Levítico 10:19 - Kuna San Blas

¹⁹ Geb Aarón, Moisés-abin sogded: —Emi, an-masmala Nadab, degi, Abiú, na e-isgued-ular ibmar uksamalanad, degi, Bab-Jehováʼga ibmar-ogumakar uksamarbalinad. Degi-inigwele, we-masmala-ebogwad an surgunonikid. Ar emi, isgued-ular-ibmar-ukleged an guchana, ¿Bab-Jehováʼde nabir an-dakoen be insae? Suli. Nabir an-dakosulinad.

Levítico 10:19 Iomraidhean Croise

Levítico 9:12

Deginbali, Aarón Bab-Jehováʼga-ibdula-ogumakar-ukleged-e-dukar egwachad. Degine, e-masmala a-abe ega uksad. Geb Aarón ibmar-ogumakar-ukleged-aila-e-dikarmargi abe bomi-bomi imaksad.

Levítico 9:8

Geb degine, Aarón ibmar-ogumakar-ukleged-ailase naded. Geb e-isgued-ular, moli-bebe-nikad-sapingwagwad-uknaid-e-dukar egwachad.

Malaquías 2:13

Baid-ibmar be imakdimarbalidi, wedid: Bemar Bab-Jehováʼga-ibmar-ogumakar-ukleged-ailagi ibyanis eodidimalad. Ar Bab-Jehová be-ibmar-uked bar-bai daksursoggu, deginbali, ega be ibmar-uked bar be-ibe nuedgi abingasurbarsoggu, be bomalad, degi, be ise-wilegar itomarbalid.

Malaquías 1:13

Bab-Jehová-Bela-Gangued-Nikadi weyob sogbalid: “Be sokardamarbalid: ‘Bela we-ibmarmar anmar budarsunna dakgusad.’ Weyob bemar soged-ilibali be isdarsunna an-dakmalad. Ar ibdurgan-atursalegarmalad, ibdurgan-muya-muyamalad, degi, ibdurgan-bonigwakwamalad, be anga ogumakar-ukega-sedanidamalad, ¿an be-abin abingao be ebinsamala? Suli.”

Malaquías 1:10

Bab-Jehová-Bela-Gangued-Nikad weyob sogbalid: “Bitigi be-dule-wargwen anse-goled-neg ediena gadin, adi, mer binsarsunna anga-ibmar-ukleged-ailagi soo-ogamalagar. Ar an bemar-yeer daksulid, deginbali, an bipisaagwale bemar-anga-ibmar-uked abingaosurbalid.”

Oseas 9:4

Bab-Jehováʼga bar vino-eoleged ukosurmalad, e-ibmar-Bab-Dummadga-ukmalad, bar ega ibnuedga guosulid. Madu-gullegoedi dulemarga madu-dule-burgwaled-neggi-gullegedyob ega guoed. Dule a-madu-guchale, swilidiksuli guoed. Unnila sikwas nabir-itogega ega guoed. Degi-inigwele, we-madu, Bab-Jehová-negse seledosulid.

Jeremías 14:12

Ar anse-goled-ular, mas-gunsuli-gumalale, amba an itogosulid. Ar amba anga ibmar-ogumakar-ukmalale, anga ibmar-gwagmar-ukmalale, amba an abingaosulid. Es-suidgi an we-dulemar obelogoed, degi, ukudgi, boni-dummagangi an we-dulemar obelogoed.”

Jeremías 6:20

Ina-wawadikid Sabá-neggweburgi be sedanidamaladi, ¿ibi-nuedga wis anga guoe? Masaryob-dakleged-wawadikmalad, dikasur-neggwebur-baidgi be sedanidamaladi, ¿ibi-nuedga wis anga guoe? Be anga we-ibmarmar ogumakar-ukmalad an abesulid. We-ibmarmar an yeer daksulid.”

Isaías 1:15

Bemar anse-goledgi argan-onakwialile, an bemar-dakosulid, wagar-biir an bemar-idu imakoed. Ar gandikidgi bemar anse gornanaile, an bemar-itogosulid. Ar bemar dulemar-ibe ablis eosmalad.

Hebreos 9:8

Wegine, Bab-Dummad-Burba-Isligwaled anmarga oyonaisundo, Bab-Dummadse-goled-neg-idualed amba-siile, Neg-Ise-Islidikid-naidse dulemar-dogegala amba igar maisulid.

Hebreos 7:27

Jesúsʼdina dule-irwa-Babse-gormalad-baiganba akarsailad. Dule-irwa-Babse-gormalad-baigandi, bane-bane na e-isgudiidga Bab-Dummadga ibmar uked. Geb degine, a-sorba dulemar-baigan-isgudiidga Bab-Dummadga ibmar ukbalid. Jesúsʼdi deyobsulid. Dulemar-isgued osulogegala, unniguar bato na e-san irgwen-ukar Bab-Dummadga imaksad.

Filipenses 4:4

Bab-Jesúsʼgi degisadegu be wergudii gumar. Gannar an bemarga sogbalid, be wergumarye.

Isaías 1:11

Bab-Jehová soged: “Be-ibmar-ukleged-bukidaradi, ¿ibi-nuedga anga wis gue? Ar gwen an abemaisulid. Ar sibad-wawaad-machergan-ogumakar-anga-ukleged an budar dakgusad. Ar ibdurgan-wardummagan-e-gwallu-anga-ukleged an budar dakgusad. Moli-bebe-nikad-machergan-e-ablis an abesulid, sibad-wawaadmar-e-ablis an abesulid, sibad-machergan-e-ablis an abesulid, we-ibmarmar, gwen bai an daksulid.

Deuteronomio 26:14

An bukib-itodigua, we-ibmarmala an guchasulid. Bab-Dummadye, an ise-bagagwar-gudisurgua, bega-ibmarmar-nug-imaklesad an ebussurbalid. Degine, dule-burgwarmaladga we-ibmarmala an uksasurbalid. An-Bab-Dummad-Jehováʼye, beba an ibmar-imaksad, degine, bela be-anga-ibmar-sogsadba an imaksad.

Deuteronomio 12:7

”Agi, be-Bab-Dummad-Jehová-asabin, be-gwenadganmala be mas gunmaloed. Na be arbasmaladgi be-Bab-Dummad-Jehová bemargi ise-nued-binsasadba be wergudmaloed.

Levítico 10:20

Moisés, weyob Aarón-e-abin-imaksa-itosgua, yeer itosad.