Juan 8:36 - Kuna San Blas

³⁶ Degisoggu, Bab-Dummad-Machi isguedgi bemar-onononikir, geb be nue-napira ollorgunonimaloed.

Bab dummad Jesucristoba igar mesisad garda

³⁶ Degisoggu, ar Bab-Dummad-Machi iskuedgi be-onononikir, geb be nue-napiragwad ollorgumaloed.

Juan 8:36 Iomraidhean Croise

Salmo 119:133

Be-Igar-Sogsadba-nanaega be an-imake. Melle igar-isgana angi obinega be imake.

Salmo 119:32

Be-Igar-Islidik-Mamaidba an gwae ibsaoed, ar gwage-weligwar an-imakdaed.

Salmo 19:13

Deginbali, an yamo-begi-yoledaedgi, be an-ollorsabali. We-isgued mer angi obined be sae. Adi, dulemar bar angi sunmakosulid, bar an isgued-dummad imakosulid.

Isaías 61:1

“Bab-Dummad-Jehová-Bur-Birigined-E-Burba angi maid. Ar ade, dule-wilemaladga gayaburba-nuegangi-sunmakega, Bab-Dummad an-susad. Bab-Dummad an-barmialid, dule-gwage-nunmak-itodimaladga gwage-armakegar. An-barmialid, dule-galesbukmalad-onogedgi sunmakega, degi, dule-esgaryagi-galesbukmalad onogegar.

Lucas 4:18

“Bab-Dummad-e-Burba angi maid. Ar ade, dule-wilemaladga gayaburba-nuegangi-sunmakega, Bab-Dummad an-susad. Bab-Dummad an-barmialid: Dule-gwage-nunmak-itodimaladga gwage-armakegar. Dule-galesbukmaladga binnasur sogegar, bemar ainimarye. Dule-ibyasuli-gudimaladga ibya-egaegar. Dule-mesagwar-gudimalad-ollor-imakegar.

Romanos 8:2

Cristo-Jesúsʼba Bab-Dummad-Burba-e-igar-dule-odulogedi isgued-igargi an-ollor-imaksad, degine, burgwed-igargi an-ollor-imaksabalid.

1 Corintios 7:22

Ar Bab-Jesús maiga-be-gudiidgi bese gochagu, Bab-Jesúsʼga maiga-gudiid be bergunonikid. Amba deyobmodo, maiga-be-gudisulidgi, na be-itolegedba-be-gudiidgi, Bab-Jesús-bese-gornonigu, be Cristo-maiga gunonikid.

2 Corintios 3:17

Ar Bab-Jesúsʼde, Bab-Burba gued. Degisoggu, bia Bab-Jesús-Burba gudii, agine, ollorguleged-amileged.

Gálatas 5:1

Cristo, Moisés-Igar-Mesisadgi anmar-ollor-imaknonikid. Agi-anmar-maiga-gudigusadgi anmar-onosad. Degisoggu, mer gannar be maiga-gumalaga, gandik na be imakmar.