Levítico 12:2 - Kuna San Blas

² “Israel-dulemarga be weyob sogo: ‘Ome-wargwen gurgin-nika gunonikile, geb machigwa baknonikile, ibagugle (7) san-swilidiksuli gudii guoed. Ar igi na e-igar-dakdiir gudidae, deyobi gudiguoed.

Levítico 12:2 Iomraidhean Croise

Génesis 1:28

Bab-Dummad we-dulemargi ise-nued-binsasadba, ega sogded: “Bemar mimmigan-bukidar nikumar. We-napneggi dula-bukidar urbemar, degi, bela we-napneg-ugakaase ambikumar. Bemar we-napneggi be gangued-nikadba bela we-ibdurganmargi be obindii gumarsun: Uamargi, nuumargi, degi, ibmar-durgan-napagi-garmakdimaladgi.”

Génesis 3:16

Bab-Dummad omega sogded: “Be sikwi-bakalile, nunmaked-dummad an bega ukoed, nunmakedgi be ugakguoed. Be-suibina be sogdii guoed. Be-sui be-iduedga guoed.”

2 Samuel 11:4

Ar Betsabéʼde, na igar-maidba san-urukega obnai gusad, ar emissaar e-burba-dakdiid bergusad. Geb David ega Betsabé-sedamalaga e-sordagan-barmisbalid. Degidgine, David, Betsabéʼse gornonikid. David-ese-gochagu, geb ome gannar e-negse nade gusad.

Job 14:4

Degite, ¿ar doa ibmar-nued, ibmar-isganagi onogoe? Gege dule deyob imaked.

Job 15:14

”¿Igi-dule na ibmar-oakalodisurye sogosunna? ¿Doa nodisurye sogosunna?

Job 25:4

¿Sunna dule ibmar-oakalossuliyob Bab-Dummad-asabinni gwisgusi? ¿Sunna dule Bab-Dummad-asabinni islidikidga na san-imaksi?

Salmo 51:5

An gwalulesad-akale, an dule-isgana gued, an sapibeneggi-maigusad-akale, bato an dule-isguedid.

Levítico 12:1

Bab-Jehová, Moisésʼga sogded:

Levítico 12:5

” ’Ar bunolo-baksardi, adi, itoged-ilabo san-swilidiksuli gudii guoed. Ar igi na e-igar-dakdiir gudidae, deyobi gudii guoed. Geb iba-dulapaa-gakanergwa (66) e-boni-itosad-ulale, san-urukdii guoed.

Levítico 15:19

Bab-Jehová, Moisésʼga, degi, Aarónʼga sogdebalid: “Israel-dulemarga be sunmakmar, ega be sogmar: ‘Ome-gwensak na e-igar-dakdiile, ibagugle (7) swilidiksuli gudii guoed. Ar doa-dule we-ome ebusale, we-dule mutikguedse swilidiksuli gudii guoed.

Levítico 18:19

Bab-Jehová Moisésʼga sogdebalid: “Ome igar-dakdidibe, melle ese be golo. Ar ade, ome swilidiksuli gudiid.

Levítico 5:3

” ’Dule-gwensak wissulidgi ibmar-isgana-dulegi-danikid ebusale, we-dule, swilidiksuli gunonikoed. Geb sorba, deyob ibmar-imaksaye-wisgunonikile, we-dule, nue-nosadga gunonikoed.

Lucas 2:22

Moisés-Igar-Mesisadba na san-uruked-ibagan-imaked-bergusmargua, José, María-ebo, Bab-Dummadga Jesús-ukega Jerusalénʼse Jesús-senonimalad.