Jueces 1:2 - Kuna San Blas

² Bab-Jehová abin-sogded: —Judá-wagan-inse naoe, ar ade bato a-yala amarga, an uksad.

Jueces 1:2 Iomraidhean Croise

Números 2:3

”Wemala, dulemar-anbo-ambikued-neg-siid-dad-nakwedsik ambikumaloed: Gebedgi, Judá-wagan, na e-bander-urba e-sordamarba ambikumaloed. Judá-wagan-e-dummad Naasónʼye nugad. Naasónʼde Aminadab-e-machid.

Números 7:12

Iba-gebe-onodedgine, Aminadab-machi-Naasón-inse Bab-Jehováʼga ibmar senonikid. We-Naasónʼde, e-dad-dummad-Judáʼgi danikid.

Hebreos 7:14

Ar anmar wisid, anmar-Dummad-Jesús, Judá-e-wagwad, a-anagangi nonikid. Moisés, Judá-wagangindi gwen sogsasurgusad, we-dulemar dule-irwa-Bab-Dummadse-goledga gumaloye.

Josué 2:24

Weyob Josuéʼga sogsamarbalid: “Bab-Jehová bela we-yala anmarga uksad. Bela e-dulemar dobedba wawanmakbukwad.”

Apocalipsis 5:5

Degidgine, girmar-selegan-wargwen anga sokalid: “Melle be boe. Emigi, Achumigur-Nono-Wawaad Judá-e-wagwasikid-Davidʼgi-danikid bato nakwisad. We-dulebi sunna we-garda egaed, sunna e-wilubgan-gugle-naid (7) bisgebalid.”

Jueces 1:3

Judá-wagan, e-gwenad-Simeón-waganga sogded: “Anmarga-yar-uklenaidse be anmarba namala, Canaán-dulemarbo anmar bila-onomaloed. Geb a-sorba anmar bemarba namarmogoed, Canaán-dulemarbo bila-onogegar.” Degi, Simeón-wagan Judá-waganba nadmarsunnad.

Jueces 20:18

Geb Israel-sordamar Bab-Dummadse-goled-negse nadmalad, Bab-Dummadse egisega, ega sogega: —Anmar-sordamar, ¿doa-inse Benjamín-sordamargi bila-ononaoe? Bab-Jehová abin-sogded: —Judá-e-sordamar-inse onodoe.

Jueces 20:28

Deunni, Aarón-wagwa-Fineesʼye-nugad, agi arbadiid. Fineesʼde Eleazar-e-machid. Geb Israel-dulemar egisdemalad: —¿Anmar gannar, anmar-gwenadgan-Benjamín-sordamargi bila-onogega namaloe, igi, bur negse an namala? Bab-Jehová abin-sogded: —Be bila ononamala. Neg-oibosar, Benjamín-sordamargi-nakwega an bemar-imakoed.