Jueces 1:4 - Kuna San Blas

⁴ Judá-wagan bila-ononadmargu, Bab-Jehová Canaán-dulemargi, degi, Ferezeo-dulemargi Judá-wagan nakwega imaksad. Deun, Bezecʼye-neg-nugadgi miliambe (10,000) sordamar-ogilosmalad.

Jueces 1:4 Iomraidhean Croise

1 Reyes 22:15

Degidgine, Micaías reyse nonikid. Geb rey ega sogded: —Micaías, ¿Ramot-De-Galaad-neggweburse an bila-ononaed be an-itomoga? Micaías rey-abin sogded: —Be bila-ononae, be egi obinoed. Bab-Jehová bega we-neggwebur urmakoed.

1 Reyes 22:6

Degisoggu, Israel-e-rey, Bab-Dummad-gayaburba-barsogmalad e-dulataled-ilabake (400) onmaksad, amarse egisded: —¿Ramot-De-Galaad-neggweburse an bila-ononaed be an-itomoga? Rey-abin sogdemalad: —Be bila-ononae, ade, Bab-Jehová bega urmakoed.

Salmo 44:2

Be-sunnagwadi, dule-be-wissurmalad be onisad. A-muchubbi, anmar-dadgan be urbisad. Dule-be-wissurmaladi be sabsur-odurdaksad, anmar-dadgandi nasgumai be imaksad.

Salmo 78:55

Bab-Dummad, Israel-dulemar-nadapid-idu dule-baigan-bukwad onosgusad, we-dulemar-e-napamar, Israel-dulemargadga-guega ega uksad. Deyobi, Bab-Dummad, a-napamargi, Israel-dadgan-dummagan-wagan urbisad.

Deuteronomio 7:2

Degi-inigwele, be-Bab-Dummad-Jehová, bega we-dulemar-urmaksale, bemar egi nakwisale, be bela we-dulemar-ogilomaloed. Melle be we-dulemarbo igar-mesdii nanamalo. Melle be wiledakdii nanamarbalo.

Deuteronomio 9:3

Degisoggu, emi-ibagi be wisgumar, be-Bab-Dummad-Jehová bemar-idu nadapi guoed. Bab-Jehová, soo-ibmar-bela-ogumakedyob, bela dulemar-obelogoed. Bab-Jehová, we-dulemar be-urbaligwa-gudigumalaga imakoed. Ar bemar we-dulemar-onioed, bela be we-dulemar-obelogoed. Igi Bab-Jehová bemarga ise-sogar sogsa-gusa, deyob-imakedse guoed.

Jueces 1:3

Judá-wagan, e-gwenad-Simeón-waganga sogded: “Anmarga-yar-uklenaidse be anmarba namala, Canaán-dulemarbo anmar bila-onomaloed. Geb a-sorba anmar bemarba namarmogoed, Canaán-dulemarbo bila-onogegar.” Degi, Simeón-wagan Judá-waganba nadmarsunnad.

Jueces 1:5

Agine, Judá-wagan, Adoni-Bezec-abingunonimargu, ebo-bila-onodmalad. Geb Canaán-dulemar, degi, Ferezeo-dulemar Judá-wagan-idu duurmakdemalad.

Jueces 11:32

Geb Jefté, Amón-sordamargi bila-onogega gwichiguded. Degi, Bab-Jehová Jeftéʼga Amón-dulemar-urmaksad.

Jueces 3:5

Israel-dulemar we-dulemar-abargi bukunonisunnad: Canaán-dulemar-abargi, Het-dulemar-abargi, Amorreo-dulemar-abargi, Ferezeo-dulemar-abargi, Heveo-dulemar-abargi, degine, Jebuseo-dulemar-abargi bukusmalad.

1 Samuel 11:8

Saúl, Bezecʼye-neg-nugadgi sordamar-ebisega urbisad. Agine, Israel-sordamar mili-dulataled-ilapaa (300,000) bukwa daklealid, degi, Judá-sordamardi, mili-dulagwen-gakambe (30,000) bukwa daklearmogad.

1 Samuel 14:10

Ar anmarga sokarmalardina, be nakwedamarye, agi anmar ese naodo. Adi, anmarga oyolenaid, Bab-Jehová we-dulemargi-nakwega anmar-imakoye.

1 Samuel 14:6

Geb degine, Jonatán ega-sigu-abgaed-seedga sogded: —Dulemar-Bab-Jehová-wissurmalad-bukwadse anmar obaknamala. Bitigi Bab-Jehová anmar-bendakena gadin. Ar Bab-Jehová dulemar-bukidar-merguedgi, igi, dulemar-iche-merguedgi, baisursunna emar-bendaked.