Jueces 17:3 - Kuna San Blas

³ Micaía e-nan-ibe mani-nibir-durgwen-gakabaabak-atursasad (28) gannar e-nanga uksad. Geb agi, e-nan weyob sogded: —We-mani Bab-Jehováʼga an nug-imaksad, adi, we-manigi dule-mani-sobed an-machiga bab-dummadyob-imakleged-ise-wagar-onoar sobega, degi, bab-dummadyob-imakleged-manibiid sobbaligar. Emisgindi, gannar an bega ukbalid.

Jueces 17:3 Iomraidhean Croise

2 Crónicas 33:7

A-ukinbali, Bab-Dummadse-goled-neggi, na e-nuchu-mimmi-sobsadi ogwichisad. A-negnik, Bab-Dummad Davidʼga, degi, e-machi-Salomónʼga sogsa gusad: “Bela Israel-neggweburmar-abargi, an Jerusalén-neggwebur-susad, agi anse-goled-neg siega, agi an degisadegu maiguegar.”

Éxodo 20:23

Melle bemar orgi-ibmar-sobaled, manigi-ibmar-sobaleddibe, be-bab-dummadga anyob be imakmalo.

Éxodo 20:4

Melle be ibmar-wilubgan sobmalo, nibneggi ibmar-nikad-wilubgandibe, napneggi ibmar-nikad-wilubgandibe, demargi ibmar-nikad-wilubgandibe.

Éxodo 34:17

”Melle be, or-dualed, mani-dualed, degi, esgoromar-soogi-dualed, bab-dummadga imakdii gumalo.”

Isaías 30:22

Degisoggu, be-ibmar-sobarmalad-bab-dummadyob-imaklemalad-manibiidi, be-ibmar-wilubgan-orbimaladi, bela ibmar-isedyob be metemaloed. Be sogdemaloed: “Wegi-bukwad be nae.”

Isaías 66:3

Ar dulemar anga moli-bebe-nikad-machered ogumakar ukedi, dule-gindakmaladyob gumalad. Ar dulemar anga sibad-wawaad-senigana-oburgwedamaladi, bab-dummadyob-imaklemaladga achu-nono-bisgar-ukmaladyob gumalad. Ar dulemar anga ibmar-gwag ukdamaladi, bab-dummadyob-imaklemaladga sin-ablis-ukdamaladyob gumalad. Ar dulemar an-nug odummogega anga ina-wawadikid obupurmakdamaladi, bab-dummadyob-imaklemalad-e-nug-odummomaladyob gumalad. We-dulemar na dukin e-itolegedba igar susmalad, e-ibmar-isgana-imakedgi na yeer itodimalad.

Jeremías 10:8

Bela dulemala, gegeganad, binsaedsurmaladid, suar-sobarmalad-ibmarga-gusurmaladse ibmar-durdaksamaladid.

Levítico 19:4

Melle bab-dummadsurmalad-e-nug be odummomalo, deginbali, melle ibmar-esgoro-dualedgi-sobaled be-bab-dummadga be imakmalo. Ani an be-Bab-Dummad-Jehová gued.

Juan 16:2

Dulemar Judíoʼmar-onmakedneggi be-onomaloed. Ibagan danikoed, dulemar be-oburgwismalale, Bab-Dummadga ibmar-nued-imaknaiye bimaloed.

Deuteronomio 12:3

”E-ibe e-bab-dummadga-ibmar-ogumakar-ukleged-ailamar be earo, e-ibe e-akwamar-islidikmalad be mamarbalo. E-bab-dummad-bundor-Aseraʼye-nugad-e-wilubgan-sobarmalad be ogumako. E-bab-dummagan-e-wilubgan-sobarmalad be mamaro, degi, e-bab-dummagan-e-nug bela be elio.

Deuteronomio 27:15

‘Dule-gwensak ibmar-wilub e-bab-dummadga-imakega-sobsale, suargindibe, akwagindibe, esgoro-diregwadgindibe, geb agi, odukusbalile, we-dule, sabsur-odurdaklesun. Ar we-ibmar dule-imakedsoggua, Bab-Jehová we-ibmar isdar daked.’ Bela dulemar abin-sogoed: ‘Eye, sabsur-odurdaklesun.’

Jueces 17:13

Micaía na weyob binsaalid: “Dule-irwa-bab-dummadse-goledga an Levita-dule-imaksasoggu, an wisi, emisgi Bab-Jehová an-bendakoe.”

Jueces 17:2

Ibagwengi, e-nanga weyob sogded: —Nana, dule bei-mani nibir-durgwen-gakabaabak (28) atursasad-ukabsanai an be-itosad. Ani an be-ibe we-mani susad. Ani an ganikid. E-nan ega sogded: —¡Machi, Bab-Jehová begi nued binsasun!

Jueces 17:4

Degisoggu, Micaía gannar e-nanga mani-uksagua, e-nan, mani-nibiratar-aidiku-wilub dule-mani-sobedga uksad. A-dule, bab-dummadyob-imakleged ise-wagar-onoar sobsad, degi, bab-dummadyob-imakleged-manibiid sobsabalid. Geb a-sorbali, Micaía-negse berbeapid.

Jueces 18:30

Agi, Dan-wagan bab-dummadyob-imaklemalad ese-golega urbismalad. Degine, dule-irwa-bab-dummadyob-imaklemaladse-golega Jonatán-nug-imaksamalad. Jonatánʼde, Gersón-machid, Moisés-wagwabalid. Geb a-sorbali, Dan-dulemar-gales-selesmalad-ibaganse, Jonatán-wagan Dan-dulemar-irwa-bab-dummadyob-imaklemaladse-golega gusmalad.

Jueces 18:5

Degidgi, ega sogdemalad: —Wis be anmar-nuki Bab-Dummadbo sunmake, adi, anmar wisguega, anmar nadele, bule nueganbi anmar naoe.