Juan 8:6 - Kuna San Blas

⁶ Fariseoʼmar Jesús-wilubdakegala yamo deyob ese egichismalad. Adi, Jesúsʼgi sorba gwisgumalagar. Jesúsʼdi, napase dulluu imakdegu, e-googi napa narmak-narmak imaksigisad.

Bab dummad Jesucristoba igar mesisad garda

⁶ Ar yamo Jesús-wilubdakegala Fariseomar ese deyob egichismalad, adi Jesúsgi sorba gwisgumalagar. Ar Jesúsdi, napase dulluu atakdegu, e-gogi napa narmak-narmak imaksigisad.

Juan 8:6 Iomraidhean Croise

Génesis 49:9

Judá, be achumigur-sapingwagwadyob gued, Masgasa-gunnaid bergusale, obunnomegisdaed. ¿Doa ese achaoe? Dule geg ese achaed.

Salmo 39:1

An na dukin sogsad: “An itoakwaa nanadii imakoye, adi, an-sunmakedgi mer an isguegar. Ar dule-isgana an-asabin gwichile, andi ibmar-sogosulid.”

Proverbios 26:17

Igi achu uaya-ebilenaidgi emargi aibine, deyobi, dule, dulemar-urwenaid-imbagi gotemogale, boni-amied.

Eclesiastés 3:7

Ibmar-esirmakleged-e-iba nikad, ibmar-makleged-e-iba nikabalid. Sunmaklesulid-e-iba nikad, sunmakleged-e-iba nikabalid.

Jeremías 17:13

¡Bab-Jehová, be Israel-dulemar-bendakega gued! Dulemar begi-aibatemaladi, bingegudmaloed. Dulemar begi-banguddamaladi, ukubgi-ibmar-narmaklegeyob yoggudmaloed. Ar Bab-Jehová-dii-nuedyob-gued iedmalad.

Daniel 5:5

Deyob-gunanaidgine, ukiagwar reyneg-dummad-ollor-naid-e-galugi argan-gwensak daklealid. Geb we-goo galu-sipu-magaledgine ibmar-narmaknai dakalid. Gwallumar-gabukwadba we-ibmar-narmaklenaid magar-dakleged. Rey-Belsasar, goo ibmar-narmaknai-dakargua,

Amós 5:10

Bemar, igar-nudaked-neggi dule-igar-nudakega-arbamaladi, isdar dakmalad, degi, dule-napira-ibmar-soged, isdar be dakmarbalid.

Amós 5:13

Agala, weyob neg-gunaidgine, dule-binsaed-nikadaedi bogi gudidaed. Ar ade, we-ibagande nuedsulid.

Números 14:22

an bega soged: ‘We-dulemar Egiptoʼgi, degi, nega-dulesulidgangi an-ibmar-imaksad-daksamaladi, degine, an-gangued-yeerdakleged daksamarbalidi, bipisaale wargwensaale yar-an-ega-ukoye-sogsad dakosurmalad. Amar bali-bali nega-dulesulidganba an-wilubdakdani gusmalad, an-sogedba ibmar imaksasurmalad.

Mateo 10:16

Jesús, e-sapinganga sogded: “Emigi bemar, sibad-wawaadyob, achu-burburumalad-abargi an na be-barmidmar. Degisoggu, naibeyob bemar guagwar gudimaloed. Deginbali, baisursunna nuu-daeyob be damarbaloed.

Mateo 15:23

Ar Jesúsʼdi gwen abin-imaksasulid. Geb degi, Jesús-sapingan Jesúsʼse nonimargu, egi wilenaigusmalad, ega sogdemalad: —We-omega be soge, be naye. Ar anmar-sorba binnasur gordanikid.

Mateo 16:1

Fariseoʼmar, degi, Saduceoʼmar, yamo Jesús-wilubdakega Jesúsʼse nonimalad. Jesúsʼga sogdemalad: —Be Bab-Dummad-ganguedba, ibmar-wilubgan-dakledisulid anmar-wagab be imake, adi, anmar mag be-dakoed, be Bab-Dummad-nuggi nue-daniye.

Mateo 19:3

Geb agi gwenna-gwenna Fariseoʼmar Jesúsʼse nonimalad, yamo yardakega ese nonimalad. Ega sognonimalad: —¿Wede yogsaar sunna ome-meteleye igar mai?

Mateo 22:18

Ar Jesúsʼdi wemar-egi-isdar-binsananaid mag daksoggu, amarga sogded: —¡Bemar wagar-darbodamaladid! ¿Ar ibiga bemar yamo an-wilubdakdanimala?

Mateo 22:35

Geb Fariseo-wargwen Moisés-Igar-nue-wisidi, Jesús-yamo-wilubdakega, ese egisnonikid:

Mateo 26:63

Ar Jesúsʼdi bipisaar gwen abin-imaksasulid. Geb degi, dule-irwa-Babse-gormalad-bur-dummad ega sogdesunnad: —Bab-Dummad-Dula-Maid-nuggi an bega soged, anmarga be soge, ¿ar be Cristo, Bab-Dummad-Machi-sunnadi?

Marcos 10:2

Agine, Fariseoʼmar Jesúsʼse nonimalad. Geb yamo Jesús-wilubdakega, ese egisnonimalad: —¿Wede sunna ome-metoye igar mai?

Marcos 12:15

¿Anmar bennukoe, igi bennuko suli? Ar Jesúsʼdi we-dulemar yamo e-yardakdanimalad-wissoggu, amarga sogded: —¿Ar ibiga bemar yamo an-yardakdanimala? An dakegala, be anga Roma-mani-gwagwen sedamala.

Marcos 3:2

Dulemar Jesús-argabukwa gusmalad, dakega, Jesúsʼde, obunnoged-ibagi dule-nudakodibeye, adi, egi sunmakmalaga, obunnoged-igar-maidgi annadiiye.

Marcos 8:11

Fariseoʼmar, Jesúsʼse nonimalad, geb Jesúsʼbo abin-abin imakarmalad. Yamo Jesús-wilubdakega, nibneggined-ibmar-wilubgan-dakledisulid emarga oyoye ese egichiarmalad.

Lucas 10:25

Agine, Moisés-Igar-Mamaid-oduloged-wargwen, gwisgualid, Jesús-yardakega yamo sogded: —Odurdaked-saila, ¿burba-geg-bergued an nikuegala, ibu an imakergebe?

Lucas 11:16

Baigandi, yamo Jesús-wilubdakega ega sokarmalad, ega Bab-Dummad-ganguedba ibmar-wilubgan-dakledisulid imakye. Adi, nue wisgumalagar, Bab-Dummad-nuggi nue-ibmar imakdiiye.

Juan 8:2

Banedgine, Jesús wakudaryala Bab-Dummadse-goled-negse gannar nonigu, dulemar-bukidar ese nonimalad. Jesús sigisgua, dulemar-odurdakded.

1 Corintios 10:9

Degine, melle Bab-Jesús-wilubdaknai gumarbalo, igi be-dadgan-gwenna-gwenna Bab-Dummad-wilubdakbi-guarmaladba, naibe-buledgi bukidar warmaksamala, degi, burgwisgusmala.