Levítico 10:3 - Kuna San Blas

³ Geb Moisés, Aarónʼga sogded: “Bab-Jehová we, sogsa gusad. Deun sogsagusgu: ‘Dule anse warmakmaladga, an-islidik-gued an ega oyogoed. Bela dulemarga an-gangued-yeerdakleged an oyogoed.’ ” Agine, Aarón bar sunmaksasulid.

Levítico 10:3 Iomraidhean Croise

Génesis 18:25

Dogdar-itole, dule-ibmar-isgana-imakdisulid, dule-ibmar-isgana-imakdiidba be oburgwer. Ebobela emarbi isgusadyob be imako itole. Mer deyob be sae. Bee be, bela dule-we-napneggi-bukmaladga, igar-naboged-e-dummadsoggu, ¿igar-innikii maidba be imakosurde? Eye. Be igar-innikii maidba imakoed.”

Job 2:10

Job, e-omega sogded: —Dule-binsaed-satedyob be sunmaked. Ar Bab-Dummad anmarga ibmar-nuegan-ukedi, anmar abingadiid. Degitega, ¿ibiga geg anmar bonigandi abingabarsunna? Anmar, bonigan abingabalirgebed. Weyob Job wiles-inigwele, degite gwen Bab-Dummadgi yolessurgusad, isdar egi sunmaksasurbalid.

Salmo 119:120

An be-dobedbali, be-asabin an wawanmakgwichid, Be-Igar-Nabolemalad-dobee an itoged.

Salmo 148:14

Bab-Jehová, e-neggweburga gangued uksad. Israel-wagan-bela-Bab-Jehováʼba-nanadimalad, e-dulamar-walikagwadga-gubalid, Bab-Jehová-nug odummomar. ¡Aleluya! ¡Bab-Jehová-nug odummolesun!

Salmo 39:10

”Bab-Jehováʼye, mer bar be sabsur-an-odurdake, ar be an-oburgwednaga an-imaknaid.

Salmo 39:9

”An bar sunmaksasulid, an bar ibmar-sogsasulid, ar bee be deyob ibmar imaked.

Salmo 46:10

“Boo be ambikumalo, magar be an-dakmalo, ani an Bab-Dummadid. Dulemar-yar-baid-baidgi-bukwamalad-abargi an-nug odummolegoed, we-napneggi an-nug odummolegoed.”

Salmo 89:7

Dule-gwage-swilidikmalad onmakbukwale, Bab-Dummad-dobee itodamalad. Bab-Dummad na e-ebiris-bukmaladba bur-dummadid, bur-dutusurbalid.

Salmo 93:5

Bab-Jehová, Be-Igar-Mamaidgi dutusuli mamaid, gege bisged. Islidik-gued degisadegu bese-goled-neg-yeerdakle imaked.

Éxodo 14:17

Ar andi, Egipto-dulemar be-bareginmalaga, aka bur bule burguega an imakoed. Geb agine, Faraónʼgi, bela e-sordamar-bila-onomaladgi, e-ur-napaginmaladgi, e-sordamar-moli-birgi-sii-urwemaladgi, an egi-ibmar-imakoedi, an-nug bur odummolegega an imakoed.

Éxodo 14:4

”Andi an, aka bur bule Faraón-burguega imakoed, degine, Faraón bemar-bareginnega an imakbaloed. Geb degine, Faraónʼgi, degi, e-sordamar-bila-onomaladgi an-gargangued an oyogoed. Deyob, Egipto-dulemala wisgumaloed, ani an Bab-Jehová guye.” Israel-dulemala deyob imaksamardo.

Éxodo 19:22

Ar dule-irwa-anse-gormalad amba anse warmakmar-inigwele, na e-san ise-bagagwar urukmalargebed. Ar degisulile, anse ogilolemogoed.

Éxodo 19:24

Bab-Jehová Moisésʼga sogdebalid: —Be nae, be aidenae. Aarónʼga be sogna, beba yar-birse nakwedaye. Dule-irwa-anse-gormaladdi, degi, dulemar-baigandi, melle anse nakwedgi binsamaloye. Ar nakweye-sogmalale, anse sabsur-imaklemaloed, anse ogilolemaloed.

Éxodo 30:30

”Deginbali, Aarónʼgi, degi, e-masmalagi, be we-gwallu-wawad eogoed, adi, anga dule-irwa-anse-gormaladga gumalagar.

Isaías 39:8

Geb Ezequías, Isaíasʼga sogded: —Nueddo. Bab-Jehová-gayaburba be anga sognonikidi, yeer an itodo. Ar Ezequías e-ulubgindi binsasad: “Amba an-maidgine, neg nueganbi, degi, bogidik-nai guoed.”

Isaías 49:3

Bab-Dummad anga weyob sogsad: “Israel-wagan, be an-maiga gued. Begine, an-nug odummolegoed.”

Isaías 52:11

Bemar, Babse-goled-neggi-ibmar-ebulemalad-semaladi, be nomar, be agi ainimar. ¡E-dulemar-abargi-gudiidgi be nomar! ¡Be san-urukmar! ¡Melle ibmar-swilidiksulid be ebumalo!

Ezequiel 20:41

Bemar yar-baid-baidgi-aisakis-bukwamaladgi, degi, neggweburmargi-aisakis-bukwamaladgi an be-onomaloed, geb an bela be-oatosmalale, we-dulemar-wagab an-isligwaled an bemarga oyogoed. Geb ina-wawad-yeer-yapannedyob an bemar-abingaoed.

Ezequiel 28:22

Bab-Jehová-Bela-Gangued-Nikadi weyob sogye, ega be soge: ‘Sidón-neggwebur, an begi yolegega an wegi gwichi, an be-abargi nug-dummarbaa guoed. Igar-maidba an sabsur-be-odurdakalile, degi, an-isligwaled an begi oyoalile, wisgumaloed, ani an Bab-Jehová gue.

Ezequiel 38:16

Ibagan-duku-mosale, an-Israel-dulamargi be bila-onodagoed. Neg-gudure-sigisdaedyobi bela Israel-yargi be bukunonikoed. Gog, an-yarse bila-onodagega an be-imakoed, adi, dulemar-yar-baid-baidgi-bukwamalad an-wisgumalaga, adi, an-isligwaled bemar-abargi wemarga oyolegegar.’

Ezequiel 40:46

Ar dad-nakwed-argan-sapiledsik-neg-argasiiddi, ibmar-ogumakar-ukleged-ailagi dule-irwa-Bab-Dummadse-gormalad ibmar-imakmaladgadid. Wemar, Sadoc-machimalad. Unnila wemarbi, Leví-e-wagan-abargi Bab-Jehováʼga ibmar-ogumakar-ukega sulesad.”

Ezequiel 42:13

Dule anga sogsad: “Dad-nakwed-argan-sapiledsik, degi, dad-nakwed-argan-nuedsik, gwardumar neg-imba-senigwad-naid-asabin-bukwadi, gwardumar-islidikidid. Agi, dule-irwa-Babse-gormalad Bab-Jehováʼga-ibmar-ukega ese-asabin-nonidamaladi, bur ibmar-ukleged-islidikid gunmaloed. Agi, orosgwaggi-dakleged-ibmar-ukleged, isgued-ular-ibmar-ukleged, degi, dule-baidgi-nosad-ular ibmar-ukleged urbemaloed, ar ade, we-gwardu, neg-islidikidid.

Levítico 21:15

adi, melle e-dulemar-abargi e-wagan-danikoed-e-nug isguegar. Ani an Bab-Jehová, we-dule-islidik imaked.”

Levítico 21:17

“Aarónʼga sogo: ‘Be-wagan-bonikwagwad bipisaale Bab-Dummadga-madu-ukleged ukosulid, ese warmakosulid. Degisadegu, be-waganga weyob igar maiguoed.

Levítico 21:21

” ’Aarón-e-wagan-bonikwagwad, bipisaale Bab-Jehováʼga-ibmar-ogumakar-ukleged-ukega, Bab-Jehováʼse warmakosulid. Ar bonikwaa-gued-ulale, bipisaale Bab-Dummadga-madu-ukleged-ukega, Bab-Jehováʼse warmakosulid.

Levítico 21:6

Wemar, e-Bab-Dummadga gwage-swilidik gudigumaloed, degi, e-Bab-Dummad-nug oichomalosulid. Ar we-dulemar, Bab-Jehováʼga ibmar-ogumakar ukmaladid, degi, e-Bab-Dummad-madu ukmarbalidid. A-ulale, dule-irwa-Bab-Dummadse-gormalad gwage-swilidik gudigumaloed.

Levítico 21:8

” ’Degisoggu, bemala dule-irwa-Bab-Dummadse-goled swilidik dakoed. Ar we-dulede, be-Bab-Dummadga madu ukedid. Ar we-dule, begala dule-swilidik guoed. Ar ani an-Bab-Jehová dule-swilidikid gued. Ani an dule-swilidikidga bemar-imaked.

Levítico 22:9

Bab-Jehová, Moisésʼga sogdebalid: “Degisoggu, dule-irwa-Babse-gormalad an-igar-uknaidba ibsamalo. An-igar-uknaidba ibsasulid-ulale, melle isgumalo, adi, wemar melle burgwemalagar. Ani an Bab-Jehová, wemar angarbi-arbaega an nug-imaksad.

Levítico 8:35

Degisoggu, ibagugle (7) mutikidba, degi, ibginedba bemar Bab-Dummad-dulemarbo-ambikued-neg-yawagakgi bukumaloed, ar igi Bab-Jehová-bemarga-sogsagusa, adi, bemar melle burgwemalagar. Ar deyob Bab-Jehová anga sogsad.”

Números 16:5

Geb degidgine, Moisés Coréʼga, degi, Coréʼba-nanaimaladga sunmakded, amarga sogded: —Oibosale, Bab-Jehová sogoed, ede doa-susa, doa-egadi, doa sunna ese warmakoe. Ar Bab-Jehová na dule-suoedi, a-dulebi, Bab-Jehováʼga nabir-ibmar-uke guoed.

Números 20:12

Bab-Jehová, Moisésʼga, degi, Aarónʼga, sogded: “Ar ibmar-an-bega-sogsad be bengusmarsoggu, Israel-dulemar-asabin be an-nug-odummossurmarsoggu, we-dulemarga-yar-an-uknaidse we-dulemarba be dogosurmalad.”

Mateo 10:37

”Ar dule, an-sabedba bur bule e-bab-sabele, e-nan-sabele, we-dule an-sapinga gege gued. Ar dule an-sabedba bur bule e-bunagwa-sabele, e-machigwa-sabele, an-sapinga gege gued.

Juan 12:28

Bur an sogodo: Bab-Dummad, be-nug be odummoge.” Degidgine, nibneggi gayaburba gornonikid: “An-nug bato an ogannosad. An-nug gannar an ogannobaloed.”

Juan 14:13

An-nuggi bela an-Babse be ibmar egisele, an bega imakoed, adi, Bab na E-Machigi nug ganguegar.

Deuteronomio 32:51

Deyob be guoed, ar bemar bebogwa Israel-dulemar-wagab be angi yolesmalad, nega-dulesulidgan-Zinʼye-nugadgi, Cadesʼgi, Meriba-dii-naba be angi yolesmalad. Agi Israel-dulemar-abargi be an-nug odummossurmalad, be aku an-daksamalad.

2 Tesalonicenses 1:10

Bab-Jesús gannar danikir, weyob we-ibmar guoed. A-ibagi, bela Jesúsʼba-nanaimalad-gwage-swilidikmalad Bab-Jesús-nug odummomaloed, degi, bela Jesúsʼgi-bengussurmalad geger Jesús-dakmaloed. Ar bemar amar-abargi nanaimogad, ar ade, anmar bemarga Jesúsʼgi-sunmaksagua, bemar bengussurmalad.

1 Pedro 4:17

Ar odurdakleged-ibagan Bab-Dummad-mimmigangar-inse nonikid. Emide anmar-inse weyob odurdaklenaid, degite, dulemar-Bab-Dummad-Gayaburba-Nuedba-dasurmaladdi, ¿igi gumalo be insasunna? Ar amardi nue-dummad odurdaklemaloed.

1 Samuel 2:30

” ’Ani, Israel-e-Bab-Dummad-Jehová soged: Ar an sogsa gusad: Bela be-dadgan, degi, be-waganse-bakar degisadegu anga ibmar-imakdii gumaloye. Degi-inigwele, ar emidi anga-ibmar-ukleged ibnuedsulidyob be daksasoggu, be-wagan anga ibmar-imakega bipisaar an bar imakosulid. Dule-an-nug-odummoged, an e-nug odummomogad. Dule-baisur-an-dakeddi, an e-nug bipii imaked.

1 Samuel 3:18

Samuel, Elíʼga bela ibmar-sogsad, gwen bipisaale egi ibmar odukussulid. Geb Elí sogded: —Edi Bab-Jehováʼsoggu, na e-dakedba bur ibmar-nued imakodo.

1 Samuel 6:20

Geb Bet-Semesʼginmalad sogdemalad: “Bab-Jehová, Bab-Dummad-Isligwaledid. Degisoggu, ¿doa e-asabin gwisguoe? Bab-Jehová-Igar-Mesisad-Ulu anmar-abargi mer sigega, ¿bia anmar barmidoe?”