Levítico 10:12 - Kuna San Blas

¹² Moisés, Aarónʼga, degi, Aarón-masmala-dula-besmalad-Eleazarʼga, degi, Itamarʼga sogded: “Bab-Jehováʼga-ibmar-gwag-gullemalad-e-madubur-uklenaid-gwabgusad be sumala. Geb we-madubur, e-inasuli, ibmar-ogumakar-ukleged-aila-naba be gunmar, ar we-ibmarde bela-bela ibmar-islidikidid.

Levítico 10:12 Iomraidhean Croise

2 Crónicas 31:14

Leví-dule-Coré, Imna-e-machi, Dad-Nakwedsik Yawagak-dakedid. A-dulede, dulemar Bab-Dummadga gwagegi-e-itolegedba-ibmar-uked e-dakedid, degi, Bab-Jehováʼga ibmar-ukleged mimiedbalid, degi, ibmar-islidikmalad dakedbalid.

Esdras 7:5

Buqui, Abisúa-e-machi. Abisúa, Finees-e-machi. Finees, Eleazar-e-machi. Eleazar, Aarón-e-machi. Aarónʼde, gebe dule-irwa-Bab-Dummadse-goledga gusadid.

Éxodo 29:2

”Deginbali, trigo-madubur-bur-nuedgi be we-madumar imakoed: Madu-inasulid, madu-olo-olivo-gwallugi-omukualed-inasulid, madu-matargwa olivo-gwallugi-magaled-inasulid.

Éxodo 29:33

We-ibmarmar-uklesadbali, an wemar isgussuliyob daknonikid, degi, anga-arbaega dule-irwa-golega-gumalaga nugsalesmalad. Degisoggu, we-ibmarmar Aarónʼbi, degi, e-masmalabi gunmaloed. Ar we-ibmarmar anga uklegaledsoggu, dule-baigandi gunnosurmalad.

Éxodo 6:23

Aarónʼdi, Elisabet nikusad. Elisabetʼde Aminadab-e-sisgwad, Naasón-e-bunad. Geb Aarónʼga, degi, Elisabetʼga machimala-uklenonikid: Nadab, Abiú, Eleazar, Itamar.

Ezequiel 44:29

Wemar, ibmar-gwag-anga-ukleged sunna gunmaloed, deginbali, isgued-ular-ibmar-durgan-oburgwileged-ukleged, degi, egi-ataklesad-ular-ibmar-durgan-oburgwileged-ukleged, sunna gunmarbaloed. Deginbali, Israel-dulemar-bela-anga-ibmar-ukmalad, wemargadga gubaloed.

Levítico 10:13

Neg-islidikidgi be gunmaloed. Ar we-ibmar Bab-Jehováʼga-soogi-ogumakar-uklegedid, bega, degi, be-masmalaga uklesad. Ar weyobi anga igar uklesad.

Levítico 21:22

Ar Bab-Dummadga-madu-uklegeddi sunna gunmaloed, deginbali, mas-nued-islidikid, degi, mas-nued-bur-islidikid sunna gunmarbaloed.

Levítico 24:9

We-madu Aarónʼgadga, degi, e-masmalagadga degisadegu guoed, neg-islidikidgi gunmaloed. Ar ade, we-ibmar bur bule Bab-Jehováʼga ibmar-ogumakar-ukleged-baiganba, islidikid gued. Weyob we-igar degisadegu maigu guoed.’ ”

Levítico 7:9

Amba deyobbali, madubur soogi-yoaled, madubur bormogi-dualed, degi, madubur bormogi-dibyaled, dule-irwa-Babse-goled-ibmar-imaknaidgadga gubaloed.

Números 3:2

Weyobi, Aarón-masmala nugmalad: Nadab, Abiú, Eleazar, Itamar. Nadabʼde, e-machi-sailaginedid.