Jueces 1:7 - Kuna San Blas

⁷ Geb degi, Adoni-Bezec weyob sogded: “An reymar-dulapaa-gakambed (70) e-goo-dummagan, degi, e-nag-goo-dummagan an ei siksagusad. Degine, an-mese-urba mas-milemalad gundii damalad. Degisoggu, a-ulale, Bab-Dummad deyob an-imaksamogad.” Geb a-sorbali, Jerusalén-neggweburse Adoni-Bezec-sesmalad. Agine Adoni-Bezec burgwedapid.

Jueces 1:7 Iomraidhean Croise

1 Reyes 21:19

Acabʼga weyob be sogo: ‘Bab-Jehová weyob sogye: Be dule-oburgwisad. Degite, be e-ibe-nainu susbalid.’ Aginbali, weyob Acabʼga be sogbalo: ‘Bab-Jehová weyob sogbarye: Bia achumar Nabot-ablis-mananai gusmala, agine achumar be-ablis-mananai gumogoye.’ ”

Éxodo 29:20

We-sibad-wawaad be oburgoed. Geb e-abe be abala suoed. Geb Aarón-e-uaya-duku-argan-nuedsikidgi we-abe be magoed. Degine, e-goo-dummad-e-argan-nuedsikidgi, e-nag-goo-dummad-nuedsikidgi we-abe be magbaloed. Amba deyob be Aarón-e-masmala imakbaloed. ”Geb anga-ibmar-ogumakar-ukleged-aila-e-dikarmargi we-abe be bomi-bomi imakbaloed.

Isaías 33:1

Asiria-dulemar-dule-wiodimalad, gwen be wioledisulidi, ¡be duledar-wilesmar! Asiria-dulemar-dule-yamodimaladi, gwen be yamoledisulidi, ¡be dule-wilesmar! Be dulemar-obelosale, be bergumarmogoed. Be dulemar-yamosale, be yamolemarmogoed.

Sofonías 3:19

A-ibagine, an-sunnagwad dule-mesagwar-be-imakdimalad an obelogoed. Sibad-wawaad-yaku-yaku-nanaed an bendakoed. Sibad-wawaad-yoggus-gudiid gannar an sedagoed. Ibi-yarmargi be bingegudii gusmala, agi an be-nug-odummomaloed, agi nuga-nikamaladga an be-imakmaloed.

Romanos 2:15

Wemar, deyobi, na e-daedgi oyomardo, ar igi-Moisés-Igar-Maid-ibmar-imakoye-sogmaidi, emarde na e-gwagegi sedimarye. Na e-ulubgi-itogedba ega igar nabolegoed. Ar ade, imbagwena, na e-binsaedi egi gwisgunonidaed, we-ibmar be noar imaksaye, igidibe, we-ibmar be nabir imaksaye.

Santiago 2:13

Ar dulemar dule-bamalad-wiledaksasurmalad, Bab-Dummad ega igar-naboalile, Bab-Dummad wile dakosurmogad. Ar wiledakleged-igar, igar-nabolegedgi obindaed.

Apocalipsis 13:10

“Ar dulega esgaryagi-melleged maidibe, esgaryagi mellegodo. Ar dulega es-suidgi burgwed maidibe, es-suidgi oburgwilegodo.” Wegine, dulemar-Jesucristoʼgi-akananaimalad gwagegi-bai-itosulid daklesiid, Jesúsʼgi-nue-bensuli-nanadiid, daklesibalid.

Apocalipsis 16:6

Ar dule-be-isdarmaladi, bukidar begi-akananaimalad oburgwismalad, bukidar be-gayaburba-barsogmalad-e-abe eosmarbalid. Degisoggu, amar emigindi abe-gobega be imaksamosunnad. Ar na e-ibmar-imaksadba, deyob gusmarmosunnad.”

Jueces 1:6

Adoni-Bezec wakite gusad. Geb Judá-wagan balegitemargu, bargadapmalad. Gasmargu, e-goo-dummagan, degi, e-nag-goo-dummagan e-ibe siksamalad.

Jueces 9:24

Adi degidbali, Jerobaal-e-masmala-dulapaa-gakambegwad (70) oburgwilesmalad-ulale, Abimelec-oburgwilemogagar, degi, Siquem-dulemar oburgwilemogagar. Ar wemar, Jerobaal-e-masmala-ogilosadgi, Abimelec-bendaksamalad.

Jueces 9:57

Deginbali, Bab-Dummad Siquem-dulemar, e-isgued-ular, egi buged-imaksad, adi degidbali, e-isgumalad-bennukegar. Degisoggu, Jerobaal-machi-Jotam dulemar-ukabsasadba, Siquem-dulemar sabsur-wilesad.

1 Samuel 15:33

Ar Samuel, Agagʼga sogded: —Ar be omegan-ibe bukidar machimala-ogilossoggu, deyobi, be-nan machi-sate gumogoed. Geb Samuel, Gilgalʼgi Bab-Jehová-asabin, Agag-goa-goa imaksad.