Juan 9:5 - Kuna San Blas

⁵ An we-napneggi-gudiidgi, an gwallu-meegwadyob gued. Ani an dulemar-bukwadga igar-napiragwad oyonaid.

Bab dummad Jesucristoba igar mesisad garda

⁵ Ar emigi we-napneggi an gudiidgi, ani an we-napneggi-dulemar-bukwadga igar-napiragwad oyonaid, gwallu-meegwadyob an gued.

Juan 9:5 Iomraidhean Croise

Isaías 49:6

Bab-Dummad weyob e-maiga soged: “Be an-maiga-guedgi, unnila be anga Jacob-waganbi gannarse nudakosulid. Unnila be anga Israel-dulemarbi gannar-e-yarse sedagosurbalid. Dulemar-yar-baid-baidgi-bukmaladga, neg-meegwadga-guega an be-imakbalid, degi, bela napaneg-naid-ugakaasega, an-abonoleged-igar-sedega an be-imakbalid.”

Malaquías 4:2

Ar bemar-an-dobee-nanadimaladgardi, dad-gaedyobi igar-innikigwad-imakleged nagunonikoed, degi, bemar-abonoleged-igar bemarga nonikoed. Bemar moli-bebe-nikad-sapingana-emisgwa-mas-guchadyob ichomakdemaloed.

Mateo 4:16

Dulemar-negsichidgi-gudigusmaladi, neg-meegwad daksamalad. Negsichidgi-bukwagusmaladga, neg mee gunonikid.” Isaías 9:1-2

Mateo 5:14

Jesús sogdebalid: “Bemar we-napneggi gwallu-meegwadga gumalad. Ar neggwebur-gwagwen yar-birgi siile, geg we-neggwebur dukued.

Lucas 2:32

Dulemar-yar-baid-baidgi-bukmaladga neg-meegwadga guoed. Degi, we-mimmi, Israel-dulemarga gandikidba-be-nug-odummogedga guoed.” Isaías 42:6; 49:6

Juan 12:46

Ani, we-napnegse gwallu-meegwadga, an nonikid. Adi, bela-angi-bensurmalad, mer bar negsichidgi-gudii gumalagar.

Juan 8:12

Gannar Jesús dulemarga sunmakdebargu, sogded: —Ani an we-napneg-naid-e-gwallu-meegwadid. Ar dule anba dagele, negsichidgi nanaosulid, gwallu-meegwad nikuoed.

Gusmalad 13:47

Ar Bab-Jesús bato weyob anmarga igar uksad: ‘Dulemar-yar-baid-baidgi-bukmaladga, neg-meegwadga-guega an be-imaksad. Bela napneg-naid-ugakaasega, an-abonoleged-igar-sedega, an be-imaksad.’ ” Isaías 49:6

Gusmalad 26:18

Adi, amarga be ibya egaegar, mer negsichidgi bar garmakdii gumalagar, nabir bur gwallu-meegwadgi gudigumalagar, mer nia-saila-Satanás-ganguedba bar-nanamalagar, nabir Bab-Dummad-igarba nanamalagar. Amarse an be-barmid, angi mer bar bengumalagar. Geb degiir, e-isgudiid Bab-Dummad ega elioed, degi, nabir nibneggi angi-akasmaladba ibmar-nued nikumarmogoed.’ ”

Gusmalad 26:23

Weyob sogsamalad: ‘Cristo, Bab-Dummad-dule-wargwen-barmidagoye-sogsad-dule, burgwega we-napnegse nonikoye. Burgwisad-sorba, e-inse gannar durguoye, degi, gwallu-neg-mee-imakedyob anmar-Judío-dulemarga, degi, Judíoʼsurmaladga gunonikoye.’ ”

Efesios 5:14

Ar a-ulale, sogleged: “Be gabmaid, ataksun, dulemar-burgwarmalad-abargi be gwisgusun, degi, Cristo gwallu-meegwadga bega gunonisunnoed.”

Apocalipsis 21:23

We-neggwebur ibegwar-sigegala, dad-ibeler abesulid, nii abesurbalid. Ar ade, Bab-Dummad-gaedba we-neg ibegwar siid, degi, Sibad-Wawaad-Mimmi ega neg-ibegwaledga gubalid.