Jueces 5:2 - Kuna San Blas

² “Israel-dummagan sordagan-idu-nadapile, dulemar e-binsaedba bila-onogedgi-urwenadele, Bab-Jehová-nug-odummodii guo.

Jueces 5:2 Iomraidhean Croise

2 Crónicas 17:16

Johanán-yarbali, Zicri-machi-Amasías sordamar-e-dummadmogad. We-dule na e-itogedba Bab-Jehováʼga-an-arbaoye sogsa gusad. Amasíasʼba sorda-gandikmalad, mili-dulataled-ilabo-mergue (200,000) gudimalad.

Nehemías 11:2

Bela-dulemar na dukin-dukin sogsamalad, emarde Jerusalén-neggweburgi megmaloye. A-ular, Israel-dulemar nue-yeer a-dulemargi binsasmalad.

Salmo 103:2

Bab-Jehová-nug, an odummoged. Anga ibmar-nuegan-uksad an iegosulid.

Salmo 110:3

Be-sordamala bila-onoleged-ibagi, sogedbali guakwaa bukumaloed, ilekwaa yeerdakle ambikumaloed. Bolegoedba boo-bateyobi, be-niga bega gannolemai-gannolemai guoed.

Salmo 136:15

Bab-Dummad, Demar-Ginnidye-nugadgi we-Faraón, e-sorda-bila-onomaladmala, ogundisad. A-e-nug odummomar. Ar e-sabguedi, degisadeguad.

Salmo 18:47

Bab-Dummad anga an-isdarmalad-buged-mai imaksad, Bab-Dummad, dule-yar-baid-baidgi-bukmalad an-maiga-gumalaga anga imaksad.

Salmo 48:11

Be-igar-innikii-imakedba Sión-yala yeer-itoged, Judá-neggwebur-burwigana weligwar itomarmogad.

Salmo 94:1

Bab-Jehová-dule-buged-mai-imakedye, Bab-Dummad-dule-buged-mai-imakedye, be magarodage, dule-sabsur-imaklediid be buged-mai imakdage.

Salmo 97:8

Bab-Jehová, be igar-innikigwad-imaked-ular, Sión-neggwebur, weligwar itoged, Judá-neggweburmar, yeer itomalad.

1 Corintios 9:17

Degisoggu, ar an yeer-itogedgi an Bab-Jesús-Gayaburba-Nuedgi an sunmakdiile, ibmar-nued anga uklegodo. An imakbisulidba sunmakerdi, dule-anga-ibmar-sogsadba an imaknaido.

2 Corintios 8:12

Ar be nuedgi ibmar-ukele, Bab-Dummad nuedgi a-ibmar abingaed. Bab-Dummadga be ibmar-nikadba ukoed. Ar be ibmar sulile, geg be uked.

2 Corintios 9:7

Na wala-walagwen igi na e-gwagegi ibmar-ukbie, abali ukoed. Mer be nunmak-itogedgi ibmar-uko, mer be dule-ise-bega-sogedgi ibmar-uko. Ar ade, Bab-Dummad dule-weligwar-ibmar-uked yeer dakdaed.

Deuteronomio 32:43

”Dulemar-yar-baid-baidginmalad, Bab-Dummad-dulamarba be wergumar. Bab-Dummad, ega-arbamalad-e-ablis-eosmalad buged-mai imakoed. Ar deyob gunonikoed. E-isdarmalad-buged-mai imakoed. Bab-Dummad e-dulamarga isgued osulogoed, degi, e-yala-e-isgued ega osulobaloed.”

Deuteronomio 33:21

Gad-wagan bur yar-nued susad, yar-dule-idumaladgad-gued susad. E-dulemar-idumai gusad. Israel-dulemarmala igar-sogmaidba imaksad, ar igi Bab-Jehová igar-uksa, bela a-sogedba ibmar-imaksad.”

Filipenses 2:13

Ar Bab-Dummad na e-nued-binsaedbali, bemargi ibmar-nued-imakedbinasoged, degi, ibmar-nued-imakbied nasiked.

Filemón 1:14

Degi-inigwele, be-ibmar-wissuli an yapa ibmar imakgusad. Adi, be-anga-ibmar-imaked an bega-ise-sogar-sogedba melle be imakegar. Bur be-itolegedba be anga ibmar imakegar.

Apocalipsis 18:20

Emigindi, bemar nibneggi-bukmalad, ¡be wergumarsun! Jesucristoʼgi-akananaimalad, Bab-Jesús-e-sapingan-bur-dummagan, degi, Bab-Dummad-gayaburba-barsogmalad, ¡be wergumarmosun! Ar we-neggwebur sabsur-bemar-imaksadyob, Bab-Dummad we-neggwebur imaksamogad.”

Apocalipsis 19:2

Ar na dulemarga-igar-naboged napiragwadba, degi, innikigwadba, imaked. Gambanuchu-imakdiidba, we-napneggi-dulemar-ichodigusadba, we-ome-sabsur-odurdaksad. Degi, Bab-Dummad-e-maimar-oburgwisadba, Bab-Dummad we-ome-sabsur-odurdaksad.”

Jueces 5:9

”Israel-dummaganba an naid, dulemar na e-binsaedba bila-onogedgi-urwemaladba an naibalid. ¡Bab-Jehová-nug be odummomar!