Jueces 1:1 - Kuna San Blas

¹ Josué-burgwisad-sorba, Israel-dulemar Bab-Jehováʼga sogdemalad: —Canaán-dulemarbo bila-ononaega, ¿doa inse naoe?

Jueces 1:1 Iomraidhean Croise

1 Reyes 22:5

Agine, Josafat, Israel-reyga sogdebalid: —Degi-inigwele, a-iduale, Bab-Jehováʼse be idakgwelergebed.

Éxodo 18:15

Moisés e-saka-abin sogded: —Ar ade, dulemar Bab-Dummadse igar-amimalaga anse nonidamalad.

Éxodo 28:30

”Deginbali, mor-binasgargi-nagued, igar-nabogega-ebulegedgi, be Urim, degi, Tumim sioed. Adi, Aarón an-asabin-dogder, e-binasgargi-nai dogegar. Weyobi, Aarón, an-asabin-gwisgudaged-ilibali, e-binasgargi Israel-dulemarga igar-nabogega sedigu guegar.”

Números 27:21

Josué, dule-irwa-Bab-Dummadse-goled-Eleazar-asabin nonikoed, adi, ega Urimʼye-nugadba Bab-Jehováʼse idakegar. Josué-sogedba bela Israel-dulemar ibmar imakmaloed.”

Jueces 1:27

Manasés-wagan, amba Canaán-dulemar-onissurmogad. Amarde, wemalad: Bet-Seánʼgi-bukmalad, degi, e-neggwebur-burwiganase-bakar, Taanacʼgi-bukmalad, degi, e-neggwebur-burwiganase-bakar, Dorʼgi-bukmalad, degi, e-neggwebur-burwiganase-bakar, Ibleamʼgi-bukmalad, degi, e-neggwebur-burwiganase-bakar, Meguidoʼgi-bukmalad, degi, e-neggwebur-burwiganase-bakar. Degisoggu, Canaán-dulemar, e-yargine, yapa-ainie na bukwa gusmalad.

Jueces 2:21

Degisoggu, Josué, e-burgwed-iduar dulemar-baigan-onissulidi, bar an oniosurmogad.

Jueces 2:8

Nun-machi-Josué Bab-Jehová-e-mai, birga-dulatar-gakambe nika (110) burgwisad.

Jueces 2:9

Geb Josué-e-nainu-Timnat-Sera-nugadgi Josué-digsamalad. Timnat-Seraʼde Efraín-yalagangi, Gaas-yar-dummad-dad-nakwed-argan-sapiledsik naid.

Jueces 20:18

Geb Israel-sordamar Bab-Dummadse-goled-negse nadmalad, Bab-Dummadse egisega, ega sogega: —Anmar-sordamar, ¿doa-inse Benjamín-sordamargi bila-ononaoe? Bab-Jehová abin-sogded: —Judá-e-sordamar-inse onodoe.

Jueces 20:23

Ar ade, Israel-sordamar saegidbali, mutikguedse Bab-Jehová-asabin bosii gusmalad, degi, Bab-Jehováʼse idaksamalad, ega weyob sogsamalad: —¿Anmar gannar anmar-gwenadgan-Benjamín-dulemargi bila-onomaloe? Bab-Jehová amar-abin sogsad: —Egi be bila-ononamar.

Jueces 20:27

A-ibagangi, agi, Bab-Dummad-Israel-Dulemarbo-Igar-Mesisad-Ulu siisoggu, Bab-Jehováʼse idaksamalad.

Jueces 20:28

Deunni, Aarón-wagwa-Fineesʼye-nugad, agi arbadiid. Fineesʼde Eleazar-e-machid. Geb Israel-dulemar egisdemalad: —¿Anmar gannar, anmar-gwenadgan-Benjamín-sordamargi bila-onogega namaloe, igi, bur negse an namala? Bab-Jehová abin-sogded: —Be bila ononamala. Neg-oibosar, Benjamín-sordamargi-nakwega an bemar-imakoed.

1 Samuel 10:22

Degidbali, Bab-Jehováʼse egichiarmalad: —¿Ar we-dulede wese nonimoga? Bab-Jehová abin-sogded: —Eye. Ar mor-ulumar-imbaba dukusiid.