Levítico 13:2 - Kuna San Blas

² “Dule-gwensak e-ukagi ukamar-mullu-mullu-bukwale, duuled-siidibe, e-ukagi ibmar-sipuu naidibe, yaa-siid naibe-bunayob-dakledibe, we-dule, dule-irwa-anse-goledse seledoed, Aarónʼsedibe, e-masmalasedibe.

Levítico 13:2 Iomraidhean Croise

2 Samuel 3:29

Unnila Joab, degine, e-gwenadganmar, Abner-oburgwismalad. Bitigi Joab-gwenadgan we-bonigan degisadegu nikusmalana gadin: Boni-nalur nika guo, naibe-buna-yaa-maleged-nika gubalo, dule-muya-muya-nanamalad-nika gubalo, es-suidgi oburgwiledii gumarbalo, ukud-dummad-itodii gumarbalo. Bitigi we-bonigan degisadegu nikusmalana gadin.”

2 Reyes 5:1

Naamán, Siria-rey-e-sorda-bila-onomalad e-dummadid. Naamánʼde, dule-nue-nug-nikadid, degine, rey, Naamánʼbina-itogerbad, ar ade, Naamánʼbali Bab-Jehová Siria-yala-bendaksagusad. Naamánʼde, dule-gandikidid. Degi-inigwele, Naamánʼde, naibe-buna-yaa-maleged nika gusad.

2 Reyes 5:27

Degisoggu, Naamán-e-boni naibe-buna-yaa-maleged-nika-gusad, bela bese gwagoed, degi, bela be waganse-bakar, degisadegu guoed. Degidgine, Giezi, Eliseo-walik-gwichi noargu, naibe-buna-yaa-maleged-sunnabi noalid, igi mogir sibudik-daklege, deyob-dakle noalid.

Isaías 1:6

Bela e-nag-duku-akale, nonosega, e-san-nued wis naisulid, bela oitolesadbi nanaed. E-san, gudure-gudure nanaid. E-yaamar-bukwadi, nunu-yapanne nanaed, ar gwen nugussuli nanaed, morgi-obipirmakar naisurbalid, olivo-gwallugi maglegarsurbalid.

Isaías 3:17

A-ulale, ani, omegan-Sión-yalaginmalad-e-nonogi, boni-yaa-dummagan yaisur-nikuega imakoed, an bela amar-nono swana imakoed.”

Levítico 13:1

Bab-Jehová, Moisésʼga, degi, Aarónʼga sogded:

Levítico 13:3

Dule-irwa-anse-goled dule-ukagi-yaa-siid dakoed. Yaa-siidgi e-siga sipuu naile, degi, yaa ise-nue-gulluu daklegele, wedi, naibe-buna-yaa gued. Geb dule-irwa-anse-goled uka-daksad-sorbali, sogoed: ‘We-dule, swilidiksurye.’

Levítico 13:8

Dule-irwa-anse-goled we-dule-e-uka dakoed. Ar yaa-siid nasgumai-dakele, we-dule swilidiksurye sogoed, ar we-yaade, naibe-buna-yaa gued.”

Levítico 14:3

Geb dule-irwa-anse-goled, we-dule-e-uka-dakega, dulemar-danar-danar-bukwad-magaba nodoed. Ar dule-irwa-anse-goled, naibe-buna-yaa-siid nugusa dakele,

Levítico 14:35

e-neg-ibed dule-irwa-anse-goled-owisonaoed, ega sogoed: ‘An-neg-galugi digwaryob nai an dakye.’

Levítico 14:56

uka-enguedga, yaa-sigedga, degi, ukagi-gutu-sipu-naguedga igar mai guoed.

Malaquías 2:7

Ar dule-irwa-anse-goled-e-sunmakedi binsaed-nikaa sunmakergebed. E-sunmakedgi dulemar an-igar-mamaid amimaloed. Ar ade, wemar Bab-Jehová-Bela-Gangued-Nikad-e-gayaburba-berbegedid.”

Números 12:10

Bab-Dummadse-goled-neggi mogir-naid-bangudeyalaba, María naibe-buna-yaa-maleged nikuded, bela e-uka sibudik-dakle naded. Aarón Maríaʼsik atakdegu, dakded María naibe-buna-yaa-maleged nika.

Números 12:12

Melle María, mimmi muu-neggi-burgwar-aidenonidaed-daklegedyobi be obego.”

Mateo 8:4

Geb degi Jesús dulega sogdebalid: —Mer dule-baiganga be-nugusad be sogo. Unnila be nae, dule-irwa-Bab-Dummadse-gormaladga na be-san oyona. Ar igi Moisés Igar-Mesisa, a-sogedba be ibmar imakna, adi, dulemar nue-be-nugusad mag be-dakegar.

Marcos 1:44

—Be-nugusad mer dulemar-baiganga be sogo. Unnila dule-irwa-Bab-Dummadse-goledse be nae, adi, be-san-nugusad dakegar. Degine, Moisés-Igar-Mesisadba, Bab-Dummadga-ukega nuu-gwabo be sedbaloed. Deyobi, dulemar dakmaloed, be a-boni bar nikasurye.

Lucas 17:14

Jesús amar-dakdegu, amarga sogded: —Be namar, dule-irwa-Bab-Dummadse-gormaladga na be-san oyonamar, adi, amar bemarga sogmalagar bemar nugusmarye. Ar degi, dule-warambegwad (10) amba igarba dule-irwa-Bab-Dummadse-gormaladse nadapmargu, nugudmalad.

Lucas 5:14

Jesús dule-nugusadga sogded: —Melle dule-baiganga an be-onudaksad be sogo. Unnila dule-irwa-Bab-Dummadse-goledse be nae, aga be-nugusad be oyonae. Degine, be swilidik guegala, Moisés-Igar-Mesisadba-imakega Bab-Dummadga-ibmar-ukleged be sedo. Adi, amar be-nugusadi nue-wisgumalagar.

Deuteronomio 24:8

”Emide, naibe-buna-yaa-malegedgindi nue salakarmar. Igar an bemarga uksadba be imakmalo. Degine, dule-irwa-Bab-Dummadse-gormalad-Leví-wagan-sogedba be imakmaloed. Ar igi an bemarga Igar-uksa, bela deyob be imakmaloed.

Deuteronomio 28:27

”Igi Bab-Jehová Egipto-dulemargi we-bonigan barmiali: Uka-biin-gued, dusimar-yaisulid, dusimar-tumorʼye-nugad, uka-yaa-dummagan, uka-aimaked. Deyob, begi, bonigan-geg-nugumalad barmidagoed.