Juan 8:52 - Kuna San Blas

⁵² Geb degi, Judíoʼmar Jesúsʼga sogdemalad: —Emigindi, anmar nue-wisdo, begi nia naid. Abraham, degi, Bab-Dummad-gayaburba-barsogmaladdi burgwismalad. Emide, bedi soged: ‘Ar dule-wargwen an-gayaburba-sogedba-daele, burgwed itogosurye.’

Bab dummad Jesucristoba igar mesisad garda

⁵² Degi Judiomar Jesúsga sogdemalad: —Emigindi anmar nue wisdo, nia begi naid. Abraham, degi, Bab-Dummad-gaya-burba-berbemaladdi burgwismalad, emide bedi soged: ‘Ar dule-wargwen an-gaya-burba-sogedba daele, burgwed itogosurye.’

Juan 8:52 Iomraidhean Croise

Mateo 11:18

”Ar Juan we-napnegse-nonigu, dule-baigan-mas-gunnedyob mas-gunsuli gudigusad, dule-baigan-gobedyob gobsuli gudigusad. Egi be sogsagusmalad, ‘Wedi nia naiye.’

Juan 1:19

Diigi-dule-oged-Juan weyobi Jesúsʼgi sunmaksagusgu, weyob gusdo. Deunni, Judíoʼmar-dummagan Jerusalén-akar dule-irwa-Bab-Dummadse-gormalad, degi, a-bendakmalad-Levitaʼmar barmiargusad, Juanʼse-egismalaga: —¿Be doa-dulesunna?

Juan 14:23

Jesús abin-imakdegu, sogded: —Ar dule an-sabele, an-gayaburba-sunmakedba daoed, degine, an-Bab a-dule-sabgumogoed, degine, anmar a-dulegi-megega ese nonikoed.

Juan 15:20

Be insamalo, an bemarga sogsad: ‘Dule maiga-gudiid e-dummadba geg dummad guye.’ Dulemar an-baregichamarsoggu, bemar-bareginmarmogoed. Degine, an-ibmar-sogsadba nanasmalale, bemar-ibmar-sogedba nanamarmogoed.

Juan 17:6

”We-napneggi dulemar-be-anga-uksadga an be-oyosad, be doa gue. A-dulemar begadinad, be anga uksad. Amar, be-gayaburbaba nanadimalad.

Juan 7:20

Dulemar, Jesús-abin sogdemalad: —Nia begi nai. ¿Ar doamar be-oburgwebie?

Juan 8:22

Geb degi, Judío-dummagan sogdemar: “Ar ibiga soge: ‘An-naedse, geg bemar namarye.’ ¿Ar ede na dukin oburgwedgi binsae?”

Juan 8:48

Judíoʼmar, Jesús-abinsadmalad, ega sogdemalad: —Anmar nabir sogmalad, be Samaria-dulemar-isganayobmoye, degine, nia begi naiye.

Juan 8:51

Napira an bemarga soged, dule an-gayaburba-sogedba-daele, we-dule burgosulid.

Juan 8:55

Bemardi a-Bab-Dummad akudakmalad, andi a-Bab-Dummad mag daked. An bemarga sogdibe, a-Bab-Dummad aku an dakye, bemar-sunnaa an gakansasaled. Andi a-Bab-Dummad mag an daked, degine, e-gayaburbaba an nanadibalid.

Juan 9:24

Degine, Fariseoʼmar dule-ibyasuli-gudigusadse gannar gochamargu, ese egisdemalad, ega sogdemalad: —Bab-Dummad-asabin napiragwadba be anmarga sogo, igi be nugusa. Anmardi wismalad, we-dule, dule-isganad.

Hebreos 11:13

Bela-we-dulemar ibmar-ega-uklegoye-soglesad-abingassuli burgwismalad. Ar wemar gwen bengussurmarsoggu, dikasuli-ibmar-daksamaladgi bengussurmalad, bato abingasayobi, egi wergusmalad. Na wismalad, emarde dule-yar-baidginmaladye, unnila we-napneggi sikwas garmakdimarye.

Hebreos 2:9

Jesús dulega-gunonikidba, baliwiturba wis yaisaar gusad. Emisgindina, anmar Jesús daked e-burgwisadbali, Bab-Dummad ega gangued-yeerdakleged uksa, degi, nug-dummarba-nikuega imaksabali. Deyobi, Bab-Dummad dulemargi-nabir-binsaedba burgwedgi naibid-dummad-itogega Jesús-imaksad, adi, bela dulemar-anar burgwegar.