Levítico 10:11 - Kuna San Blas

¹¹ Deginbali, ani, Bab-Jehová, an bemarga Moisésʼba igar-uksagusad, bemar Israel-dulemar-odurdakoed.”

Levítico 10:11 Iomraidhean Croise

2 Crónicas 15:3

Israel-dulemar, dikasurgus-Bab-Dummad-napiragwad-wissuli bukwa gusmalad, degi, Bab-Dummad-Igargi emar-odurdakega, dule-irwa-Bab-Dummadse-goled-sate bukwa gusmarbalid. Degi, Bab-Jehová-Igar-Maid-suli gudii gusmarbalid.

2 Crónicas 17:9

Wemar Bab-Jehová-Moisésʼga-Igar-Mesisad-Garda sesmalad, adi, Judá-yargi Bab-Jehová-Igar-Maidgi dulemar-odurdakegar. Degisoggu, bela Judá-yargi neggweburmar-bukwadgi bipirmaksamalad, dulemar-bukwad odurdakegar.

2 Crónicas 30:22

Degi, Rey-Ezequías, bela Levitaʼmarga Bab-Jehováʼse-gorlesadgi ibmar-nueganbi-oyosmaladga sogsad, be ibmar-nueganbi imaksamarye. Iba-dummad ibagugle (7) onolesad. Agi, Levitaʼmar ibmar-dula-ogumakar Bab-Jehováʼga-uklesad guchamalad. Degi, gwenatigwar-guedga-ibmar-ukleged uksabalid, degi, e-dadgan-e-Bab-Dummad-Jehová-nug odummosbalid.

Nehemías 8:2

Nii-walagugled iba-onodedgine, dule-irwa-Bab-Dummadse-goled-Esdras, Bab-Dummad-Igar-narmakar-maid dulemar-bukwadse senonikid. Agi, machergan, omegan, degi, dulemar-baigan bela-nabir-mag-itomalad bukwamalad.

Nehemías 8:8

We-Levita-dulemar Bab-Dummad-Igar-Maid ise-nue-absoar imaknanai-gusmalad, degine, ise-nue-odulogar dulemarga imaksamalad, adi, ise-nue-magar itomalagar.

Jeremías 18:18

Dulemar weyob Jeremíasʼgi sogdemalad: “Anmar Jeremíasʼgi-gwisguega igar amimargwelo. Amba anmarga dule-irwa-Bab-Dummadse-gormalad igar-maidgi-anmar-odurdakega surguosulid. Degine, dule-binsaed-ibed anmarga-binsaed-uked surguosurbalid. Anmarga Bab-Dummad-gayaburba-barsoged surguosurbalid. Anmar melle we-dule-ibmar-soged itomalo. Anmar naibid ega ukega, e-sunmaked-egi-aibinega imakmalo.”

Jeremías 2:8

Dule-irwa-anse-gormalad bipisaale gwen sogsasurmalad: ‘Bab-Jehová ¿bia-nadye?’ Dule-bulegan-an-igar-mamaid-wisimaladi, Bab-Dummadsuliyobi an-daksamalad. Dulemar-idumaladi, angi yoledmalad. An-gayaburba-barsogmaladi, bab-dummad-Baal-nuggi sunmakdemalad, degine, bab-dummad-baigan-ibnuedga-gusurmaladba nanadmalad.

Malaquías 2:7

Ar dule-irwa-anse-goled-e-sunmakedi binsaed-nikaa sunmakergebed. E-sunmakedgi dulemar an-igar-mamaid amimaloed. Ar ade, wemar Bab-Jehová-Bela-Gangued-Nikad-e-gayaburba-berbegedid.”

Mateo 28:20

An bemar-odurdaksadba bela eba nue-nanamaloye be amar-odurdako. Napira an bemarga soged, an emi bemarba we-napneg-berguedse, bane-bane an gudiguoed. Be itogua.

Gusmalad 20:27

ar bemargi bipisaale Bab-Dummad-Igar-Nued-Maid an gwen odukussulid. Degisoggu, bemar igi-gualile, bemargindo, bar anginsurdo.

Deuteronomio 17:10

Ar igi-we-dulemar Bab-Jehová-neg-suoedgi bega igar-ukmaloe, bela aba be ibmar-imakoed. Degisoggu, nue salakarmar.

Deuteronomio 17:11

Ar igi bemarga igarmar-uklegoe, degi, igi bemarga soglegoe, aba bemar ibmar-imakmaloed. Ar igarmar-bemarga-uklesad bipisaale be ogwaosulid, bela a-sogedba bemar imakoed.

Deuteronomio 24:8

”Emide, naibe-buna-yaa-malegedgindi nue salakarmar. Igar an bemarga uksadba be imakmalo. Degine, dule-irwa-Bab-Dummadse-gormalad-Leví-wagan-sogedba be imakmaloed. Ar igi an bemarga Igar-uksa, bela deyob be imakmaloed.

Deuteronomio 33:10

Leví-wagan, be-Igarmar-sogedba Jacob-wagan-odurdakoed, Be-Igar-Maidgi Israel-dulemar-odurdakoed. Leví-wagan, be-asabin ina-wawadikmalad obupurmakmaloed, degine, ibmar-ogumakar-ukleged-ailagi bega ibmar ogumakar ukmaloed.

1 Tesalonicenses 4:2

Ar bemar bato wisid, igi-anmar bemarga Bab-Jesús-nuggi ibmar sogsamala.