Jueces 8:3 - Kuna San Blas

³ Ar Bab-Dummad bemarga Madián-sordamar-e-dummagan Oreb, degi, Zeeb urmaksad. Degitega, ¿ibu-imaksa be an-daksunna? Andi gwen-dogdar ibmar-nued imaksasulid. Efraín-sordamar deyob Gedeón ega-soge-itosmargu, bar-akar-sogsasurmalad.

Jueces 8:3 Iomraidhean Croise

Salmo 115:1

Bab-Jehová, be-nug-odummolegega bega namakleged. Anmar-nug-odummolegega namaklesulid. Be dule-wiledakedba, be ibmar-innikigwad-sogedba, a-ular, bega namakleged.

Salmo 44:3

Dadgan gwen e-es-suidgine yar sussurmalad, gwen e-surgangine dulemargi obichasurmalad. Unnila be-ganguedgi, be-surgangi, be anmar-dadgan-bendaksad. Eba-be-gudigusadgi be amar-bendaksad. Ar bede, dadgan-nue-sabedbali, deyob imaksad.

Proverbios 15:1

Binnalegwadgi dule-urwenaid-abin-imakedi, urweleged bargaleged. Urwedgi dule-urwenaid-abin-imakeddi, urweleged baligannoged.

Proverbios 16:32

Dule-na-niga-gandik-oyodiidba bur-nuedid, dule-na-e-gwage-bargaed-nika gudigued. Dule gandikidgi neggwebur-suedba bur nuedid, dule na san-bargaed-wisi gudigued.

Proverbios 25:11

Iba-sogedba ibmar-soglegedi, galimbaba dutumar-oyapateyobi gued.

Proverbios 25:15

Gwae-gwaesuli, binnasdikigwadgi, dule-nuga-nikad-e-binsaed ogwaleged. Nuedgi, urwedginsuli-sunmaklegedi, bela igar-bulegangi obilleged.

Juan 4:37

”Ar we-ibmar-sogleged nue-napira sogleged: ‘Dule-gwensak ibmar-gwag-digedid, dule-baiddi, ibmar-gwag-weedid.’

Romanos 12:3

Bab-Dummad nued angi binsaewilubsulinad, degite, nued angi binsasad. A-ular, anga igar uklesad, adi, bemarga sogega, melle bemar wala-walagwensaar, na be dukin wilub-obis itomalo. Suli, degisuli. Bab-Dummad egi-bensuli-gued bega uksadba na be itoakwaa binsamalo.

Romanos 12:6

Degisoggu, Bab-Dummad-Burba-Isligwaled anmargi dog-nued-binsasadba, anmar gurgin-burbaled akar-akar nikamalad: Bab-Dummad-gayaburba-barsoged-gurgin-burbaled be nikale, Bab-Dummad egi-bensuli-gued bega-uksadba be ebusunna.

Filipenses 2:3

Na be san-dummarba-imakega, degi, dule-baiganbo-benguega, mer be ibmar imakmalo. Na be san-bipi-imakedgi ibmar-imakmala, degi, dule-baigan bemarba-bur-dummadyob be dakmaloed.

Jueces 8:2

Geb Gedeón Efraín-sordamar-abin sogded: —Ar ibu wis-imaksa be an-dake. Bemar-Efraín-dulemar, bemar-uva-e-solagan-welegedi, anmar-Abiezer-dulemar-uva-welegedba, bur bule nuedid. Ar deyobi, bemar an-ibmar-imaksadba bur bule ibmar-nued-imaksamalad.

Jueces 8:4

Gedeón, degi, e-sordamar-dulataled-ilapaagwadmala (300) Jordán-diwarse mosgua, obaksamalad. Ar nue yegusmar-inigwele, deggines e-isdarmalad-balegichamalad.