Levítico 11:7 - Kuna San Blas

⁷ Deginbali, sina, goonasi-darbo-marar-nika-inigwele, gannar-mabaliga sabanyagi mas sabosulid. We-ibdurgan bemarga ibmar-swilidiksulidga guoed.

Levítico 11:7 Iomraidhean Croise

Isaías 65:4

We-dulemar, neg-uangi sigmalad, mutikidbali, dukuar oibosii damalad. Sin-san gundamalad, e-esmedmargi ibmar-nis-isgana dudamalad.

Isaías 66:17

Bab-Jehová soged: “Dulemar-san-islidik-imakmaladi, degi, san-swilidik-imakmaladi, dule-negabargi-nadapidba nadapmalad, adi, bab-dummadyob-imaklemalad-dudumar-galuse-dogega. Bela-wemar na mesa burgwemaloed. Dulemar-sin-gunmalad, nusa-gunmalad, degi, ibmar-baigan-isemalad-gunmalad, bela-mesa bergumaloed.

Isaías 66:3

Ar dulemar anga moli-bebe-nikad-machered ogumakar ukedi, dule-gindakmaladyob gumalad. Ar dulemar anga sibad-wawaad-senigana-oburgwedamaladi, bab-dummadyob-imaklemaladga achu-nono-bisgar-ukmaladyob gumalad. Ar dulemar anga ibmar-gwag ukdamaladi, bab-dummadyob-imaklemaladga sin-ablis-ukdamaladyob gumalad. Ar dulemar an-nug odummogega anga ina-wawadikid obupurmakdamaladi, bab-dummadyob-imaklemalad-e-nug-odummomaladyob gumalad. We-dulemar na dukin e-itolegedba igar susmalad, e-ibmar-isgana-imakedgi na yeer itodimalad.

Levítico 11:3

Ibdurgan-e-goonasi-darbo-mamararmalad, gagan-masar, gannar-mabaliga sabanyagi mas saboged, Wegiid-ibdurganmar be nabir gunnoed.

Levítico 11:6

Amba deyobi, ugdun, gannar-mabaliga sabanyagi mas saboged, ar e-gonasidi, mararsulid. We-ibdurgan bemarga ibmar-swilidiksulidga guoed.

Levítico 11:8

” ’We-sanmar be gunnosurmalad, deginbali, a-ibmar-burgwarmalad be ebugosurmarbalid. Bemar we-ibmarmar swilidiksuli dakoed.

Mateo 7:6

”Mer be ibmar-nuegan-islidikmalad achumarga ukmar. Ar abakalegi begi aibinnarmalale, be-san ichimakarmalale. Degine, dimmurgiid-e-akwa-yeerdaklemalad mer be sinmarga mimar, ar abakalegi egi dii-dii annaarmalale.”

Lucas 15:15

”Degi, machigwa a-yargi dule-wargwense arbaed-aminade gusad. Dule na e-nainuse ega sin-akwega machigwa-barmissunnad.

Lucas 8:33

Niamar, dulegi ainidgu, sinmarse ubodapid. Sinmar yar-weregedgi babatidgu, matase babatidapid. Agi bela gundoledapmalad.

Deuteronomio 14:8

Sina, amba be gunnosurbalid, ar goonasi-darbo-marar-nika-inigwele, mas-masar, gannar-mabaliga sabanyagi mas sabosulid. ”Degisoggu, we-ibdurgan ise gullegoed. Sin-e-san bemar gunnosurmalad, sin-burgwaledbela gwen be ebuosurmalad.