab-Dummadse an namarsun. Nue-Jesúsʼgi-bensulidgi, galagwensuli-ulubgi-binsaed-bela-elilesadgi, degi, dii-swilidikidgi nue-san-enuklesadgi, Bab-Dummadse an namarsun.

Hebreos 9:14

Ar deyobile, Cristo-abe-bursunna, ar a-bur bule gangued nikad. Cristo, Bab-Dummadgala Bab-Dummad-Burba-geg-berguedbali na-san-gutu-gwen-naisulidi, burgwega na san-uksa gusad. A-ular, Cristo-e-abe, anmar-ibmar-ichakwa-imaksadgi-binsaed-naid burgwedsik-anmar-semaid, anmarga obelosunnad. Adi, Bab-Dummad-Dula-Maid-e-maiga anmar gumalagar.

Hebreos 9:26

Ar Cristo deyob gannar-gannar dogsana, gebe-negasaila-naguded-akar gannar-gannar burgwediindo. Emigindi, unnila irgwenna ibagan-bergunaidgi degisadegu, nonikid. Na e-sunnad e-san-sabsuli uknonikid, adi, e-burgwisadgine isgued osulogegar.

Santiago 4:8

Bab-Dummadse be dagmar, Bab-Dummad bemarse dagoed. ¡Dule-isgudimalad, mer be bar isgudii gumar! ¡Bemar-gwage-darbo-binsamalad, na be gwage nudakmar!

Apocalipsis 7:14

An ega sogded: “Dummad, be wisid, wemar, doa gumala.” Geb anga sogdebalid: “Wemala, ise-nue-wilegagwar-gudigusmaladgi nosmalad-dulemalad. Wemar, na-e-mor Sibad-Wawaad-Mimmi-e-abegi enuksamaladid, agi sibudik na e-mor imaksamalad-dulemalad.

1 Samuel 20:26

A-ibagi, Saúl akar-sogsasulid, ar ade, binsaed: “David igi-gusdibeye na binsaed, san-swilidik-gudisulirgeberye binsaed.”