Jueces 4:6 - Kuna San Blas

⁶ Ibagwengi, Débora, Baracʼbina gochad, adi, ebo sunmakegar. Baracʼde Abinoam-machid. Ade, Neftalí-yargi Cedesʼye-neg-nugadgi maid. Barac nonigua, Débora ega weyob sogded: —Israel-e-Bab-Dummad-Jehová bega soged: ‘Tabor-yar-dummad-siidse be nae. Agine, Neftalí-sorda-bila-onomalad, degi, Zabulón-sorda-bila-onomalad, miliambe (10,000) be urbo.

Jueces 4:6 Iomraidhean Croise

Salmo 7:6

Bab-Jehováʼye, be sae-itogedba an-isdarmalad-anse-urwebukwadgi be gwisgudage. Anga be igar nabodage. An-Bab-Dummadye, anba be nague, igar-innikigwadba be anga igar naboge.

Salmo 89:12

Be dad-nakwed-argan-sapiledsik-yar-bukwad obinnisad, dad-nakwed-argan-nuedsik-yar-bukwad be obinnisbalid. Tabor-yar weligwar be-nugga namaked, Hermón-yar weligwar be-nugga namaked.

Salmo 89:13

Bab-Jehová, bela-bela be gangued-nikadba be ibmar-dummagan imaked. Be-argan-nued be onakwed, ar be emargi obichad.

Jeremías 46:18

Ani an Rey gued, dula-maidid, Bab-Jehová-Bela-Gangued-Nikadye an nugad. An soged: “Igi yar-baiganba bur Tabor-yar-dummad nosii, igi demar-gakaba Carmelo-yar bipisur nosii, deyob-dungueyobi, be-isdarmalad begi danimaloed.

Oseas 5:1

“¡Dule-irwa-anse-gormalad, nue be an-itomalo! ¡Israel-e-dulemar, nue be bogi an-itomalo! ¡Reyneg-yaginmalad, nue be an-itomalo! ¡An bemargi yolesokalid! Bemar Mizpaʼye-neg-nugadgi an-neggwebur-yardaklegega imaksamalad, Bemar Tabor-yalagi an-dulamar-yardaklegega imaksamarbalid.

Gusmalad 13:47

Ar Bab-Jesús bato weyob anmarga igar uksad: ‘Dulemar-yar-baid-baidgi-bukmaladga, neg-meegwadga-guega an be-imaksad. Bela napneg-naid-ugakaasega, an-abonoleged-igar-sedega, an be-imaksad.’ ” Isaías 49:6

Hebreos 11:32

Degite, ¿igi-gwena an bemarga barsogosunna? Ar baigangi an bemarga sunmakye-sogele, an bemarga obelossuliled, Gedeónʼgi-sunmaked, Baracʼgi, Sansónʼgi, Jeftéʼgi, Davidʼgi, Samuelʼgi, degi, Bab-Dummad-gayaburba-barsogmaladgi-sunmaked obelossuliled.

Josué 1:9

Bato an bega sogsad: ¡Gandik be sao, melle be galakuo. Melle be dobguo, melle be nig-argwanbalo! Ar bia be naoedba, ani an be-Bab-Dummad-Jehová, beba gudii guoed.”

Josué 19:22

We-yar-abingunaidi, Tabor-yarse, Sahazima-neggweburse, degi, Bet-Semes-neggweburse momaid, geb Jordán-diwarse bergunaid. Bela neggwebur-gwaambe-gakanergwa-mergue (16), degi, e-neggwebur-burwiganase-bakale,

Josué 19:32

Aser-wagan-sorbali, Neftalí-waganga na e-dadgan-e-dadganba yar uklesad.

Josué 19:35

E-neggwebur-ise-sakdigar-bukwamaladi, wemalad: Sidim, Zer, Hamat, Racat, Cineret,

Josué 19:37

Cedes, Edrei, En-Hazor,

Josué 21:32

Neftalí-wagan-e-yargi, we-neggwebur-gwapaa, degi, ibmar-durgan-maega e-gagan-nanaidse-bakale, ega uklesad: Galilea-yalagangi Cedes-neggwebur. (We-neggwebur dule-gindasmalad-dukuega nugsalesad). Hamot-Dor, degi, Cartán.

Jueces 4:10

Geb Barac, Cedesʼye-neg-nugadgine, Zabulón-sorda-bila-onomalad-urbisad, degi, Neftalí-sorda-bila-onomalad-urbisbalid. Bela miliambe (10,000) e-sogedba oambikusad. Débora, Baracʼba nadmogad.

Jueces 5:1

A-ibagine, Débora, Abinoam-machi-Barac-ebo namaksad. Weyob namaksamalad:

Jueces 6:35

Gedeón, Manasés-dulemarse gayaburba-berbemalad barmisad, adi, bila-onogega, a-dulemar eba atomalagar. Degine, Aser-dulemarse, Zabulón-dulemarse, Neftalí-dulemarse, gayaburba-berbemalad barmisbalid. We-dulemar eba atosmarmogad.

Jueces 8:18

Geb Gedeón Zebaʼse, Zalmunaʼse egichided: —Bemar Taborʼgi dulemar-oburgwisadi, ¿igi daklemala? Geb Gedeónʼga sogdemalad: —Beyob-daklemala. Rey-machiyob daklemalad.

1 Samuel 10:3

”Raquel-neg-uangi be bangudele, Taborʼye-neg-nugadgi sapi-dummad-gwichidse be modapile, agine, dule-walapaa be abingudagoed. A-dulemar, Betel-neggweburse Bab-Dummad-nug-odummogega nadapmaloed. Wargwenad, sibad-mimmi-senigwad-walapaa senadapoed. Baiddi, madu-gwapaa senadapmogoed. Geb baiddi moli-uka-buglugi vino senadapmogoed.

1 Samuel 12:11

Geb degine, Bab-Jehová we-dulemar-barmialid: Jerobaal, Barac, degi, Jefté. Amala bela be-isdarmalad-bukwamaladgi be-ollor-imaksamalad. Deyobi, ani Samuel, be-isdarmaladgi be-ollor-imaksamogad. A-ular, bemar dobsuli-gudii gusmalad.