Jueces 2:12 - Kuna San Blas

¹² Israel-dulemar, Bab-Jehová-obachamalad. We-Bab-Jehováʼde Israel-dulemar-e-dadgan-e-Bab-Dummadid, Egipto-yalagi e-dadgan-onisgusadid. Degine, Israel-dulemar, bab-dummadyob-imaklemaladba nanadmalad, dulemar-baigan-e-bab-dummaganse gotemalad. Degidbali, Israel-dulemar, Bab-Jehová-ourwega imaksamalad.

Jueces 2:12 Iomraidhean Croise

Salmo 106:36

Dule-baigan-e-bab-dummagan-e-nug odummodmalad. Degisoggu, we-ibmar egi aibinnonisunnad.

Salmo 78:58

E-bab-dummadse-goled-neg-sobsamaladba, Bab-Dummad-oulusmalad, ibmar-e-bab-dummadga-imakdimalad-e-wilub-sobsamaladba, Bab-Dummad-nobguega imaksamalad.

Éxodo 13:14

”Ar ibagwengi be-machi bese egichialile, ar wede ibi obarye. Be-machiga bemar sogoed: ‘Bab-Jehová gandikidba Egipto-yargi deun anmar maiga wilebukwagua, anmar-onosgusye.

Éxodo 13:16

Degisoggu, anmar weyob ibmar-imaked, bemar-sakwagi, bemar-bebegindibe, wilub-naiyob guegarye. We be insaega gumaloye, Bab-Jehová gandikidba Egipto-yargi anmar-onosgusye.’ ”

Éxodo 13:3

Geb degine, Moisés Israel-dulemarga sogded: “We-iba nue be insamalo. Bab-Jehová, bemar Egipto-yargi maiga-wilebukwadgi gandikidba bemar-ononaid. Melle bemar madu e-ina-nika gunmalo.

Éxodo 13:9

Deginbali, we-iba, bemar-sakwagi, bemar-bebegindibe, wilub-naiyob guoed. We, bemar-insaega imakoed, bemar Bab-Jehová e-igar-maidgi sunmakdiguewilubbid, ar ade, Bab-Jehová gandikidba Egipto-yargi bemar-onosad.

Éxodo 20:5

A-ibmar-wilubgan-asabin dulluu be imakosurmalad, degine, Bab-Dummadyob ese be golosurmalad. Ar ade, ani an be-Bab-Dummad-Jehová gued. An be-Bab-Dummad gadi-nobguedid. Ar an dule-isganamar-isdarsunna-dakmalad sabsur-odurdakedid. Degi, e-mimmigan, e-wagan, e-wagan-yokorbarmaladsega an sabsur-odurdakbalidid.

Jeremías 16:11

Geb a-dulemar-abin be sogdoed, Bab-Jehová weyob sogye: ‘Be-dadgana angi aibachagusmalad, bab-dummagan-baiganba nanadgusmalad, abali ibsadgusmalad, a-e-nug odummodgusmalad. Ar andi an-iedgusmalad, an-Igar-Maidba nanassurmalad.

Deuteronomio 13:5

”We-Bab-Dummad-gayaburba-barsogeddibe, we-negburgan-dakeddibe, be-Bab-Dummad-Jehováʼgi-banguega be-imakbied-ulale, be-Bab-Dummad-Jehová Egipto-yalagi be-onosgusadgi-banguega be-imakbied-ulale, be oburgwemalargebed. We-Bab-Dummad Egiptoʼgi maiga-wilebukwamargu be-onosadid. Ar we-dulede, Bab-Dummad-Jehová-bemarga-igar-uksagusadgi bemar-obanbi gusad. Ar deyobi, we-dule-oburgwilesadba, bemar-abargi ibmar-isgana be obelomaloed.

Deuteronomio 29:18

”Be nue dakmalo, abakalegi bemar-abargi, machered-gwensakdibe, ome-gwensakdibe, gwenad-gwensakdibe, bemar-dadgan-ambe-gakabogwad-gwensakgi-danimaladdibe (12), we-dulemar-baigan-e-bab-dummagan-nug odummonamalaga, anmar-Bab-Dummad-Jehováʼgi aibatemalale. ”Degisoggu, nue-salakarmar. Abakale, bemar ina-nusuyob gudamalar, ina-gagbidyob gudamalar.

Deuteronomio 29:25

”Geb degine, dulemar abin-sogdemaloed: ‘Ar Bab-Jehová-e-dadgan-e-Bab-Dummad, Egipto-yargi wemar-onosgusanad, emide, ebo-Igar-Mesisadgi bangudmalad.

Deuteronomio 32:15

”Deyobi, Jesurún nue wardunguded, agidbali, Jesurún-dulemar Bab-Dummadgi banguded. Nue-mas-gundiidbali, nue-wardungussunnad. Geb degine, e-Bab-Dummad-e-obinnisadgi banguded, E-bendakdiid ieded.

Deuteronomio 33:17

Moli-bebe-nikad-machered-gebegwaluleged-yeerdaklegedyobi, we-José-wagande yeerdaklemogad. José-wagande, moli-búfaloʼye-nugad-e-bebeyob nikamogad. A-bebegine, bela neggweburmar-baigan ese ibitomaloed, amba dulemar nega-dikasur-bukmaladse-bakale, ese ibitomogoed. Wegiid-dulemar, Efraín-wagangi miliambeba (10,000) nodamaloed, degine, Manasés-wagangi miliba (1,000) nodamarmogoed.”

Deuteronomio 4:25

Ar bemar we-yargi-ambikunonimaladgi mimmigan-nikunonikile, wagan-nikunonikile, degine, sereddii be megnonimalale, melle bab-dummadyob-imaklemalad be sobmalo, deginbali, melle be e-nug odummomarbalo. Ar degiile, bemar be-Bab-Dummad-Jehová-asabin isgued-dummad imakoed. Degidbali, Bab-Jehová-ourwega be imakoed.

Deuteronomio 5:9

A-ibmar-wilubgan-asabin dulluu be imakosurmalad, degine, Bab-Dummadyob ese be golosurmalad, ar ade, ani an be-Bab-Dummad-Jehová gued. An, be-Bab-Dummad gadi-nobguedid. Ar an dule-isganamar-isdarsunna-dakmalad sabsur-odurdakedid. Degi, e-mimmigan, e-wagan, e-wagan-yokorbarmaladsega an sabsur-odurdakbalidid.

Deuteronomio 6:12

nue salakarmar, melle Bab-Jehová-iedmalo. Ar bemar Egipto-yargi maiga-wilebukwamargua, Bab-Jehová bemar-onosgusad.

Jueces 10:11

Bab-Jehová, weyob Israel-dulemar-abin imaksad: —Bemar epenne, anse gocha-gusmalad. Deunni, we-dulemar be-wiosmargu: Egipto-dulemar, Amorreo-dulemar, Amón-dulemar, Filistea-dulemar,

Jueces 5:8

Bab-Dummadye, anmar-Israel-dulemar, bab-dummad-baigan-e-nug-odummosad-ulale, be anmar-neggweburmargi bila-onoleged barmiar gusad. Israel-sordamar mili-dulabo-bukwad-abargi (40,000), dule gwen sigu-abgaed-yoi bila-ononai daklessulid, dule gwen ilawar-swiswidik-annika bila-ononai daklesulid.

Jueces 8:33

Gedeón-burgwisad-sorba, gannar Israel-dulemar Bab-Dummad-Jehováʼgi isgudmalad. Geb Baal-Berit e-bab-dummadga imakde gusmalad.