Jueces 3:3 - Kuna San Blas

³ Dulemar-baigan-bukusmaladi, wemalad: Filistea-e-dummagan walatar bukusad. Canaán-dulemardi amba bela bukusad. Sidón-dulemar-Líbano-yargi-bukwamaladi, bukusad. Degi, Heveo-dulemar-Líbano-yalaganba-bukwamarmogadi, Baal-Hermón-yar-akale, degine, Hamat-neg-nugadse-bukmaladi, amba bela bukusmarmogad.

Jueces 3:3 Iomraidhean Croise

Génesis 49:13

”Zabulón, demar-gakagi megoed. Agi, urmar-nagued-neg nika guoed. E-ambikuoed, Sidón-yalase warmakoed.

2 Samuel 24:7

A-sorba, Tiro-neggwebur-gandik-siidse nadmarbalid, degine, Heveo-neggweburmarba bipirmakapmalad, Canaán-neggweburmarba bipirmakapmarbalid. A-sorbali, Beerseba-neggweburse nadegusmarbalid. A-neggwebur Neguev-yargi siid, Judá-yar-naidgi.

1 Reyes 8:65

Deyob, Salomón, bela Israel-dulemarmala Bab-Dummad-Jehová-asabin, ibagugle (7) iba-ononai gusad. Degine, Salomón napi-ibagugle (7) iba-obangusbalid. Belagwable ibambe-gakabake (14) iba-ononai gusad. A-ibase, bukidar-dule-ainebarmalad nonigusmalad. Hamatʼye-neg-nugadginmalad, degi, Egipto-diwarginmaladse-bakale, noni gusmalad. Dulemar bukidar ibase noni gusmalad.

1 Reyes 9:20

Israel-dulemarsulid-e-wagan-napi-besmalad, wemalad: Amorreo-dulemar, Het-dulemar, Ferezeo-dulemar, Heveo-dulemar, Jebuseo-dulemar.

Ezequiel 47:20

”Dad-argwanedsik, Demar-Dummad yar-abinguedga guoed. Egipto-yarbo-abingunaid-akale, Hamat-neggwebur-doged-asabin, demar-gaka-naidse yar abinguoed. Weyob dad-argwanedsik yar abingunaioed.”

Números 13:29

Neguevʼgi Amalec-dulemar bukwananaed. Yalaganbali, Het-dulemar, Jebuseo-dulemar, degi, Amorreo-dulemar bukwananaed. Canaán-dulemardi demar-gakaba, degi, Jordán-diwar-gakaba bukwananamalad.

Números 34:8

Hor-yala-akar baksa be imakbaloed, Hamat dogedse. A-abingunaid nadeguoed, Zedadʼse.

Deuteronomio 1:7

Degisoggu, be namar, be-ibmar be weemar. Amorreo-dulemar-yalaganba be namar, degine, bela Amorreo-dulemar-yalagan-dikarba-nanaidba be namar: Arabá-yar-naidba, yalaganba, nebagan-dad-argwanedsik-nanaidba, Neguev-yalaba, demar-gakaba, Canaán-dulemar-bukwadba, Líbano-yar-naidba, degine, diwar-dummad-Éufrates-maidse be namar.

Deuteronomio 3:9

We-Hermón-yala Sidón-dulemar Siriónʼye bimalad. Amorreo-dulemardi Senirʼye bimalad.

Josué 11:19

Neggwebur-gwagwensaale, Israel-dulemarbo na muchub-muchub-bendakmalad-igar mesissulid. Unnila Heveo-dulemar-Gabaónʼginmaladbi Israel-dulemarbo igar mesisad. Josué bila-onosadgine bela we-neggweburmargi nakwisad.

Josué 11:3

Amba deyobi, Rey-Jabín, Canaán-dulemar dad-nakwedsik-bukwamaladse, degi, dad-argwanedsik-bukwamaladse gayaburba barmisbalid: Amorreo-dulemarse, Het-dulemarse, Ferezeo-dulemarse, Jebuseo-dulemar yalagangi bukwamaladse, Heveo-dulemar Hermón-yar-nakwedsik Mizpa-yargi-bukwamaladse gayaburba barmisbalid.

Josué 13:3

A-yardi, Egipto-yar-dad-nakwedsik, Sihor-diwar-akar, dad-nakwed-argan-sapiledsik Ecrón-yar-abingunaidse dungu naid. Ecrón-yala, Canaán-dulemargadid. A-yargine, Filistea-dulemar walatale dummaganga we-neggweburgi mamaid: Gaza-neggweburgi, Asdod-neggweburgi, Ascalón-neggweburgi, Gat-neggweburgi, degi, Ecrón-neggweburgi. ”Deginbali, dad-nakwed-argan-nuedsik Aveo-dulemar-e-yala amba yoo sulebalid.

Josué 13:5

Deginbali, Giblita-dulemar-e-yar, degi, bela dad-nakwedsik-Líbano-yar-naidi amba yoo sulebalid. A-yala, Hermón-yar-nakwedsik Baal-Gad-akar onoalid, Hamat-dogedse bergunaid.”

Josué 19:28

Yar-abingunaidi, Hebrónʼsik, Rehobʼsik, Hamónʼsik, Canáʼsik nadbalid, Sidón-neggwebur-dummadse warmakmaid.

Josué 9:7

Israel-dulemala ega sogdemalad: —Bemar wegi-itakagwad gumarsua. Deyobile, anmar bemarbo geg igar-mesmalad.

Jueces 10:12

Sidón-dulemar, Amalec-dulemar, degi, Maón-dulemar. Bemar we-dulemarse ise-mesagwar-wilebukwagua, be anse binnasuli gochamalad. ”Agine, ¿an bemar-bendaksasursi? An bemar-bendaksamala.

Jueces 10:7

Degidbali, Bab-Jehová Israel-dulemargi sae-itoded. Degisoggu, Filistea-sordamarga, degi, Amón-dulemarga urmaknonikid.

Jueces 14:4

Ar e-sergande we-ibmar-gunaidi, wissulid, Bab-Jehová-sogedba-gunaid. Degi, Bab-Dummadi Filistea-dulemargi-gwichiguega igar-aminaid wissurbalid. Ar ade, we-ibagangi, Israel-dulemar, Filistea-dulemar-sogedba nanabukwad.

Jueces 18:7

Agine, sordamar-e-ataled nadmalad. Geb, Lais-neggweburse modapmalad. Dakdapmalad, Laisʼginmalad Sidón-dulemar-gudimaladyob gudimarmoga. Sidón-dulemarde nueganbi bonisuli bukwamalad, degi, gwayedsuli bukwamarbalid. We-yargi bela ibmar-nikadbi bukwamalad, ibmarsuli bukwasurmalad. Laisʼginmalad Sidón-dulemargi dikasur-bangu-bukwamalad, degi, dulemar-baiganbo igar-nikasur-bukwamarbalid.

Jueces 3:2

Weyob Bab-Dummad imaksadi, adi, Israel-wagan bila-onolegedgi-durdakarsurmalad, durdakmalaga, igi bila onolege.

Jueces 4:2

Degisoggu, Bab-Jehová, Rey-Jabínʼga Israel-dulemar-urmaksad. Rey-Jabínʼde Canaán-dulemar-e-reyd, Hazor-neggweburgi yar-semaidid. E-sorda-bila-onomalad-e-dummaddi Sísaraʼye-nugad. A-dulede, Haroset-Goim-neg-nugadgi maid.

1 Samuel 13:5

Filistea-sordamar, Israel-sordamargi-bila-onogega na atosmarmogad. Filistea-dulemar ur-napagined-bila-onoged mili-dulagwen-gakambe (30,000) nikamalad, dulemar-moli-birgi-sii-urwemalad milinergwa (6,000) nikamarbalid, geb e-sordamar-nagab-urwemaladdi demar-gakaba-ukub-naidyob bela-bela mergued. Bet-Avén-dad-nakwedsik, Micmasʼgi Filistea-sordamar bukunonimalad.

1 Samuel 29:2

Filisteaʼmar-e-dummagan, na e-sordamar-dulatar-mergued-abargi (100), degi, miligwen-mergued-abargi (1,000) nadapmalad. Amar-sorbali, Rey-Aquis, David, degi, e-sordaganmala nadapmalad.

1 Samuel 6:16

Filistea-e-dummagan-walataled bela we-ibmar-daksamalad. Geb a-ibagine, Ecrón-neggweburse gannar nonimalad.

1 Samuel 6:18

Amba deyopira, Filistea-e-dummagan-walataled na e-neggweburmar-galu-matusulid-akwabiid-nikad-iliba, degi, e-neggwebur-burwigana-iliba, nusa-orgi-sobaled uksamarbalid. Ar Bab-Jehová-Ulu akwa-dummad-birgi sigissoggu, a-ulale, a-akwadi bela we-ibmargusad-ebinsaega siid. Emi, we-garda-narmaklenaidse, we-akwa-dummad Josué-Bet-Semesʼgined-nainugi siid.

1 Samuel 6:4

Filistea-dulemar sogdemalad: —Degite, ¿ibu an ega ukmaloe? Bab-dummad-Dagónʼse-gormalad abin-sogdemalad: —Ar bemala, degi, be-dummagana na bela emarbi boni-bulegan itonanaisoggu, Filistea-dummagan-merguedba, or gwaatar boni-dusiyob-daklegedyobi be sobmaloed, deginbali, or walatar nusayob-daklege be sobmarbaloed.