Juan 8:15 - Kuna San Blas

¹⁵ Ar bemardi unnila we-napneg-igar-maidba sogmalad, we, dule-isganaye, we, dule-nuedye. Andi an sogsulid we, dule-isganaye, we, dule-nuedye.

Bab dummad Jesucristoba igar mesisad garda

¹⁵ Ar bemardi unnila we-napneg-igar-maidba sogmalad, we dule-iskanaye, igi, we dule-nuedye. Andi an sogsulid we dule-iskanaye, igi, we dule-nuedye.

Juan 8:15 Iomraidhean Croise

Amós 5:7

Igar-innikigwadi, igar-isganaga be imakmalad. Bur Igar-napiragwadi obanagwar be imakmalad.

Amós 6:12

¿Ar molimar akwa-dummagan-imbaba abarmaksi? ¿Ar akwa-dummagangi nabir moli-bebe-nikad napa imusi? Ar bemardi, igar-innikigwad, ibmar-isganaga obinnismalad. Igar-innikigwad-selemaid, boniga be obinnismalad.

Habacuc 1:4

Agala, igar-maidba ibmar-imaklesulid, igar-innikigwad-imakleged bar imaklesulid. Dule-isgana dule-nued-balegindiid, dulemarga igar-innikigwadba igar nabolesulid.

Lucas 12:14

Jesúsʼdi, abin-sogded: —Dule, ¿doa igar-naboged-dummadga an-nug-imaksa? Bemarga ibmar-mamarega, ¿doa ibmar-mimied-dummadga an-nug-imaksa?

Juan 12:47

”Ar dule an-gayaburba-itogedba dasulile, ani an sogosulid, be dummad-nosye. An we-napnegse nonisulid, dulemarga sogega be nue-isgusmarye. An dulemar-abonogegala nonikid.

Juan 18:36

Jesús, abin-imakded: —An Reyga-meged-igar we-napnegginedsulid. An Reyga-megedi, we-napnegginedina, an-sordamar anbina urwemaloenad, adi, melle Judíoʼmarse an galegegar. Ar emigindi, an Reyga-megedi, we-napnegginedsulid.

Juan 3:17

Ar Bab-Dummad we-napnegse na E-Machi-barmiargu, dule-we-napneggi-bukmalad-sabsur-odurdakega barmiarsulid. Na E-Machi-barmialid, adi, dule-we-napneggi-bukmalad E-Machigi abonolemalagar.

Juan 7:24

Melle dule-daklegedba be sogo we-dule, dule-nuedye, igi, we-dule, dule-isganaye. Suli. Innikigwadba be sogoed.”

Juan 8:11

Ome, abin-sogded: —Dummad, dule-wargwensaar angi gwisgussulid. Geb Jesús omega sogdemosun: —An begi gwisguosurmogad. Be nae. Mer be bar isguo.]

Romanos 2:1

A-ulale, ar be doa-dule gudibe, geg na be soged, andi an isgussurye. Ar be dule-baidnik sogele, we-dule isgudiiye, ar be deyob sogedbali, na be dukin sognaido, an isgudimoye. Ar be dule-baid-ibmar-isgana-imakdiiyob be ibmar-isgana imakdimogad.

1 Corintios 2:15

Ar dule-burbar-duladdi bela mag itoged, igid igar-nuedi, igid igar-isganabali. Degisoggu, dule-baigan a-dulegi geg akar soged.

2 Corintios 5:16

Degisoggu, a-ulale, dule-Bab-wissurmalad-binsaedyob, bar an dulemar-daksurmalad. Ar iduar dule-Bab-wissurmalad-binsaedyob, an Cristo-daksamar-inigwele, emigindi, bar deyob an Cristo-daksurmalad.

Santiago 2:4

Ar deyob be damalale, bato be dulemar emarbi daksurmalad. Bemar, dule-igar-nabomalad-isganayob gumaloed. Ar amardi, dulegi-isdar-binsaedba ega igar-noar nabodamalad.

1 Samuel 16:7

Bab-Jehováʼdi, Samuelʼga sogded: —Ar we-dule an nug-imaksasulid. Mer e-daklegedgi be atake, mer e-mas-dunguedgi be atake. Ar andi we-ibmar daksulid. Duledi, ibmar-daklegedgi ataked, andi, gwage-ulub daked.