Jueces 1:10 - Kuna San Blas

¹⁰ Deginbali, Judá-wagan, Canaán-dulemar-Hebrónʼgi-bukmaladgi duurmakdemarbalid, ebo-bila-onomalagar. Hebrón-neggweburde, Quiriat-Arbaʼye iduar nuganad. Agi, Judá-wagan, Anac-wagangi nakwismalad: Sesaiʼgi, Ahimánʼgi, degi, Talmaiʼgi.

Jueces 1:10 Iomraidhean Croise

Génesis 23:2

Sara Canaán-yalagangi, Quiriat-Arba-neggweburgi burgwisad. Quiriat-Arbaʼde, Hebrónʼye bilebalid. Abraham Sara-burgwisadba nue-bosad, degine, nue-Sara-ebinsadii gusbalid.

Génesis 37:14

Israel sogded: —Nueddo. Be nae, be-iamar be daknae, igi gudimardibe, degi, sibad-wawaadmar nued bukwadibe. Be gannar anse nonikoed. Be anga sognonikoed, be-iamarde nueganbidibe. Israel Hebrón-neba-akar José-barmis gusad.

Eclesiastés 9:11

We-napneggi an negdaknonibalid: Abarmaklegedgi-bengulegedgi dule-sabsur-abarmakedbi emargi obinsulid. Bila-onolegedgi dule-gargangued-nikadbi emargi obinsulid. Dule-binsaed-ibedbi mas gunsulid. Dule-ibmar-wisirbaadbi mani-ibedga gusulid. Dule-nue-garda-wismaladbi e-bina soglesulid. Ar bela dulemarga, imbagwenale, ibagan-nued ega nonidaed, imbagwenale, ibagan-isgana ega nonidabalid.

Jeremías 9:23

Bab-Jehová weyob soged: “Dule-binsaed-ibed, melle na e-binsaed-nue-nikadgi san-dummarba itogo. Dule-gandikid, melle na e-gangued-nikarbadgi san-dummarba itomogo. Dule-mani-ibed, melle na e-mani-nikarbadgi san-dummarba imakmogo.”

Números 13:22

Neguevʼgi nasmargu, Hebrón-neggweburse warmaksamalad. Hebrónʼgine, Anac-e-wagan Ahimán, Sesai, degi, Talmai mamaimalad. Hebrón-neggwebur bato birga-guglegus-siid (7), geb Zoán-neggwebur Egipto-yargi bukunonikid.

Números 13:33

Aginbali, anmar Anac-e-wagan-dule-masdummagan daksamarbalid. Anmar, a-dulemarba sesyob-dakle-nanaed, emar burwii emarba anmar-dakmaloed.

Josué 10:36

Josué, degi, bela Israel-dulemarmala Eglón-neggweburgi-bukwa Hebrón-neggweburse nadmarbalid. Geb Hebrón-dulemargi bila-onosmalad.

Josué 14:15

Hebrón-yala, iduale Quiriat-Arbaʼye nuganad. Ar Arbaʼde, Anac-e-wagan-e-dad-nug-nikad megisad. Bela we-sorbali, Israel-dulemar gwen bar bila-onossulid, yar bogidik-nagunonikid.

Jueces 1:20

Igi-Moisés-sogsa-gusa, deyob Hebrón-neggwebur Calebʼga uklesad. Geb Caleb, a-neggweburgi Anac-e-masmala-walapaagwad onosad.

Jueces 1:9

Geb degi, Judá-wagan, Canaán-dulemar-yalaganba-bukwamaladgi bila-ononadmarbalid. Degi, Canaán-dulemar-Neguevʼgi-bukwamaladgi, degine, Canaán-dulemar dad-argwanedsik-nebaganba-bukwamaladgi bila-ononadmarbalid.