Jueces 7:2 - Kuna San Blas

² Bab-Jehová Gedeónʼga sogded: “Be dogdar-mergu sordamar-sediid. Madián-sordamar an bega urmak-sogele, ar Israel-sordamar san-dummarbaa sadamaloed, na sogdamaloed: ‘Anmar na dukin anmar-ganguedgi na bendaksamala.’

Jueces 7:2 Iomraidhean Croise

Génesis 46:2

A-mutikidba Bab-Dummad Israelʼga gabdakedba sunmaksad. Jacobʼse e-nugba gornonikid: —¡Jacob! Jacob Bab-Dummad-abin sogded: —Wegi an be-itomai.

2 Crónicas 14:11

Agi, Asa e-Bab-Dummad-Jehováʼse sabsur-goted, sogded: “Bab-Jehováʼye, dulemar emarbi be dakmaid. Dule-gandikiddibe, igi dule-nollogwaddibe amba be bendakmaid. Degisoggu, anmar-Bab-Dummad-Jehováʼye, be anmar-bendake. Ar ade, anmar begi bensurmalad, degi, be-nuggi an we-dulemar-ichesur-bukwadbogwa bila-onodanimalad. Bab-Jehováʼye, bee be anmar-Bab-Dummadid. Dule begindi obinosulid.”

Isaías 10:13

Ar ade, Asiria-e-rey weyob soged: “We-ibmar an-ganguedba an imaksad, an-binsaed-nikaa-daedba an imaksad, ar ande, nue-ibmar-wisid-duled. Ani an neggweburmar-e-abingunanaid ogwasad, ani an e-ibe ibmar-nuegan atursasad, ani an sorda-bila-onoged-buled-guedsoggu, an e-reymar-obelosad.

Isaías 2:11

Dule-san-dummarba-imakmalad, sabsur-obingegsalemaloed, dule-san-dummarba-imakmalad, san-bipii imaklemaloed. A-ibagangi, unnila Bab-Jehová-e-nugbi odummolegoed.

Isaías 2:17

Dule-san-dummarba-imakmalad, nug-bipii gudoed, dule-dogdar-obicha-san-imakmalad san-bipii gudoed. A-ibagangi, unnila Bab-Jehová-e-nugbi odummolegoed.

Jeremías 9:23

Bab-Jehová weyob soged: “Dule-binsaed-ibed, melle na e-binsaed-nue-nikadgi san-dummarba itogo. Dule-gandikid, melle na e-gangued-nikarbadgi san-dummarba itomogo. Dule-mani-ibed, melle na e-mani-nikarbadgi san-dummarba imakmogo.”

Ezequiel 28:17

Be-yeerdakleged-ulale, be san-dummarba imaksad. Be-nug-dummarba-nikad-ulale, be-binsaed-nikadaed be oichosad. A-ulale, napnegse an be-balimeted, degi, reymar-asabin-bingegu-gwichi an be-imaksad.

Ezequiel 28:2

“Dule-machi, Tiro-e-reyga be soge: Bab-Jehová-Bela-Gangued-Nikadi weyob sogye: ‘Be-gwagegi na be san-dummarba-itogedba sogsagusad: Ani an bab-dummadye. Muu-billiganbali bab-dummagan-e-rey-gangi an siiye. Ar bab-dummadyob na be ito-inigwele, ar bedi bab-dummad-sulid. ¡Unnila be dule gued!

Daniel 4:30

weyob sogded: “¡Dakmala! An ibiyobi Babilonia-neggwebur dungu sobsa. An-garganguedba an yeerdakle sobsad, adi, an-nug dummarba guegar.”

Habacuc 1:16

A-ulale, Babilonia-dorgan na e-sakiga bab-dummadyobi ega ibmar-ukleged ukmalad. E-sakiga ina-wawadikid ogumakmalad. Ar e-saki-nukad na e-masgunned bukidar nikad, e-mas yeer gullebalid.

Zacarías 12:7

”Ani, Bab-Jehová, Judá-dulemar-inse bendakoed, adi, David-e-wagan, degi, Jerusalén-dulemar, mer bur Judá-dulemarba nuga-nika itomalagar.

Zacarías 4:6

Degisoggu, baliwitur anga sogdesunnad: “Bab-Jehová Zorobabelʼga weyob sunmaknaid: ‘Sordamar-bila-onogedginsulid, garganguedginsurbalid. Unnila An-Burbaba ibmar imaklegoed.’ Deyob, Bab-Jehová-Bela-Gangued-Nikad soged.

Números 31:4

Bela Israel-dulemala, na dadgan-ambe-gakabogwad-iliba (12), miligwen-miligwen (1,000-1,000) bila-ononaega sordamar-barmidoed.”

Romanos 11:18

Degisoggu, sapi-e-anagan-sunnadba mer san-dummaa na be imakmar. Ar na be san-dummarba saele, be insao, be sapi-mali ganisulid, sapi-mali be-ganikid.

Romanos 3:27

Degite, ¿bia san-dummarba-imakleged nadsunna? We-igar bergunoniki. ¿Ar ibi-igar-maidba bergunonisunna? ¿Moisés-Igar-Maid-imakedba bergusa? Suli, abarsuli. Ar unnila Jesúsʼgi-bensuli-guedba bergunonikid.

2 Corintios 4:7

Anmar we-ibmar-bur-nued-nikadi, napsa-nog-sobaledyobidgi anmar-sangi an sedimalad, adi, mag dakmalagar, we-gangued-dummad Bab-Dummadgi danikid, anmargi danisulid.

Efesios 2:9

We-abonolegedi, na be ibmar-imakedgi abonolessulid, adi, bemar mer na san-dummarba imakmalagar.

Deuteronomio 32:27

Degi-inigwele, mer deyob bar imakoye an binsasad, adi, an-isdarmalad mer angi dodomalagar. An-isdarmalad angi-burgued an abessulid, abakalegi sokarmalale: Ar we-ibmar Bab-Jehová imaksasulid. Ar anmar bela imaksad. We-dulemargi anmar nakwisad.’

Deuteronomio 8:17

”Mer na be ulubgi weyob sogmalo: ‘We-ibmar-an-nikadi, an-ganguedgi an nikunonikid, an-arbasadgi an nikunonikid.’

Deuteronomio 8:18

Ar degisulid. Be-Bab-Dummad-Jehová be ebinsao, ar ade, e bega gargangued uked, adi, nabir be ibmar-nuegan nikuegar. ”Emide, Bab-Jehová be-dadgangabo-Igar-Mesisad ise-sogar-imaksad, bemarga imakedseye, emi-ibagi bemarga deyob ibmar-nued imaknaid.

Santiago 4:6

Ar Bab-Dummad na e-anmar-wiledakedba bur bule anmar-bendaked. A-ulale, weyobi e-gardagi soged: “Bab-Dummad, dule-na-san-dummarba-imakdimaladgi gwisgudaed. Ar dule-na-san-bipi-imakdimaladdi, Bab-Dummad amar-bendakdaed.” Proverbios 3:34

1 Samuel 14:6

Geb degine, Jonatán ega-sigu-abgaed-seedga sogded: —Dulemar-Bab-Jehová-wissurmalad-bukwadse anmar obaknamala. Bitigi Bab-Jehová anmar-bendakena gadin. Ar Bab-Jehová dulemar-bukidar-merguedgi, igi, dulemar-iche-merguedgi, baisursunna emar-bendaked.