Jueces 2:2 - Kuna San Blas

² Bemardi mer dule-we-yarginmaladbogwa igar-omesmaloye. Degi, an bemarga sogsad: A-e-bab-dummaganga-ibmar-ogumakar-ukleged-ailamar be osulomaloye. Degi-inigwele, bemar an-sogedba ibsassurmalad. ¿Ibiga be an-itossurmala? Deyobsulindo.

Jueces 2:2 Iomraidhean Croise

Génesis 12:18

A-ulale, Faraón Abramʼse gochad, ega sogded: “¿Ibiga wede deyob be an-imaksa? ¿Ibiga be anga sogsasuli, we-omegwa an-omeye?

Génesis 4:10

Bab-Jehová Caínʼga sogded: —Ar wede, ¿ibi be imaksa? Be-urba-ablis be eosad. Emide, a anga sogeyob an itoged: ‘Anga be igar-naboye.’

Éxodo 32:21

Geb Moisés Aarónʼga sogded: —¿Igi we-dulemar be-imaksa? Emide be, we-dulemar dummad-isguega be imaksad.

Jeremías 2:18

Emide bemar, Egipto-yalase Nilo-diwar-gobnabiye-sogedde, ¿ibi-nued egi be amimalo na be itoge? Emide bemar, Asiria-yalase Éufrates-diwar-gobnabiye-sogedde, ¿ibi-nued egi be amimalo na be itoge? Ar gwen egi ibmar-nued be amiosurmalad.

Jeremías 2:36

Ar bemar baisursunna binsaed-ogwaddamalad. Ar igi Asiria-dulemar bemar-yardaksa, deyobi, Egipto-dulemar bemar-yardakmogoed.

Jeremías 2:5

Bab-Jehová weyob soged: “Be-dadgande, ¿ibigi egi-nosa an-daksamarsunna? Emide, angi bangusmalad. Bab-dummagan-ibmarga-gusurmaladba nadegusmalad, agala, be-dadgan ibmarga gussurmarmogad.

Deuteronomio 7:16

Bela Be-Bab-Dummad-Jehová bega-dulemar-uknaid be ogilogo. Melle be a-dulemar wile dako. Melle be e-bab-dummadga-na-imakbukwad, be-bab-dummadga be imako, ar ade, amar, be-Bab-Dummad-Jehováʼgi-aibanega bemar-imakoed.

2 Tesalonicenses 1:8

Bab-Jesús, dulemar-aku-Bab-Dummad-dakdimalad-sabsur-odurdakega, degi, dulemar-anmar-Dummad-Jesucristo-e-Gayaburba-Nuedba-nanadisurmalad sabsur-odurdakega, danikoed.

Josué 9:7

Israel-dulemala ega sogdemalad: —Bemar wegi-itakagwad gumarsua. Deyobile, anmar bemarbo geg igar-mesmalad.

1 Pedro 4:17

Ar odurdakleged-ibagan Bab-Dummad-mimmigangar-inse nonikid. Emide anmar-inse weyob odurdaklenaid, degite, dulemar-Bab-Dummad-Gayaburba-Nuedba-dasurmaladdi, ¿igi gumalo be insasunna? Ar amardi nue-dummad odurdaklemaloed.

Jueces 2:20

A-ulale, Bab-Jehová, Israel-dulemargi sae-itoded, weyob sogded: “An e-dadganbo-Igar-Mesisadba we-Israel-dulemar gwen nanassurmalad, degi, an-sogedba ibsassurmarbalid.

Jueces 6:10

An bemarga sogsabalid: Ani an bemar-Bab-Dummad-Jehová guye. Melle bemar Amorreo-dulemar-yargi-bukwadgi, e-bab-dummaganse-gormaloye an sogsad. Degi-inigwele, bemar an-itossurmalad.’ ”

Jueces 6:8

Bab-Jehová e-gayaburba-barsoged barmialid. Weyob sogsad: “Israel-e-Bab-Dummad-Jehová weyob-soged: ‘Bemar Egipto-yargi-wilebukwa an bemar-onosad, degi, maiga-gubukwa an bemar-onosad.

Jueces 8:27

Gedeón we-ormargi efod-sobsad. We-efod-orbiid e-neggwebur-Ofraʼgi ogwichisad. Geb bela Israel-dulemar we-efod-orbiid Bab-Dummadyob dakdemaladba isgudmalad. Amba deyob Gedeónʼga, degine, e-gwenadganga ibmar-isganaga gunonimogad.