Juan 8:29 - Kuna San Blas

²⁹ Ar an-Bab-an-barmialid anba gudiid, wargwen an-metedisulid. Ar ade, an bela-ibmar-imakedi, an-Bab-nabir-itoge an imaked.

Bab dummad Jesucristoba igar mesisad garda

²⁹ Ar an-Bab-an-barmialid anba gudiid, wargwen an-metedisulid, ar ade an bela-ibmar-imakedi, an-Bab-nabir-itogedi an imaked.

Juan 8:29 Iomraidhean Croise

Isaías 42:1

Bab-Jehová soged: “We, an-mai-gued. Ani an we-dule-sediid. Ani na susad. An egi yeer itoged. An-burba an ega uksad. Ani Bab-Jehová, dulemar-yar-baid-baidgi-bukmaladga igar-innikigwad imakoed.

Isaías 42:21

Bab-Jehová, e-igar-innikigwad-sabedbali, yeer-itosad. E-igar-maid-dummarba-guedbali, degi, gandikid-guedbali, yeer-itosad.

Isaías 42:6

“Ani an Bab-Jehová gued. Ani an bese gochad, igar-innikigwad-imakega an be-semai gusad. Ani an be-odenonikid, an-dulamarga an dulemarbo-igar-mesisad-e-wilubga-guega an be-imaksad. Dule-yar-baid-baidgi-bukmalad-magar-neg-itomalaga, gwallu-meegwadyobi an be-ogwisgunonikid.

Mateo 17:5

Amba Pedro-sunmakgwichi, mogir mee emar-birgi nagunonikid. Geb agi mogir-imbaba gayaburba gollalid, sogded: “We, An-Machi-sabedid. We-Machigi an yeer itoged. We-Machi nue be itomar.”

Mateo 3:15

Jesús abin-sogded: —Ar emigindi, anmar deyob saergebed, igar-maidba anmar imakergebed. Degisoggu, Juan Bab-Dummad-diigi-ogleged-igargi Jesús-ogsasunnad.

Mateo 3:17

Geb degi nibneg-akar gayaburba gollalid, sogded: “We, An-Machi-sabed-sunnad gued, weba weligwar an itoged.”

Juan 14:31

Degi-inigwele, we-napneggi-dule-bukmalad, an Bab-sabed, degi, Bab-Dummad-an-barmialidba an ibmar-imaked, wisguer gebed.” Jesús bela weyob sogsad-sorba, e-sapinganga sogded: “Gwisgumar, anmar namarsun.”

Juan 15:10

Ar igi an an-Bab-Igar-Mamaidba an dae, degi, e-sabguedgi an akanai, deyobi, bemar an-igar-mamaidba-daele, an-sabguedgi bemar gudii gumarmogoed.

Juan 16:32

Emigindi, ibagan danikid, ibagan nonisunnad. Bemar wala-walagwen aisakidmaloed, wargwen be an-metemaloed. Degi-inigwele, wargwen an beosulid, ar ade, Bab anba gudiid.

Juan 17:4

”Baba, an we-napneggi be-nug odummosad, deginbali, arbaed-be-anga-uksad an obelosadbalid.

Juan 4:34

Jesús, abin-sogded: —Dule-an-barmialidba an ibmar-imaked, degi, an e-arbaed-obeloged, an-masgunnedid.

Juan 5:30

Jesús Judíoʼmarga sogdebalid: “Geg an na dukin wargwengi ibmar imaked, unnila an-Bab-anga-sogedba an dulemarga igar itoged. An-igar-itogedi, innikigwadgi an itoged. Ar wargwen an-itolegedba an ibmar imaksulid, an-ibmar-imakedi, an-Bab-an-barmialid-sogedba an imaked.

Juan 6:38

”An-itolegedba ibmar-saega nibneggi an danisulid. Dule-an-barmialid-sogedba an ibmar-imakega nonikid.

Juan 8:16

Ar dule-wargwenga an igar-nabogele, an-igar-nabogedi napiragwadba an imaked. Ar ande, wargwengi an igar-nabosulid, an-Bab-an-barmialid, a-anbo an imaked.

2 Timoteo 4:17

Ar Bab-Jesúsʼdi anba gudigusad an-metesulid. Geb an-bendaksad, degine, an-ogannosbalid, adi, Bab-Jesúsʼgi-Abonoleged-Igargi an sunmakegar. Adi, bela Judíoʼsurmalad a-igar itomarmogagar. Degidbali, nabir Bab-Jesús burgwedgi an-abonosad.

2 Timoteo 4:22

Dummad-Jesucristo be-burbaba gudii guoed. Bab-Dummad nued bemargi binsamarsun.

Hebreos 4:15

Ar anmar-irwa-Bab-Dummadse-goled-bur-dummad anmar-sunna wilubdaklesmogad, degite, gwen isgussulid, a-ular, anmar-nollo-itogedgi nabir wile anmar-daksunnad.

Hebreos 7:26

Ar dule-irwa-Bab-Dummadse-goled-bur-dummad-weyobid anmar nika abeleged: Dule-gwage-swilidikid, neg-oakalossulid, gwagegi-gutu-naisulid, dule-isgumaladgi-aibacha-gudiid, degi, nibnegba-bur-bule-dule-dummadga-maklesbalid.

1 Juan 2:1

Mimmigan, melle bemar isgumalaga, we-ibmarmar an bese narmakmalad. Ar dule-wargwen isgusardi, insao, Bab-asabin anmar-irwa-sunmakega anmar-arsoged-wargwen an nikmalad. We-dule, Jesucristoʼdo, innikii-ibmar-saed-duled.

1 Juan 3:22

Ar ibu anmar Bab-Dummadse-egichidele, anmarga Bab-Dummad ukoed. Ar ade, anmar e-Igar-Mamaidba nanadiid, degine, ar anmar Bab-Dummad-asabin ibmar-nuegan imakdiid.