Juan 8:41 - Kuna San Blas

⁴¹ Bemardi, be-bab-Satanás-ibmar-imaked be imakdimalad. Geb degi, Judíoʼmar Jesúsʼga sogdemalad: —Anmar negsichidgi gwalulesadsurmalad. Anmar bab-nika gwalulesmalad. Bab-Dummad anmar-babad.

Bab dummad Jesucristoba igar mesisad garda

⁴¹ Ar bemardi be-bab-Satanás-ibmar-imaked be imakmalad. Degi Judiomar Jesúsga sogdemalad: —Anmar dule-neg-sichigi-gwalulesad-surmalad. Anmar bab-nika-gwalulesmalad, Bab Dummad anmar-babad.

Juan 8:41 Iomraidhean Croise

Éxodo 4:22

”Geb degine, Faraónʼga be sogoed: ‘Bab-Jehová weyob soged: Israel an-machi-sailaginedid.

Isaías 63:16

Degi-inigwele, be, anmar-Babad, ar Abraham amba aku-anmar-dakele, degi, dad-Israel amba aku-anmar-dakbalile, be, Bab-Jehová, be anmar-Babad. Gusgu be Anmar-Ollor-Imakedye nugad.

Isaías 64:8

Degi-inigwele, Bab-Jehová, bee be anmar-Babad. Anmar napsa gumalad. Bedi napsa-sobedga gued, bela be anmar-obinnisad.

Jeremías 3:19

An-sunnagwad an weyob sogsagusanad: Israel an-mimmiga an imakoye, napa-bur-sunsoged an ega-ukoye, an sogsagusad. Baiganba yar-bur-yeerdakleged an ega ukoye, an binsasad. An binsasanad be anse gormaloye, ‘Babye.’ Be angi aibanosurmarye, an binsasanad.

Jeremías 31:20

Bab-Jehová soged: “¿Ar Efraín an-Machi-sabed-sunnadsursi? ¿Bur Efraínʼbina an nue-itosursi? Gandikidba an ega ibmar-sokalile, an ebinsaardaed. Efraín bur bela-belad an-gwage-ebudaed, we bur an nue-wiledaked.

Oseas 1:2

Gebedgi, Bab-Jehová weyob Oseasʼga sunmaksad. Weyob ega sogsad: “Be nao, ome-gambasaed be nikuna, ebo be anagan-nikuo. Ar Israel-dulemar bela nue-isgusbukwad, ar bela angi bangudmalad.”

Malaquías 1:6

Bab-Jehová-Bela-Gangued-Nikad dule-irwa-ese-gormaladga soged: “Mimmigan, e-bab-nug odummoged, degi, maimar e-dummadgi binsaed-nikaa damalad. Emide, an bemar-bab-guele, degite, ¿ibiga geg be an-nug odummomarsunna? An bemar-dummad-gubalile, degite, ¿ibiga geg be angi-binsaed-nikaa damarbarsunna? Bemar an-nug oichodimalad. ”A-ukinbali, be sogmarbalid: ‘¿Ibigi an be-nug oichodimala?’

Malaquías 2:11

Judá-wagan, Bab-Dummadgi nosmalad. Israel-yargi, degi, Jerusalénʼgi, igar-maisulid, we-igar-isgana imaksamalad: Ar Judá-e-wagan, omegan-bab-dummad-baidse-gormalad-nikudmaladba, Bab-Jehová-e-neg-sabed-islidikid oichosmalad.

Juan 8:38

An-ibmar-sogedi, an-Bab-walik-an-ibmar-daksadba an sunmaked. Ar bemardi ibmar-imakedi, be-bab-ibmar-itosadba be imakmarmogad.

Juan 8:44

Ar nia-saila bemar-babad, degine, be-bab-ibmar-abegedba be damalad. Ar gusgu, gebesailaunni nia-saila dule-gindakedid, degine, igar-napiragwadgi bangusad, ar igar-napiragwad nia-sailagi naisulid. Ar nia-saila gakansaar sunmakdele, gusgu na e-daedba sunmakdedaed. Ar ade, gusgu gakansaerbad, degine, dulemar-gakansaed-e-babad.

Deuteronomio 14:1

Moisés Israel-dulemarga sogdebalid: “Bemar, be-Bab-Dummad-Jehová-mimmigan gumalad. Mer dule-burgwisad-ular, be-san-uka daas-daas imako, mer nono-swiri be ibalo.

Deuteronomio 32:6

Bemar, dulemar-gegeganad, bemar, dule-binsaedsurmaladid. ¿Ar weyob bemar be-Bab-Jehová-abin-imakmarde? ¿Ar Bab-Jehováʼde be-Bab-Dummadsursi? ¿Ar bemar-obinnisadsursi? ¡Ar Bab-Dummad we-napnegse bemar-senonikidid! ¡A wegi bemar-urbisadid!

1 Juan 3:12

Melle Caínʼyobi gumalo. Ar Caín nia-saila-sordasoggu, a-ular, na e-urba-oburgwisad. ¿Ibiga e-urba-oburgwis be insae? Ar ade, ibmar-isgana imaksad. E-urbadi, ibmar-inniki-imaksasoggu, egi nobedba e-urba-oburgwissunnad.