Jueces 6:3 - Kuna San Blas

³ Israel-dulemar ibmar-gwag-digsamalale, Madián-dulemar, Amalec-dulemar, degi, dulemar-dad-nakwedsikmalad Israel-dulemarse gandikidgi ubononidamalad.

Jueces 6:3 Iomraidhean Croise

Jueces 7:12

Ar Madián-sordamar, Amalec-sordamar, degi, dule-dad-nakwedsikmalad, bela-ber-sesmar-batedaeyobi, nebagi aisakis bukmalad. Degi, e-moli-yargan-mureged bukidar demar-gakagi ukub-naidyob bukwad, geg-ebisleged.

Jueces 6:33

Geb degi, bela Madián-dulemar, Amalec-dulemarbo atosmalad, degi, dad-nakwedsikmaladbo atosmarbalid, neggwebur-soggwennadyob bela atosmalad. Geb Jordán-diwar-obaksamargu, Jezreel-nebagi ambikusmalad.

Jueces 3:13

Moab-dulemar-e-rey, Israel-dulemargi gwisguegala, Amón-dulemarbo atosad, degi, Amalec-dulemarbo atosbalid. Degisoggu, Israel-dulemargi-gwichigudgu, Ogobgi-Dakleged-Neggwebur susmalad.

Job 1:3

We-dule ibmar-nika gudii gusad. We-ibmar-durgan nikananaed: Sibad-wawaad, miligugle (7.000) nikad, moli-yargan-mureged, milipaa (3.000) nikad, moli-bebe-nikad-abin-abinnid-napa-imumalad, dulataled-ilatar (500) nikad, moli-uayasuid-omegan, dulataled-ilatar (500) nikad, degine, bukidar e-maiga-gudimalad nikabalid. We-Job dule-dad-nakwedsikidmaladba bur nug-dummarba gued.

1 Reyes 4:30

Salomón-e-ibmar-wisidi, bela dulemar-ibmar-wismaladgi obined, dulemar-ibmar-wismalad yar-dad-nakwedsik-bukwamaladgi obinbalid. Degi, Egipto-dulemar-ibmar-wismaladgi obinbalid.

Jueces 8:10

Rey-Zeba, Rey-Zalmunaʼbogwa Carcorʼye-neg-nugadgi sordamar-miliambe-gakatar-gudimaladba (15,000) gudimalanad. Unnila napi-wemar sordamar-dad-nakwedsikmalad besmalad. Ar e-sordagan-baigandi es-suidgi-bila-onomaladi mili-dulanergwa (120,000) bila-onogedgi girgusmalad.

Génesis 29:1

Jacob dulemar-dad-nakwedsik-bukmaladse nade gusbalid.

Miqueas 6:15

Be ibmar-digmaloedi, gwen be weosurmalad, degi, be olivo-gwallu-egurmaloedi, gwen be ebugosurmalad. Vino-onogega uva-nis-egurusadi, be gobosurmarbalid.

Job 31:8

an-ibmar-digsadi bela ani gunmarsundo. An-nainugi-ibmar-naidi bela ani sumarsundo.

Deuteronomio 28:51

We-dulemar, bemar-obelogedse be-ibdurgan-e-mimmigan gunmaloed, be-nainugi ibmar-sanmakmalad gunmaloed. We-dulemala, ibmar-gwag, vino, olivo-gwallu, degi, moli-bebe-nikad-e-mimmigan, degi, sibad-wawaadmar-e-mimmigan bemarga obegosurmalad. We-ibdurgan-bela-be-ibe-obelogedse imakmaloed.

Levítico 26:16

an weyob bemar-sabsur-imakoed: Ukiar dobed-dummad bemargi nagunonikoed, bonigan-dummagan, degi, uellemalad-dummagan begi an barmidagoed. Wemala, be-ibyamar oichogoed, degi, be-sanmar nolloo imakoed. Be-ibmar-gwag bemar binsa digmaloed, ar ade, dule-baigan bemar ibmar-gwag-digmaloedi gunmaloed.

Jueces 6:2

Israel-dulemar, Madián-dulemarse ise-mesagwar-wilebukwadgine, e-idu yalaganba akwasaila-mararmaladba dukunaddamalad, degine, akwasailagan-olloganba e-idu dukunaddamarbalid, deginbali, neg-gandikmaladba e-idu dukunaddamarbalid.

Jueces 6:4

Wemar Israel-dulemar-yargi ambikunonidamalad, Israel-dulemar-ibe ibmar-digarmalad obelodamalad, Gaza-neggweburse-bakale, deyob imakdamalad. Bela Israel-dulemar-ibe, sibad-wawaadmar seddamalad, moli-uayasuidmar, degi, moli-bebe-nikmalad e-ibe seddamarbalid. Masgullemaladse-bakale, ega obedasurmalad, bela-e-ibe seddamalad.

1 Reyes 20:27

Acabʼdina, e-sordagan-onmaknai gusmogad. Sordamar ibmar-ebulemalad, degi, e-mas-gunmaloed, bela ega daknai gusad. Geb, Siria-sordamargi bila-ononamalaga node gusmalad. Israel-sordamar, Siria-sordamar-abin ambikunonimalad. Israel-sordamar Siria-sordamar-abin sibad-wawaad-warbo-gunaiyob wis dakleged. Siria-sordamardina yeer-mergu e-abin bukwad.

Isaías 62:8

Bab-Jehová na e-argan-gangued-nikadba, weyob ise-sogar imaksad: “Bipisaale be-ibmar-gwag be-isdarmalad-e-masga-guega bar an ukosulid, degi, vinoʼgi be nue-arbasgusadi, dule-ainebarmaladi be-ibe gobosurmalad.

Ezequiel 25:4

A-ulale, bemar-Amón-dulemar, dulemar-dad-nakwedsikmaladga an bemar-urmakoed. Amala, bemar-abargi e-dordonegmar urbemaloed, be-walik gudii gumaloed. Ibmar-bemar-weoed gunmaloed, be-moli-bebe-nikad-e-nunis gobmaloed.

Génesis 25:6

Abraham omegan-baiganba-mimmi-nikusmaladgardi, unnila ibmar ega wis ichesaar binsa uksad. Amba Abraham dula-gudigua, e-mimmigan-baigan e-machi-Isaacʼgi dikasur dad-nakwedsik barmisad.

Éxodo 17:8

Amalec-dulemar, Israel-dulemargi bila-onogega Refidimʼye-neg-nugadse nadmalad.

Jueces 10:12

Sidón-dulemar, Amalec-dulemar, degi, Maón-dulemar. Bemar we-dulemarse ise-mesagwar-wilebukwagua, be anse binnasuli gochamalad. ”Agine, ¿an bemar-bendaksasursi? An bemar-bendaksamala.

1 Reyes 5:10

Deyob Hiram, Salomónʼga urwarmar uksad, degi, ciprés-suarmar ega uksabalid.

Isaías 11:14

Aka, emar ebogwa, Filistea-dulemargi dad-argwanedsik-bukmaladgi gwisgudmaloed. Emar ebogwa, dulemar-dad-nakwedsik-bukmalad-ibe ibmar atursadmaloed. Edom-dulemar, Moab-dulemar, degi, Amón-wagan, amarse sabsur-wilemarmogoed. Amar-sogedba ibmar imakmaloed.

Jeremías 49:28

Cedar-neggwebur, degi, Hazor-neggwebur, Babilonia-rey-Nabucodonosorʼse oitolesgusad. Emide, Bab-Jehová weyob we-neggweburmar-annik soged: “¡Dakebinne! Cedarʼgi be gwichigumar. Be dad-nakwe-dorgan-obelomar.

Ezequiel 25:3

Bab-Jehová-Bela-Gangued-Nikad-e-gayaburba itomarye ega be soge: ‘Ar anse-goled-neg-obelolenaigua, Israel-yar-bergunaigua, degi, Judá-dulemar gales-ebipilemaigua, bemar yeer-itos gusmalad.